សម្តេច ហ៊ុន សែន និងការគោរពស្រឡាញ់របស់ពលរដ្ឋខ្មែរនៅក្រៅប្រទេស!
សម្តេច ហ៊ុន សែន និការគោរពស្រឡាញ់របស់ពលរដ្ឋខ្មែរនៅក្រៅប្រទេស!ទាំងនេះ គឺជារូបថត និងសកម្មភាព នៃការគោរពស្រឡាញ់របស់ពលរដ្ឋខ្មែរដែលកំពុងរស់នៅប្រទេសអូស្ត្រាលីចំពោះសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃទី១៧ ខែមីនា ឆ្នាំ២០១៨នេះ នៅទីក្រុងស៊ីដនី ប្រទេសអូស្ត្រាលី ។
ក្នុងទឹកមុខរីករាយ ទទួលស្វាគមន៍យ៉ាងកក់ក្តៅបំផុត លាយឡំជាមួយសំឡេងជ័យឃោស គាំទ្រកងរំពងរបស់ពលរដ្ឋខ្មែរនៅអូស្ត្រាលី និងបណ្តារដ្ឋផ្សេងៗ ដែលបានធ្វើដំណើរទៅទទួលស្វាគមន៍ និងអ្នកខ្លះចង់ជួបផ្ទាល់ជាមួយសម្តេច ហ៊ុន សែន ដើម្បីបានដឹងពីស្ថានភាពនយោបាយពិតនៅកម្ពុជា ក៏ដូចជាបានជួបដើម្បីសម្តែងការគោរព ដឹងគុណកាត់ថ្លៃមិនបាន ដែលសម្តេចតេជោ គឺជារដ្ឋបុរស បានរំដោះប្រជាពលរដ្ឋចេញពីរបបបនប្រល័យពូជសាសន៍ ប៉ុល ពត និងប្រឹងប្រែងស្តារ កសាង និងអភិវឌ្ឍប្រទេសរីកចម្រើនមកដល់បច្ចុប្បន្ន។
ពលរដ្ឋខ្មែរនៅក្រៅប្រទេសដ៏ច្រើនលើសលប់ ក៏មិនខុសពីពលរដ្ឋនៅក្នុងប្រទេសកម្ពុជាដែរ គឺសុទ្ធតែមានមនោសញ្ចេតនាចំពោះមាតិុភូមិ និងសុទ្ធតែមិនចង់ឃើញកម្ពុជាមានសង្គ្រាម។ ដូច្នេះ ពលរដ្ឋខ្មែរទាំងនោះ មោទនភាពបំផុត ដែលបានឃើញស្រុកទេស មានស្ថិរភាពនយោបាយ និងប្រជាពលរដ្ឋមានជីវភាពរស់នៅកាន់តែល្អប្រសើរ ។ ពួកគាត់បានប្តេជ្ញាលើកកម្លាំងចិត្តពីចម្ងាយ ជាមួយនឹងការបញ្ជូនសារថា « សូមគាំទ្រសម្តេចតេជោ ហ៊ុន សែន បន្តដឹកនាំរាជរដ្ឋាភិបាលទៅមុខទៀត។ និងប្រកាសថ្កោលទោស ទង្វើបង្កហេតុ បង្កចលាចលសង្គម ដែលបង្កឡើងដោយពួកក្រុមប្រឆាំង»។
