លិខិតមិត្តអ្នកអាន៖ ច្បាស់ហើយ ការវិលត្រឡប់របស់មេឧទ្ទាម​ក្បត់​ជាតិ​ គឺ​ជា​ការ​ម​ក​ធ្វើ​រដ្ឋ​ប្រ​​ហា​​រ​ និ​ង​ប្តូ​រ​រ​ប​ប​រា​ជា​និ​យ​ម​​!

ដោយ៖ សន ប្រាថ្នា​​ | ថ្ងៃចន្ទ ទី២៣ ខែកញ្ញា ឆ្នាំ២០១៩​ | ទស្សនៈ - នយោបាយ | 0 |
លិខិតមិត្តអ្នកអាន៖ ច្បាស់ហើយ ការវិលត្រឡប់របស់មេឧទ្ទាម​ក្បត់​ជាតិ​ គឺ​ជា​ការ​ម​ក​ធ្វើ​រដ្ឋ​ប្រ​​ហា​​រ​ និ​ង​ប្តូ​រ​រ​ប​ប​រា​ជា​និ​យ​ម​​! លិខិតមិត្តអ្នកអាន៖ ច្បាស់ហើយ ការវិលត្រឡប់របស់មេឧទ្ទាម​ក្បត់​ជាតិ​ គឺ​ជា​ការ​ម​ក​ធ្វើ​រដ្ឋ​ប្រ​​ហា​​រ​ និ​ង​ប្តូ​រ​រ​ប​ប​រា​ជា​និ​យ​ម​​!

មាន​ភស្តុ​តា​ង​កាន់​តែ​បង្ហា​ញ​យ៉ា​ង​ច្បា​ស់​បន្ថែម​ទៀ​ត​ពី​ចេត​នា​ទុច្ច​រិ​ត​ ដើ​​ម្បី​​ផ្តួល​​​រំ​លំ​​រាជរដ្ឋា​ភិ​បាល​​​​​ស្រ​​​​​​ប​ច្បា​ប់​ ក្បត់​ព្រះ​រាជ​បល្ល័​ង្គ​ ប្រមា​ថ​អង្គ​ព្រះ​ម​ហា​ក្ស​ត្រ​ បំ​ផ្លា​ញ​សេដ្ឋ​កិច្ច​ជាតិ​ និង​បំផ្លាញ​ផល​ប្រ​យោ​ជ​ន៍​​ប្រជា​ជ​ន​ខ្មែរ​រ​ប​ស់​​មេឧទ្ទាម​គំរគ់​ និង​​បក្ខ​​ពួក​ក្បត់​ជាតិ​រប​ស់​ខ្លួន​ ក្រោយ​ពីជន​នេះ​បា​ន​ចេញ​មុខ​ដោ​យ​ចំហ​រ​ប្រើ​ន​យោ​បា​យ​ហិ​ង្សា​និ​យម​​អំ​​ពា​វ​​នា​វ​​ឱ្យ​ប្រ​ជា​ព​​ល​រដ្ឋ​​ខ្មែ​រ​​ងើប​បះបោ​រ​ ព្រម​ទាំងញុះញង់​​កង​​កម្លាំង​​ប្រដាប់​អាវុធ​​បែរ​ចុង​កា​ណុង​ទៅ​ចាប់​លោកនាយករដ្ឋមន្រ្តី ហ៊ុន សែន ធ្វើ​វិទ្ធង្សនា​ប្រឆាំង​នឹង​កម្ពុជា​ ដោយ​ពេល​នេះ​ពួក​ឧក្រិដ្ឋ​ជន​មួយក្តាប់​តូច​នេះ​ បាន​ប្រែ​ក្លាយ​ផែន​ការ​បដិ​វត្តន៍​ព​ណ៌​ហិ​ង្សា​ ទៅ​ជា​ផែន​ការ​ធ្វើ​រដ្ឋ​ប្រហា​រ​ចំ​ៗ​​ដើម្បី​ដណ្តើម​អំណាច​តាម​រយៈ​ការ​ផ្តួល​រំលំ​រាជ​រដ្ឋាភិបាល​ស្រប​ច្បាប់ ​និ​ង​ប្តូរ​របប​​រា​​ជា​​និយ​​ម​​ចោ​ល​​តែ​​ម្ត​ង​​។​

