ទស្សនៈមិត្តអ្នកអាន៖ កម្ពុជាមិនអាចយកអធិបតេយ្យជាតិទៅដោះដូរជាមួយជំនួយ ឬការអនុគ្រោះណាមួយឡើយ !
ទស្សនៈមិត្តអ្នកអាន៖ កម្ពុជាមិនអាចយកអធិបតេយ្យជាតិទៅដោះដូរជាមួយជំនួយ ឬការអនុគ្រោះណាមួយឡើយ !បច្ចុប្បន្ននេះប្រជាពលរដ្ឋ កម្មករ កម្មការិនី មន្ត្រីរាជការ និងកងកម្លាំងប្រដាប់អាវុធកំពុងទទួលបានការងារធ្វើ និងមានប្រាក់បៀវត្សសមរម្យ និងប្រាក់ឈ្នួលកើនឡើងជាលំដាប់ជារៀងរាល់ឆ្នាំ។ ផ្ទុយទៅវិញ ក្រុមប្រឆាំងបែរជាកំពុងលើកយកប្រធានបទរឿង EBA ដើម្បីជាលេសបំភិ តបំភ័យចំពោះកម្មករ កម្មការិនី មន្ត្រីរាជការ និងអ្នកវិនិ យោគនៅកម្ពុជាទៅវិញ ដោយបំផ្លើសថានឹងមានឱនភាពសេដ្ឋកិច្ច និងរំពឹងថា នឹងមានការវិវឌ្ឍលើបញ្ហានយោ បាយចាប់ពីថ្ងៃទី១២ ខែធ្នូនេះតទៅ ប៉ុន្តែនោះគឺជារឿងមិនពិត ពីព្រោះថាបើទោះបីជាគ្មាន EBA ក៏កម្ពុជានៅតែអាចធ្វើពាណិជ្ជកម្មនាំទំនិញគ្រប់មុខទៅលក់នៅអ៊ឺរ៉ុបបា នដដែល ដោយគ្រាន់តែធ្វើការបង់ពន្ធនាំចូលដូចបណ្តាប្រទេសដ៏ទៃទៀតប៉ុណ្ណោះ។
ដើម្បីបំភ្លឺចំពោះបញ្ហានេះ លោកនាយករដ្ឋមន្ត្រី ហ៊ុន សែ ន បានបញ្ជាក់ច្បាស់ជាថ្មីម្តងទៀត នៅក្នុងពិធីចែកសញ្ញា បត្រដល់និស្សិតសាកលវិទ្យាល័យឯកទេសនៃកម្ពុជា កាលពីព្រឹកថ្ងៃទី១១ ខែធ្នូ ថា៖ «ស្រុកខ្មែរចាប់ពីថ្ងៃនេះតទៅមិនមានបញ្ហាអ្វីកើតឡើងនោះឡើយ»។ ការបញ្ជាក់របស់លោកនាយករដ្ឋមន្ត្រីបែបនេះដោយហេតុថា សេដ្ឋកិច្ចរបស់ប្រទេសកម្ពុជានៅតែបន្តមានភាពស្វាហាប់ និងរឹងមាំដដែល បើទោះបីជាសេដ្ឋកិច្ចសាកលលោកនៅមានភាពមិនប្រាកដប្រជា ដោយសារតែសង្គ្រាមពាណិជ្ជកម្មរវាងប្រទេសមហាអំណាចធំពីរ គឺចិន និងសហរដ្ឋអាមេរិកក្តី។ ដោយឡែកកំណើនសេដ្ឋកិច្ចកម្ពុជានៅក្នុងឆ្នាំ២០១៩នេះ អាចសម្រេចបានក្នុងរង្វង់ប្រមាណ៧% តែតួលេខរបស់ធនាគារជាតិ និងអ្នកឯកទេសខាងវិស័យហិរញ្ញវត្ថុបានវាយតម្លៃថាកំណើនសេដ្ឋកិច្ច អាចកើនដល់ទៅ៧.១% ឯណោះ ខណៈអត្រាអតិផរណាមានជាង ២%។
