លោកនាយករដ្ឋមន្រ្តី ហ៊ុន សែន អំពាវនាវកុំឱ្យចាត់ទុកអ្នកស្នើសុំសិទ្ធិធ្វើនយោបាយឡើងវិញជាទំនិញ

ដោយ៖ សន ប្រាថ្នា​​ | ថ្ងៃពុធ ទី២០ ខែមីនា ឆ្នាំ២០១៩​ | ទស្សនៈ - នយោបាយ | 0 |
លោកនាយករដ្ឋមន្រ្តី ហ៊ុន សែន អំពាវនាវកុំឱ្យចាត់ទុកអ្នកស្នើសុំសិទ្ធិធ្វើនយោបាយឡើងវិញជាទំនិញ លោកនាយករដ្ឋមន្រ្តី ហ៊ុន សែន អំពាវនាវកុំឱ្យចាត់ទុកអ្នកស្នើសុំសិទ្ធិធ្វើនយោបាយឡើងវិញជាទំនិញ

លោកនាយករដ្ឋមន្រ្តី ហ៊ុន សែន បានថ្លែងថា មានបុគ្គលខ្លះបានបង្ហោះសារបែបរិះគន់ថា អ្នកដែលស្នើសុំសិទ្ធិធ្វើនយោបាយឡើងវិញត្រូវបានលោកទិញក្នុងតម្លៃប្រហែល១០ម៉ឺនដុល្លារ ដែលប្រការនេះត្រូវបានលោកនាយករដ្ឋមន្រ្តី ច្រានចោលនិងអំពាវនាវកុំឱ្យចាត់ទុកអ្នកទាំងនោះគឺជាទំនិញលក់ដូរ។ លោកបានថ្លែងដូចនេះនៅព្រឹកថ្ងៃទី២០ ខែមីនា ឆ្នាំ២០១៩នេះ ក្នុងឱកាសអញ្ជើញជួបសំណេះសំណាលជាមួយបងប្អូនកម្មករ កម្មការិនីប្រមាណជាង១ម៉ឺននាក់ មកពីរោងចក្រ សហគ្រាសចំនួន៦ នៅក្នុងខេត្តពោធិ៍ សាត់ ដែលពិធីជួបសំណេះសំណាលនេះ ធ្វើឡើងនៅភូមិវាលវង់ ឃុំស្នាអន្សា ស្រុកក្រគរ ខេត្តពោធិ៍សាត់។

លោកនាយករដ្ឋមន្រ្តី ហ៊ុន សែន បានបញ្ជាក់ថា លោកពុំមានការចាំបាច់ក្នុងការទិញអ្នកណានោះឡើយ។ ទន្ទឹមនឹងនេះ គណបក្សប្រជាជនកម្ពុជាតែងគោរពសិទ្ធិសេរីភាពរបស់គ្រប់គណបក្សនយោបាយទាំងអស់។ លោកបានបន្តថា លោកផ្តល់តម្លៃដល់ការស្នើសុំទាំងអស់ដើម្បីមានសិទ្ធិធ្វើនយោបាយឡើងវិញ និងទូលថ្វាយព្រះមហាក្សត្រលើកលែងទោស និងផ្តល់និតិសម្បទានយោបាយឡើងវិញ ចំណែកអ្នកដែលមិនចង់ស្នើសុំគឺជាសិទ្ធិរបស់អ្នកទាំងអស់នោះ៕

បញ្ចេញមតិ
អត្ថបទទាក់ទង