ក្រសួងការពារជាតិចេញសេចក្ដីប្រកាសព័ត៌មានទាក់ទងនឹងការក្លែងបន្លំអាខោនហ្វេសប៊ុកជានាយទាហាន

ដោយ៖ លី វិទ្យា​​ | ថ្ងៃព្រហស្បតិ៍ ទី៤ ខែមេសា ឆ្នាំ២០១៩​ | ឯកសារ | 0 |
ក្រសួងការពារជាតិចេញសេចក្ដីប្រកាសព័ត៌មានទាក់ទងនឹងការក្លែងបន្លំអាខោនហ្វេសប៊ុកជានាយទាហាន ក្រសួងការពារជាតិចេញសេចក្ដីប្រកាសព័ត៌មានទាក់ទងនឹងការក្លែងបន្លំអាខោនហ្វេសប៊ុកជានាយទាហាន

ក្រសួងការពារជាតិនៅរសៀលថ្ងៃព្រហស្បត្តិ៍នេះ តាមរយៈអ្នកនាំពាក្យរបស់ខ្លួន បានចេញនូវសេចក្ដីប្រកាសព័ត៌មានមួយថ្កោលទោសចំពោះជនទុច្ចរិតមួយចំនួនដែលបានយករូបនាយទាហានមួយចំនួនទៅប្រើប្រាស់ដើម្បីបង្ហោះរូបភាព និងខ្លឹមសារញុះញង់វាយប្រហារមកលើរាជរដ្ឋាភិបាល។

នៅក្នុងសេចក្ដីប្រកាសព័ត៌មានដដែលនោះ ក្រសួងការពារជាតិក៏បានសង្កត់ធ្ងន់ថា កងយោធពលខេមរភូមិន្ទ រក្សាជំហរស្មោះត្រង់ ការពាររាជរដ្ឋាភិបាលស្របច្បាប់ និងសុខសន្តិភាពរបស់ប្រជាពលរដ្ឋ។

ក្រសួងដែលជាស្ថាប័នកំពូលរបស់កម្ពុជាមួយនេះ ក៏បានអំពាវនាវដល់កងយោធពលខេមរភូមិន្ទទាំងអស់ អោយមានការប្រុងប្រយ័ត្នក្នុងការប្រើប្រាស់បណ្ដាញសង្គមនានា ដោយរក្សាការពារសន្តិសុខ និងការសម្ងាត់របស់អង្គភាព។ ហើយក្រសួងក៏បានអំពាវនាវដល់ប្រជាពលរដ្ឋទូទៅកុំអោយចាញ់ឧបាយកលជនទុច្ចរិតទាំងនោះផងដែរ។

ខាងក្រោមនេះជាសេចក្ដីអំពាវនាវរបស់ក្រសួងការពារជាតិ៖

 

បញ្ចេញមតិ
អត្ថបទទាក់ទង