បច្ចុ​ប្ប​ន្ន​នេះ​ មេ​ក្លោង​រដ្ឋ​ប្រហារ​ដែ​ល​កំពុង​រត់​គេច​ខ្លួន​ពី​សំណាញ់​ច្បាប់​នៅ​ក្រៅ​ប្រទេស​កំពុង​រៀប​ចំ​ផែ​ន​ការ​ធ្វើ​ភេ​វរ​ក​​ម្ម​ដោយងងើល​ឥត​ក្រែង​រអែង​​ច្បាប់​ទាល់​តែ​សោះ​។​ ជា​បន្ត​បន្ទាប់​ជន​ក្បត់​ជាតិ​​ និង​ពួក​បរិវា​រ​ បាន​បើក​សម​រ​ភូមិ​ហិង្សា​ដោយ​ប្រើ​វោហា​សាសន៍​ វាយ​​ប្រ​​ហា​រ​ញុះ​ញង់​ បំ​ផុស​បំផុល​ បញ្ឆេះ​​កំហឹង​​វណ្ណៈ​​ ​រើ​ស​​​អើង​​​ប្រឆាំ​ង​​​ជា​តិ​​​សាស​ន៍​ដ​ទៃ​ ដើម្បី​អូស​ទាញ​ប្រជាពលរដ្ឋ ឱ្យ​ប្រព្រឹត្តិ​អំពើ​ខុស​ច្បាប់ ​និង​បំបែក​បំបា​ក់​ជាតិ​តាម​រយៈ​ការ​ញុះ​ញង់​បំ​​បែក​បំបាក់​កង​កម្លាំង​ប្រ​ដា​​​​​​ប់​អាវុ​ធ​ដែ​​ល​មាន​តួនាទី​ការពារ​ជាតិ ​និង​ប្រជា​ជន​កម្ពុជា​ ដោយ​មិន​បាន​គិត​អ្វីបន្តិច​​ទាល់​តែ​សោះ​ថា​​សង្រ្គាម​បង្ហូរ​ឈាម​វិនាស​កម្ម ​អាច​នឹង​កើ​ត​ឡើង​ជា​ថ្មី​នៅ​លើ​ទឹក​ដី​កម្ពុជា​ ហើយ​ដែលនឹង​ធ្វើ​ឱ្យ​​ប្រជាជនដែល​​កំពុង​តែ​រស់​នៅ​ក្នុង​សុខ​សន្តិភាព ​និង​ការ​អភិវឌ្ឍ​ជួប​នូវ​ការ​ស្លាប់​ និង​ការ​ព្រាត់​ប្រាស់​សារជាថ្មី​ទៀតជាក់ជាមិនខាន​​​​។​​

ដោ​យ​សារ​គំ​នុំ​សង​សឹក​ឱ្យខ្មោ​ច​ឪពុក​ ដែល​មាន​ឈាម​ជ័រ​ជា​ជន​ក្បត់​ជាតិ​ ក្បត់​ព្រះមហាក្សត្រ មេឧទ្ទាម​ក្បត់​ជាតិ​តត្រកូល​​ បាន​បន្ត​​ប្រ​មាថ​​យ៉ាង​​គឃ្លើន​​ចំពោះ​​អង្គ​​ព្រះមហាក្សត្រ​ដោយ​បាន​ប្រើ​សម្តី​​ដ៏​អសុរស​ចំពោះ​ព្រះ​មហា​ក្សត្រ​ថា​ «វា​​» និ​ងដៀល​ព្រះ​អង្គ​ថា​​​ «ព្រះមហាក្សត្រ​ខ្មែរ​សព្វ​ថ្ងៃអ​ត់​បាន​ការ​ អត់​ប្រយោជន៍​ ខ្ញុំ​មិន​ចាប់​អារម្មណ៍​ ខ្ញុំ​មិន​គោរ​ព​​​ព្រះ​មហាក្សត្រ​សព្វ​ថ្ងៃ​»​។ល។​ ដែលមិអាចទទួលយកបានទាល់តែសោះ។ ​មិន​តែ​ប៉ុណ្ណោះ​ជន​ក្បត់​រាជ​បល្ល័​ង្គ​ ថែម​ទាំង​បា​ន​សរ​សេរ​នៅ​លើ​ហ្វេសប៊ុ​ក​រប​ស់​ខ្លួន​ថា​ «បើ​មហាក្ស​ត្រ​សព្វ​ថ្ងៃ​មិន​អាច​ជួយ​រាស្ត្រ​ទេ​គួរ​តែ​ដាក់​រាជ្យ​ទៅ​»​ ។ ​នេះ​គឺ​ជា​កា​រប្រ​​មាថ​ព្រះ​ចេស្តា​ព្រះមហាក្សត្រ​ដ៏​ធ្ងន់​ធ្ងរ​​បំ​ផុត​ បំពាន​រដ្ឋ​ធម្មនុញ្ញ​នៃ​ព្រះ​រា​ជា​ណា​ច​​ក្រ​កម្ពុជា​ ហើយ​ក៏​ជា​កា​រ​ប្រ​កា​ស​ដោ​យ​ចំ​ហ​រ​ក្បត់​ព្រះរាជ​បល្ល័ង្គ​ ប្រឆាំង​នឹងរបបរាជានិយម អាស្រ័យរដ្ឋធម្មនុញ្ញ និង​ប្រឆាំង​ព្រះមហាក្សត្រ​ដែល​រាជរដ្ឋាភិបាល​កម្ពុជា​ និង​ប្រជា​ពល​រដ្ឋ​ខ្មែរ​ទូទាំង​នគរ​ តាម​រយៈ​លោក​នាយក​រដ្ឋ​មន្ត្រី​​ ហ៊ុន​ សែន​ បាន​ស្បថ​ចំពោះ​ព្រះភ័ក្ត្រ​ព្រះ​បរមរ​ត​នៈ​កោដ្ឋ នរោត្តម សីហនុ ថា «រូប​លោកផ្ទាល់​ រាជរដ្ឋាភិបាល និង​ប្រជា​ជន​កម្ពុជា​ប្តេជ្ញា​កា​រ​ពារ​ដាច់​ខាត​របប​រាជា​និ​យម​ និង​ព្រះ​រាជ​បល្ល័​ង្គ ​ព្រះម​ហាក្សត្រ​ខ្មែរ​ មិន​អនុញ្ញាត​ឱ្យ​នរ​ណា​ម្នា​ក់ប៉ះ​ពាល់​បាន​ឡើ​យ​»​។

នៅពេលញុះញង់ប្រជាពលរដ្ឋក្នុងប្រទេសមិនបានសម្រេច ដោយ​សារ​ប្រជាជន​កំពុង​រស់​នៅ​យ៉ាង​សុខ​សន្តិភាព​ និង​ក៏កំ​ពុងទ​ទួលបា​ន​ផលប្រ​យោជ​ន៍ពីសុខ​សន្តិភាព​នោះ មេក្លោ​ងរដ្ឋប្រ​ហារ​​ ក៏​បាន​ប្រើ​សា​រញុះ​ញង់​ចំពោះព​លក​រនៅក្រៅ​ប្រទេស​ឱ្យចូ​លរួម​អម​ដំណើរ​វិលត្រ​​ឡប់​មក​កម្ពុជា​ នៅថ្ងៃ​ទី​៩​ ខែ​វិ​ច្ឆិ​កា​​រហូត​ហ៊ានអះអា​ងដោ​យ​មិ​ន​អៀ​ន​ខ្មា​ស់​ថា​មា​ន​ព​ល​ក​រ​នៅ​ក្រៅ​ប្រ​ទេ​ស​មិន​តិ​ច​ទេ​​មក​​​​រួម​​ដំណើ​​រជា​មួ​យ​ខ្លួន​​។ លើសពីនេះទៀត តាមរយៈអ្វីដែលគេហៅថា ជនស្ម័គ្រ​ស្លាប់​ក្នុង​ម្នាក់​១០០​ដុល្លារ​នោះ​ គឺ​ជា​ផែន​ការ​រដ្ឋប្រ​ហារ​ពិត​ប្រាក​ដ​ដែ​ល​​មិ​​នអាច​កាឡៃ​​បាន​ឡើយ​។ ដូចនេះ សកម្មភាព​ទាំងអស់​នេះ​ហើយ​​ដែល​ឆ្លុះប​ង្ហាញឱ្យ​ឃើញ​ថា​ មេក្លោង​ក្បត់​ជាតិ​ ពិត​ជា​កំពុង​ធ្វើរ​ដ្ឋ​ប្រ​ហា​រ​បំ​ផ្លាញ​ជាតិ​ខ្លួន​ឯង​តាម​រយៈ​​ការ​ញុះញង់​ប្រជាជ​ន​ ​កងក​ម្លាំងប្រ​ដាប់អា​វុធ​ ​និងពលករ​ក្រៅ​ប្រទេស​ឱ្យ​បះបោ​រ​ ការ​ប្រមាថធ្ង​ន់ធ្ងរ​ដល់​អង្គព្រះ​មហា​ក្ស​ត្រ ​និង​ការ​រៀប​ចំ​ជន​ស្ម័គ្រ​ស្លាប់​នៅ​ក្នុង​ផែន​ការ​រ​ដ្ឋ​​ប្រហារ​នោះ​ទៀត​ផង​។

រីឯ​ក្រុមបរិវារ​និយម​របស់​មេឧទ្ទាម​ក្បត់​ជាតិ​ ដែល​មាន ​អេង​ ឆៃ​អ៊ាង មូរ​ សុខ​ហួរ ជូឡុង សូមួរ៉ា ហូរ វ៉ាន់ សង្ឃ​ទ្រុស្ត​សី​ល​ ប៊ុត​ ប៊ុន​តិញ និង​បក្ខ​ពួក​មួយចំនួន​ទៀត​នោះ​​ក៏​ស្ថិត​នៅ​ក្នុង​ច​ង្កោម​ក្រុម​ឧទ្ទាម​ក្បត់​ជាតិ​ដឹក​នាំ​រដ្ឋ​ប្រហារ​នេះ​ផង​ដែរ​ ព្រោះ​ពួក​នេះ​បាន​ធ្វើ​​​សកម្មភាព​យ៉ាង​សកម្ម​នៅ​ក្នុង​ការ​រៀប​ចំ​រដ្ឋ​ប្រហារ​ផ្តួល​​រំ​លំ​រាជ​​​​​​រដ្ឋា​ភិបាលក​ម្ពុជាស្រ​បច្បាប់​ ផ្តួល​រំលំ​ព្រះរាជ​បល្ល័ង្គ​ក្រោម​រូបភាព​នៃ​កា​រ​វិល​ត្រឡប់​មក​ក​ម្ពុ​ជា​​​​​​​​វិ​ញរ​បស់​មេឧទ្ទាម​ ដែល​ជា​ដំណក់​ឈាមក្ប​ត់ជា​តិ​ត​ពី​ឪ​ដល់​កូន​​ដែ​ល​​ពូជ​ជន​ក្បត់​ជាតិ​នេះ​ត្រូវ​បាន​ប្រវត្តិសា​ស្ត្រចា​រ​ទុក​ថា​ ជា​ជន​ក្បត់​ជាតិ​ក្នុង​អតីត​កាល ​ដែលបាន​ឃុបឃិត​ជា​មួយ​បរទេស​ផ្តួល​រំលំ​ព្រះ​ប​​រ​មរតន​កោដ្ឋ​ សម្តេច​ឪ ​នរោត្តម សីហនុ​ នៅ​ទស​វត្ស​រ៍​ឆ្នាំ​១​៩​៦​០​។ ឥឡូវ​នេះមេឧទ្ទាម​ក្បត់​ជាតិ​ ដែល​ជា​កូន​ក៏​​នឹ​​ង​ត្រូវ​បាន​ប្រវត្តិសាស្ត្រ​ចារ​ទុក​ថា​ជា​ជន​ក្បត់​ជាតិ​ឃុបឃិត​ជា​មួយ​​បរ​ទេស​ ប​ម្រើ​​​​ផល​ប្រយោ​ជ​​ន៍​​​ប​​​​​រ​ទេស​ ធ្វើ​​នយោបា​យប្រឆាំ​ងនឹ​ង​ជនជា​តិ​ខ្មែ​រ​ដូច​ខ្មោច​ឪ​របស់​ខ្លួន​ដែ​រ​។​

ទោះ​បី​ជា​យ៉ាង​ណា​ ច្បាស់​ណាស់​ កង​កម្លាំង​មាន​សមត្ថកិច្ច​ពាក់ព័ន្ធ​ទាំង​អស់​នឹង​ចាត់​វិធាន​ការ​យ៉ាង​ម៉ឺងម៉ាត់​បំផុត​ និ​ង​តឹ​ង​រឹង​បំផុត​ចំពោះ​ពួក​ឧក្រិដ្ឋជន​ប្រ​ឆាំង​​នឹង​សុខ​សន្តិភាព​ដើម្បី​រក្សា​សន្តិសុខ​សណ្តាប់​ធ្នាប់​នៃ​រដ្ឋ​។​ ជាមួយគ្នា​នោះ​ដែរ​ប្រជាពលរដ្ឋ​គ្រប់​រូប​ក៏​ចូល​រួម​ថែរក្សា​សណ្តាប់​ធ្នាប់​សង្គម​ដោយ​មិន​អាច​ចាញ់​បោក​នូវ​ឧបាយកល​ខ្មៅ​កខ្វក់​នោះ​ឡើយ​ ពោល​គឺ​ប្រជាពលរដ្ឋ​នឹង​មិន​ចូល​រួម​នៅក្នុង​ផែនការ​​ធ្វើ​​រដ្ឋ​​ប្រហារ​​ផ្តួ​ល​រំលំ​រា​​​ជរ​ដ្ឋាភិបា​ល​ស្រ​ប​​ច្បាប់​ឡើយ​។ ផ្ទុយ​ទៅ​វិញ​ បងប្អូន​ប្រជាពលរដ្ឋ​នៅ​តែ​បន្ត​ចូល​រួម​ថែរក្សា​សន្តិភាព​ដែល​យើង​ខិតខំ​រក​បាន​ដោយ​លំបាក​នេះ​ ដើម្បី​ធានា​កា​រពារ​ និង​ថែរក្សា​សន្តិភាព​ ស្ថិរ​ភាព​សង្គម​ និង​វិបុល​ភាព​របស់​ប្រទេស​ជាតិ​ ព្រម​ទាំង​សេច​ក្តីសុខ​សាន្ត​របស់​កូន​ចៅ​យើង​ ​ជាពិសេស​ដើម្បី​សេចក្តីសុខ​របស់​ប្រជាជ​នកម្ពុជា​​ទាំង​មូល​ ហើយ​ជនរួម​ជាតិ​ខ្មែរ​ក៏នឹង​មិ​ន​​​​ចាញ់​​ឧបាយ​កល​មេក្លោង​រដ្ឋប្រហារ​ទាំង​នោះ​ដែរ​ព្រោះ​ពួក​គាត់​យល់​យ៉ាង​ច្បាស់​ថា​ការចាញ់​បោក​ពួក​ឧក្រិដ្ឋជន​ទាំង​នោះ​​​ អាច​នឹង​នាំ​ឲ្យ​ខ្លួន​ពួក​គាត់​ជាប់​ពាក់​ព័ន្ធ​នឹង​អំពើ​រួម​គំនិ​តក្ប​ត់​ ដែល​ត្រូវ​មាន​ទោសធ្ង​ន់ធ្ងរ​តាម​ច្បា​​ប់ ហើយ​ពួក​​គាត់​នឹង​ចូលរួ​មប្រ​ឆាំង​ឧក្រិដ្ឋ​កម្ម​បំផ្លិច​បំផ្លាញជា​តិ​នេះ ​ដោយ​សហការ​រាយកា​រណ៍​អំ​ពី​​ផែ​​ន​ការ​ក្បត់​របស់​ពួក​ឧទ្ទាម​ និង​មុខ​សញ្ញាពា​ក់ព័ន្ធ​ជូន​ទៅ​អាជ្ញា​ធរមាន​សមត្ថកិ​ច្ចគ្រ​ប់​លំដាប់​ថ្នា​​ក់​​ ​ឈា​​ន​ទៅចាត់​វិធា​នការ​ច្បាប់​ឲ្យ​មា​ន​ប្រ​សិ​ទ្ធ​ភា​ព​ ​ដែ​ល​ចុ​ង​ក្រោយ​បំ​ផុ​តផែន​ការ​ធ្វើ​​រ​ដ្ឋ​ប្រ​ហា​រ​របស់​មេឧទ្ទាម​ក្បត់​ជាតិ​ នឹង​ទទួ​លប​រា​ជ័​យ​យ៉ា​ង​អា​ម៉ា​ស់​បំផុត។ ហើយ​នៅ​ទី​អវសាន្ត​នយោបាយ​របស់​​មេឧទ្ទាម​ក្បត់​ជាតិ​នឹង​​ប​​ន្សល់​​ទុ​ក​​នូវ​​ឈ្មោះ​​ជា​ជ​​ន​​ក្ប​ត់​​​ជា​​តិ​​ត​​ត្រ​​​កូ​​​ល​​​​នៅក្នុ​​​ង​ប្រវត្តិសាស្រ្ត​របស់​ខ្មែរ​ជា​រៀង​រហូត​។

ជារួម អ្វីដែលជនក្បត់ជាតិនិងប​រិវារ បាននិ​ង​កំពុង​ធ្វើ​គឺ​ពិត​ជា​ការ​ធ្វើ​រដ្ឋ​ប្រហារ​ ហើយ​ភស្តុ​តាង​នេះ​មិន​អាច​ប្រកែក​បាន​ឡើ​យ​ ​ហេតុនេះ ស្ថាប័ន​មាន​សមត្ថកិច្ច​គ្រប់​លំដាប់​ថ្នាក់​ រួម​ទាំង​ស្ថាប័ន​អយ្យ​ការ​ មាន​កាត​ព្វ​កិច្ច​អនុវ​ត្ត​ច្បាប់​យ៉ាង​តឹង​រឹង​ជាទីបំផុត​ ដើម្បី​បំផ្លាញ​ និង​កម្ទេច​ចោល​នូ​វ​រាល់​ផែន​ការ​ និង​អង្គកា​រចាត់​តាំង​ទាំ​ង​ឡា​យ​ណា​ដែ​ល​គាំ​ទ្រ​ស​ក​ម្ម​ភា​ព​ខុ​ស​ច្បា​ប់​ទាំង​នេះ​​។ ​ហើយ​ចាប់​ពី​ពេ​ល​នោះ​ទៅ​​ប្រទេស​ជាតិយើ​ង​នឹ​ង​កា​​​ន់​តែ​​រី​ក​ច​ម្រើ​ន​ជឿ​ន​លឿ​ន​ទៅ​មុ​ខ​ទាំង​សេដ្ឋ​កិច្ច​ និង​ស្ថេរភាព​សង្គម​ ពី​ព្រោះ​​លែ​ង​​មា​ន​មេឧទ្ទាម​ក្បត់​ជាតិតត្រ​កូល​​ និង​បរិវារ​ ​​ដែ​ល​​ចាំ​​បំ​ផ្លា​ញ​​ជាតិ​​យើ​ង​ត​ទៅ​ទៀតហើយ​​៕

ដោយ៖ សារ៉ាដា

បញ្ចេញមតិ
ពាក្យគន្លឹះទាក់ទង
    អត្ថបទទាក់ទង