សម្តេច ហ៊ុន សែន បកស្បែក សម រង្ស៊ី ពីអំពើក្បត់ជាតិនៃការចុះកិច្ចព្រមព្រៀងកាត់ដីកម្ពុជា៤ខេត្តឱ្យជនជាតិភាគតិចវៀតណាម
សម្តេច ហ៊ុន សែន បកស្បែក សម រង្ស៊ី ពីអំពើក្បត់ជាតិនៃការចុះកិច្ចព្រមព្រៀងកាត់ដីកម្ពុជា៤ខេត្តឱ្យជនជាតិភាគតិចវៀតណាម
សម្តេចនាយករដ្ឋមន្រ្តី ហ៊ុន សែន បានបកស្រាយពីអំពើក្បត់ជាតិថ្មីមួយទៀត ដែលបានលួចចុះកិច្ចព្រមព្រៀងកាត់ទឹកដីកម្ពុជាឱ្យជនជាតិ ភាគតិចវៀតណាម ឱ្យប្រជាពលរដ្ឋខ្មែរ រស់នៅប្រទេសអូស្រ្តាលី និងនូវែលហ្សេឡង់បានដឹង។
បន្ទាប់ពីបានចាក់ផ្សាយផ្ទាល់ប្រាប់បងប្អូនពលរដ្ឋខ្មែរនៅអូស្ត្រាលីនូវវីដេអូឃ្លីបខ្លីមួយដែលនិយាយអំពី សម រង្ស៊ី ដែលចុះហត្ថលេខាកាត់ដីឱ្យជនជាតិភាគតិចយួន Degar សម្តេចក៏បានថ្លែងរៀបរាបពីអំពើក្បត់ជាតិថ្មីមួយទៀតនេះប្រាប់បងប្អូនសហគមន៍ខ្មែរដែលកំពុងរស់នៅប្រទេសអូស្ត្រាលី និងនូវែលហ្សេឡង់ ប្រមាណជាង ៨០០នាក់ នៅថ្ងៃទី១៦ ខែមីនា ឆ្នាំ២០១៨នេះ នៅទីក្រុងស៊ីដនី ប្រទេសអូស្រ្តាលី។
សម្តេចនាយករដ្ឋមន្រ្តី ហ៊ុន សែន បានថ្លែងទៅកាន់បងប្អូនប្រជាពលរដ្ឋខ្មែរ រស់នៅប្រទេសអូស្រ្តាលី និងនូវែលហ្សេឡង់ នាទីក្រុងស៊ីដនីថា «មិនទាន់បានកាន់អំណាចផងគេហ៊ានធ្វើដល់ម្លឹងហើយ ! ភ័យពេកគេហៅគ្នាមកប្រជុំ បញ្ជាក់ថា កុក ស ជាខ្មែរ ស្រាប់តែឱ្យ កុក ស និយាយ កុក ស អត់ចេះខ្មែរ មួយមាត់ផង! កម្ពុជាប្រឆាំង មិនឱ្យមានតំបន់អប្បគមន៍នោះទេ ! កម្ពុជាមានជនជាតិភាគតិច គួយ ព្នង ជាដើមតែគ្មានជនជាតិភាគតិចម៉ុងតាញ៉ានោះទេ ! ម៉ុងតាញ៉ាជាជនជាតិភាគតិចវៀតណាម»។
សូមរំលឹកថាកាលពីខែកុម្ភៈ និងខែ មេសា ឆ្នាំ២០១៣ ទណ្ឌិត សម រង្ស៊ី បានចុះកិច្ច ព្រមព្រៀង ជាមួយ លោក កុក ស មេដឹកនាំយួន ជាជនជាតិដើមភាគតិច Degar (ជា២ភាសា ខ្មែរ និងអង់គ្លេស) នេះបើយោងតាមរយៈ ការទម្លាយឯកសារសំងាត់ ដែលបានបើកបង្ហាញ កាលពីថ្ងៃទី៧ ខែមីនា ឆ្នាំ២០១៨កន្លងមកតាមរយៈសារព័ត៌មាន និងបណ្តាញសង្គមហ្វេសប៊ុក៕
