ផ្លូវជាតិលេខ៤ ត្រូវបានជន់លិច អាជ្ញាធរប្រកាសអោយប្រើប្រាស់ផ្លូវជាតិលេខ៣ជំនួសជាបណ្ដោះអាសន្នសិន
ផ្លូវជាតិលេខ៤ ត្រូវបានជន់លិច អាជ្ញាធរប្រកាសអោយប្រើប្រាស់ផ្លូវជាតិលេខ៣ជំនួសជាបណ្ដោះអាសន្នសិន
ក្នុងរយ:ពេលប៉ុន្មានថ្ងៃកន្លងមកនេះ ខេត្តព្រះសីហនុបានទទួលឥទ្ធិពលព្យុះមូសុងនិរតី និងប្រព័ន្ធសម្ពាធទាប (ITCZ) បណ្ដាលឱ្យមានខ្យល់ ភ្លៀងធ្លាក់យ៉ាងខ្លាំងខុសប្រក្រតី ឥទ្ធិពលខ្យល់ និងភ្លៀងដ៏ខ្លាំងនេះ បានបណ្ដាលឱ្យតំបន់ទំនាបនៅក្នុងព្រះសីហនុទទួលរងការជន់លិចផ្ទះសម្បែងប្រជាពលរដ្ឋ និងផ្លូវថ្នល់ បង្កឱ្យមានការខូចខាតយ៉ាងធ្ងន់ធ្ងរ។
ដើម្បីរក្សាបានសុវត្ថិភាពការធ្វើដំណើរ សូមបងប្អូនប្រជាពលរដ្ឋទាំងអស់ប្រើប្រាស់ផ្លូវជាតិលេខ៣ សម្រាប់ការធ្វេីចរាចរណ៍ជំនួសឲ្យផ្លូវជាតិលេខ៤ ដែលកំណាត់ផ្លូវមួយចំនួនត្រូវបានជន់លិចដោយជំនន់ទឹកភ្លៀង។
អាស្រ័យដូចបានជម្រាបជូនខាងលេី សូមបងប្អូនប្រជាពលរដ្ឋទាំងអស់ជ្រាបជាព័ត៌មាន៕
