និសិ្សតសាលានាយទាហានសកម្មជំនាន់ទី២៣ ធ្វើលំហាត់សំយោគ
និសិ្សតសាលានាយទាហានសកម្មជំនាន់ទី២៣ ធ្វើលំហាត់សំយោគ
និសិ្សតសាលានាយទាហានសកម្មជំនាន់ទី២៣ ធ្វើលំហាត់សំយោគ
ថ្នាក់ដឹកនាំរបស់សាលានាយទាហានសកម្មដែលដឹកនាំដោយ ឧត្តមសេនីយ៍ឯក ប៊ុត សុភាព នាយកសាលានាយទាហានសកម្មបានចុះត្រួតពិនិត្យ និងលើកទឹកចិត្តដល់និស្សិត នាយទាហានសកម្មជំនាន់ទី ២៣ ដែលកំពុងធ្វើលំហាត់សមយោគ បញ្ចប់កំរិតថ្នាក់បុគ្គល និងពួកនៅតំបន់ភ្នំបាសឹត ស្រុកពញាឮ ខេត្តកណ្ដាល។ លំហាត់សមយោគនេះមានមុខវិជ្ជាបាញ់គ្រាប់ពិត, វិស្វកម្ម សង្គ្រោះបឋម,ការងារអប់រំឋានលេខា,បញ្ជូនសារ , សព្វាវុធ ,ថ្មើរជើង, ស៊ើបការណ៍និងលំហាត់របៀប។ លំហាត់សំយោគនេះប្អូននិស្សិតនាយទាហានសកម្ម បានអនុវត្តមានរយៈពេល ២ថ្ងៃ ២យប់ ទាំងសំរាក ពេលថ្ងៃទាំងសម្រាកពេលយប់ និងទាំងការហូបចុកគឺនៅក្នុងរង្វង់ចម្ងាយ ២៥ គីឡូម៉ែត្រពីទីតាំងនោះ កាលពីនៅថ្ងៃទី ១៧ ខែកក្កដាឆ្នាំ ២០១៩។
សូមបញ្ជាក់ថា មកដល់ពេលនេះនិស្សិតនាយទាហានសកម្មជំនាន់ទី ២៣ ទើបតែសិក្សា បាន រយៈពេល ៣ ខែតែប៉ុណ្ណោះ។ ទោះបីមានរយៈពេលខ្លីក៏ពិតមែនតែឆន្ទៈរបស់ប្អូនៗនិស្សិត ទាំងនោះគឺ ការអនុវត្តលំហាត់លើកនេះ ទទួលបានការកោតសរសើរពីយោធាចារ្យ ព្រោះថាការអនុវត្តក្នុង លំហាត់សំយោគនេះ មានការជួបលំបាក និងស្មុគស្មាញច្រើន ដូចជាការធ្វើដំណើរពីគោលដៅមួយ ទៅគោលដៅ មួយប្អូនៗត្រូវប្រើរយៈពេលមួយដ៏ខ្លី ដោយ ត្រូវតែរត់ប្រដាប់ដោយអាវុធ និងបាឡូ ជាប់នឹងស្មាផង ។ នៅពេលមកដល់គោលដៅនីមួយៗ ប្អូនអនុវត្តដាច់ខាតនូវមុខវិជ្ជាដែលគ្រូបានផ្ដល់ ឱ្យមុខវិជ្ជា ដោយខ្លះអនុវត្តដោយសកម្មភាព ដូចជាប្រើប្រាស់អាវុធ , ខ្លះប្រើប្រាស់ត្រីវិស័យដើម្បីរកមុំទិស នឹងមុខវិជ្ជាខ្លះអនុវត្តដោយសំណួរនិងចម្លើយដោយផ្ទាល់មាត់ ឆ្លើយលឿនហើយរហ័សដាច់ខាត និងត្រូវបន្លឺ សំឡេងអោយខ្លាំងៗ ហើយច្បាស់ៗថែមទៀត ។
ក្នុងឱកាសនោះដែរក្រោយពី ធ្វើការត្រួតពិនិត្យរបស់ថ្នាក់ដឹកនាំសាលា អស់រយៈពេល ១ ថ្ងៃរួច មក លោក ប៊ុត សុភាព បានពិនិត្យឃើញនឹង អាចវាយតម្លៃបានថាល្អប្រសើរ ទាំងការរើសទីតាំងភូមិសាស្រ្ត ទាំងការធានា ទាំងការសហការល្អរវាងគ្រូនិងសិស្ស។ ដោយអនុវត្តបាន នូវរាល់ចំណុច ខាងលើនេះហើយទើប ការធ្វើលំហាត់សមយោគលើកនេះទទួលបាន ជោគជ័យ ។ ក្នុងនោះដែលឯកឧត្តម បានកោតសរសើរដល់យោធាចារ្យ និងនិស្សិតជំនាន់ទី២៣ ទាំងអស់ដែលបានធ្វើ ឲ្យផែនការលំហាត់សំយោគទទួលបានជោគជ័យហើយលោកក៏សំណូមពរដល់យោធាចារ្យនាំយកបទពិសោធន៍ដ៏ល្អនៅថ្ងៃនេះ ទុកសំរាប់អនុវត្តលំហាត់ទៅថ្ងៃក្រោយឲ្យនិស្សិតនាយទាហានសកម្មជំនាន់ក្រោយៗទៀត ៕
