ឆ្លងវីរុសកូរ៉ូណាចំនួន ៣ករណីបន្ថែមនៅវៀតណាម សរុបមកដល់ពេលនេះ មាន ៨ករណី
ឆ្លងវីរុសកូរ៉ូណាចំនួន ៣ករណីបន្ថែមនៅវៀតណាម សរុបមកដល់ពេលនេះ មាន ៨ករណី
ក្រសួងសុខាភិបាលវៀតណាមបានអោយដឹងនៅព្រឹកថ្ងៃទី៣ ខែកុម្ភៈនេះថាមានករណីឆ្លងវីរុសកូរ៉ូណាចំនួន ៣ករណីបន្ថែមទៀតដែលមកដល់ពេលនេះ អ្នកឆ្លងសរុបនៅទូទាំងប្រទេសមានដល់ ៨ករណីហើយ។
ករណីឆ្លងទាំង៣ចុងក្រោយនេះ គឺជាអ្នកដែលបានជិះយន្តហោះមកពីទីក្រុងវូហានរួមគ្នាជាមួយអ្នកឆ្លងដែលបានរកឃើញកាលពីថ្ងៃទី៣០ខែមករា ហើយអាជ្ញាធរបាត់ទំនាក់ទំនងសូន្យឈឹងជាមួយអ្នកទាំង៣នេះ។ ករណីឆ្លងនេះបានកើតឡើងនៅក្នុងខេត្តចំនួន៤ហើយ ក្នុងចំណោមខេត្តទាំង៦៣របស់វៀតណាម។
សូមជម្រាបថា កាលពីថ្ងៃសៅរ៍កន្លងទៅ អាជ្ញាធរវៀតណាមបានប្រកាសអាសន្នពីការរីករាលដាលនៃវីរុសកូរ៉ូណានេះ និងបានបិទរាល់ជើងហោះហើរទៅមក និងព្រំដែនគោកជាមួយប្រទេសចិន។ អាជ្ញាធរបានណែនាំមិនអោយមានការប្រជុំគ្នាជាទ្រង់ទ្រាយធំ និងថាការធ្វើពាណិជ្ជកម្មនានាជាមួយចិនត្រូវផ្អាកជាបណ្ដោះអាសន្នសិន៕
