លោកនាយករដ្ឋមន្ដ្រី ហ៊ុន សែន៖ ចំណូលមកពីគយបាន ១០៥% និងពន្ធដារ បានជាង ៩៥% ត្រឹមរយៈពេល ៩ខែ ឆ្នាំនេះ
លោកនាយករដ្ឋមន្ដ្រី ហ៊ុន សែន៖ ចំណូលមកពីគយបាន ១០៥% និងពន្ធដារ បានជាង ៩៥% ត្រឹមរយៈពេល ៩ខែ ឆ្នាំនេះ
លោកនាយករដ្ឋមន្ដ្រី ហ៊ុន សែន ប្រមុខរាជរដ្ឋាភិបាលកម្ពុជា បានបង្ហើបឱ្យដឹងបន្ថែមថា ត្រឹមរយៈពេល ៩ខែ ក្នុងឆ្នាំ២០១៩នេះ ចំណូលមកពីគយបាន ១០៥% និងពន្ធដារ បានជាង ៩៥%។ លោកបានថ្លែងដូចនេះនៅព្រឹកថ្ងៃទី២ ខែតុលា ឆ្នាំ២០១៩ ក្នុងពិធីប្រគល់សញ្ញាបត្រជូននិស្សិតនៃសាកលវិទ្យាល័យប៊ែលធីអន្តរជាតិសរុប ១,១៨៣នាក់ ដែលពិធីនេះធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។
លោកបានបន្ថែមថា ចំណូលពន្ធគយឆ្នាំនេះ អាចលើសផែនការប្រមាណ ៨០០លានដុល្លារ។ «តើមានការចាំបាច់ ដើម្បីយកប្រាក់ដែលបានមកពីប្រេង យកមកចំណាយចរន្តធ្វើអី? ក្នុង១ខែយើងអាចមានប្រាក់ចំណូលជាង ៥០០លានដុល្លារ ឯចាយត្រឡប់ទៅវិញ ជាង ៣០០លានដុល្លារ អញ្ចឹងយើងសន្សំ១ខែប្រហែល ២០០លានដុល្លារ»៕