ស្ថានភាពកំណើនសេដ្ឋកិច្ច និងអត្រាអតិផរណាទាបនេះគឺបានឆ្លុះបញ្ចាំងពីស្ថានភាពសុខភាពសេដ្ឋកិច្ចមួយដ៏ល្អ ដែលអាចធានាដល់លំនឹងនៃម៉ាក្រូសេដ្ឋកិច្ចជាតិយ៉ាងប្រាកដ។ យោងតាមតួលេខនៃចំណូលពន្ធពីគយ និងពន្ធដារគិតមកដល់ត្រឹមថ្ងៃទី០៩ ខែធ្នូ នេះ រដ្ឋទទួលបានចំណូលប្រមាណ ៥,៦៥២ លានដុល្លារអាមេរិក លើសផែនការគ្រោងទុកប្រមាណ ១,១០៣ លានដុល្លារ ដែលក្នុងនោះចំណូលបានពីពន្ធនៃការនាំចូលរថយន្ត និងម៉ូតូ មានរហូតដល់ ៥២%។ នេះមិនទាន់រាប់បញ្ចូលថវិកាបំរុងជាតិ និងអន្តរជាតិនៅឡើយទេ។
យោងតាមតួលេខពីធនាគារជាតិបានឱ្យដឹងថា ថវិកាបំរុងរបស់ជាតិគឺមានប្រមាណ ៣៥០០ លានដុល្លារអាមេរិក និងថវិកាបំរុងអន្តរជាតិមានចំនួនប្រមាណ១៥ពាន់លានដុល្លារអាមេរិក និងមាស ប្រមាណ ៣០តោន ឯណោះ។ ទន្ទឹមនឹងនេះ រាជរដ្ឋាភិបាលបានគិតគូរយ៉ាងហ្មត់ចត់បំផុតនូវហានិភ័យសេដ្ឋកិច្ចជាតិ ដូច្នេះ ប្រជាពលរដ្ឋ កម្មករ កម្មការិនី មន្ត្រីរាជការ និងកងកម្លាំងប្រដាប់អាវុធទាំងអស់ មិនត្រូវជឿតាមការបំភិតបំភ័យរបស់ក្រុមប្រឆាំង និងការផ្សាយរបស់វិទ្យុប្រតិកិរិយាដែលលើកឡើងថា កម្ពុជានឹងជួបបញ្ហាសេដ្ឋកិច្ច ក្រោយគ្មាន EBA នោះឡើយ។ ប្រជាពលរដ្ឋ ត្រូវយល់ឱ្យច្បាស់ថា «បើទោះបីជាគ្មាន EBA ក៏កម្ពុជានៅតែអាចធ្វើពាណិជ្ជកម្មនាំទំនិញគ្រប់មុខទៅលក់នៅអ៊ឺរ៉ុបបានដដែល ដោយគ្រាន់តែធ្វើការបង់ពន្ធនាំចូលដូចបណ្តាប្រទេសដទៃទៀតប៉ុណ្ណោះ»។ សំខាន់បំផុត ប្រជាពលរដ្ឋត្រូវយល់ថា ពួកគាត់នៅតែអាចប្រកបមុខរបរចិញ្ចឹមជីវិតបានជាធម្មតា កម្មករ កម្មការិនី នៅតែមានការងារធ្វើនៅតាមបណ្តារោងចក្រនានា និងមានប្រាក់បៀវត្សបើកជាធម្មតា មន្ត្រីរាជការ និងកងកម្លាំងប្រដាប់អាវុធទាំងអស់ នៅតែទទួលបានប្រាក់បៀវត្សជាធម្មតា នោះហើយគឺជាស្ថេរភាពនៃសេដ្ឋកិច្ចជាតិ។
