មនុស្សជាច្រើនបានស្លាប់នៅក្នុងប្រទេសតួកគីបន្ទាប់ពីរញ្ជួយដីបានវាយប្រហារតំបន់ព្រំដែនអ៊ីរ៉ង់

មនុស្សជាច្រើនបានស្លាប់នៅក្នុងប្រទេសតួកគីបន្ទាប់ពីរញ្ជួយដីបានវាយប្រហារតំបន់ព្រំដែនអ៊ីរ៉ង់

រដ្ឋមន្រ្តីក្រសួងសុខាភិបាលរបស់ប្រទេសបាននិយាយថា យ៉ាងហោចណាស់មានមនុស្ស ៩នាក់បានស្លាប់ និង ៣៧នាក់ផ្សេងទៀតបានរងរបួសនៅក្នុងខេត្តវ៉ាន់របស់ប្រទេសតួកគីបន្ទាប់ពីមានការរញ្ជួយដីកាលពីព្រឹកថ្ងៃអាទិត្យ។

លោក Fahrettin Koca បាននិយាយថាអ្នករងរបួស ៩នាក់ស្ថិតក្នុងស្ថានភាពធ្ងន់ធ្ងរ។ មុននេះរដ្ឋមន្រ្តីក្រសួងមហាផ្ទៃលោក Suleyman Soylu បាននិយាយថាមនុស្ស ៣នាក់ដែលបានស្លាប់គឺជាកូនក្មេងហើយមានអគារចំនួន ១០៦៦ បានដួលរលំ។

លោក Soylu បាននិយាយថា អាជ្ញាធរគ្រប់គ្រងគ្រោះមហន្តរាយបានចាប់ផ្តើមការងារជួយសង្គ្រោះ ហើយកិច្ចខិតខំប្រឹងប្រែងស្វែងរកនិងជួយសង្គ្រោះកំពុងតែបន្ត។

មជ្ឈមណ្ឌលការរញ្ជួយដីមេឌីទែរ៉ាណេអឺរ៉ុប (EMSC) បាននិយាយថាការរញ្ជួយដីកម្រិត ៥.៧ រិចទ័របានវាយប្រហារតំបន់ព្រំដែនតួកគី – អ៊ីរ៉ង់។ EMSC ដែលមានជម្រៅ ៥ គីឡូម៉ែត្រ (៣,១ ម៉ាយ) ។

ទូរទស្សន៍សាធារណៈតួកគី TRT World បាននិយាយថាវាបានប៉ះពាល់ដល់ភូមិចំនួន ៤៣ នៅក្នុងប្រទេសតួកគីដែលមានប្រវត្តិនៃការរញ្ជួយដីដ៏ខ្លាំងក្លា។ TRT World បានបន្តថាក្រុមត្រួតពិនិត្យការខូចខាតត្រូវបានបញ្ជូនទៅក្នុងតំបន់ ក៏បានរបាយការណ៍ពីការដួលរលំអគារនៅទីក្រុងវ៉ានរបស់តួកគីផងដែរ។

លោក Hashem Ahelbarra របស់ Al Jazeera រាយការណ៍ពី Hatay នៅភាគខាងត្បូងប្រទេសតួកគីបាននិយាយថា អាជ្ញាធរកំពុងខិតខំប្រឹងប្រែងដើម្បីទៅដល់អ្នកដែលរងផលប៉ះពាល់ដោយការរញ្ជួយដី។ គាត់បានបន្ថែមថា អាជ្ញាធរមានការព្រួយបារម្ភថា មនុស្សជាច្រើនអាចជាប់នៅក្នុងគំនរបាក់បែក ហើយប្រតិបត្តិការជួយសង្គ្រោះកំពុងដំណើរការ ភូមិដែលនៅតំបន់ភ្នំរាប់សិបបានរងផលប៉ះពាល់។

មន្ត្រីអ៊ីរ៉ង់ម្នាក់បានប្រាប់ទូរទស្សន៍រដ្ឋថា «ក្រុមជួយសង្គ្រោះរបស់យើងត្រូវបានបញ្ជូនទៅកាន់តំបន់នោះ រហូតមកដល់ពេលនេះយើងមិនទាន់មានរបាយការណ៍អំពីការខូចខាតឬការស្លាប់នៅក្នុងតំបន់នោះដែលមិនមែនជាតំបន់មានប្រជាជនរស់នៅក្នុងខេត្ត Azerbaijan ខាងលិចរបស់អ៊ីរ៉ង់ទេ» ។

ការរញ្ជួយដីមួយកាលពីខែមុននៅភាគខាងកើតប្រទេសតួកគីបានសម្លាប់មនុស្សជាង ៤០ នាក់ហើយមួយផ្សេងទៀតនៅអ៊ីរ៉ង់បានធ្វើឱ្យខូចខាតដល់រចនាសម្ព័ន្ធផ្ទះដោយមិនបង្កឱ្យមានមនុស្សស្លាប់ទេ៕