ម្យ៉ាងទៀត រាជរដ្ឋាភិបាល បាននិងកំពុងពង្រីកទីផ្សារផលិតផលរបស់កម្ពុជាកាន់តែធំទៅកាន់ប្រទេសចិន និងសាធារណរដ្ឋកូរ៉េ ព្រមទាំងបណ្តាប្រទេសផ្សេងៗទៀតជាច្រើន។ ដោយឡែក ចក្រភពអង់គ្លេសដែលជាប្រទេសធំមួយនៅតំបន់អឺរ៉ុប បានសន្យាថាទោះបីជាប្រទេសនេះនៅក្នុងតំបន់អឺរ៉ុបក្តី ក៏នៅតែធ្វើកិច្ចសហប្រតិបត្តិការក្នុងការទិញទំនិញពីកម្ពុជាដដែល។
ជារួម កម្ពុជាមិនអាចយកអធិបតេយ្យជាតិ ទៅដោះដូរជាមួយជំនួយ ឬការអនុគ្រោះណាមួយនោះឡើយ។ សម្រាប់ លោកនាយករដ្ឋមន្ត្រី ហ៊ុន សែន លោកបានបង្ហាញនូវគោលជំហរយ៉ាងម៉ឹងម៉ាត់ក្នុងការរក្សា
…នូវឯករាជ្យភាព និងភាពជាម្ចាស់ប្រទេស ដោយអះអាងថានឹងទប់ទល់ជាមួយនឹងការដាក់គំនាបសេដ្ឋកិច្ចពីសហគមន៍អឺរ៉ុប និងក្រុមបច្ចឹមប្រទេស បើទោះបីជាពួកគេទាំងនោះត្រៀមអនុវត្តចំពោះកម្ពុជាយ៉ាងអយុត្តិធម៌ដើម្បីតែផលប្រយោជន៍កូនជឹងមួយក្តាប់តូចរបស់ខ្លួន និងដើម្បីកាន់កាប់ខាងភូមិសាស្ត្រនយោបាយរបស់ខ្លួនក្តី។ មានន័យថាប្រជាជនកម្ពុជា «មិនយកឯករាជ្យភាពរបស់ជាតិ ទៅប្តូរជាមួយជំនួយជាដាច់ខាត» ។ សហគមន៍អឺរ៉ុប និងបស្ចិមប្រទេសមិនត្រូវយករឿងនយោបាយរបស់ក្រុមប្រឆាំងដែលបានប្រព្រឹត្តិខុសច្បាប់កន្លងមក មកលាយឡំជាមួយនឹងកញ្ចប់ដែលពួកគេហៅថាប្រជាធិបតេយ្យ និងសិទ្ធិមនុស្ស ក្នុងការចរចារលើបញ្ហា EBA នោះឡើយ។
សារនយោបាយថ្មីៗចុងក្រោយរបស់លោកនាយករដ្ឋមន្ត្រី ហ៊ុន សែន គឺជាគោលជំហរគន្លឹះចំពោះសហគមន៍អឺរ៉ុប និងក្រុមបស្ចឹមប្រទេសសម្រាប់គិតពិចារណា ហើយផ្លូវដែលប្រសើរនោះគឺសហគមន៍អឺរ៉ុប និងបស្ចិមប្រទេសទេដែលត្រូវរួមដៃគ្នាជាមួយរាជរដ្ឋាភិបាល ក្នុងការបន្តលើកស្ទួយប្រជាធិបតេយ្យ សិទ្ធិមនុស្ស និងនីតិរដ្ឋ នៅកម្ពុជា ដោយឈរលើគោលការណ៍ស្មើមុខ និងស្មើសិទ្ធិគ្នា។ បើតាមលោកនាយករដ្ឋមន្ត្រី ហ៊ុន សែន សហគមន៍អឺរ៉ុប នឹងមិនបំផ្លាញនូវសមិទ្ធិផលទាំងឡាយរបស់ខ្លួននៅកម្ពុជាដែលបានចូលរួមកសាងប្រទេសកម្ពុជានោះទេ ហើយពួកគេក៏នឹងមិនចូលរួមសម្លាប់ក្រុមប្រឆាំងផ្កាប់មុខនៅកម្ពុជាដែលពួកគេខិតខំបណ្តុះបណ្តាលអស់ថវិកាដ៏សន្ធឹកសន្ធាប់កន្លងមកនោះដែរ៕
ដោយ៖ យី វិត (ប្រជាពលរដ្ឋរស់នៅខេត្ត សៀមរាប)
