វីដេអូ៖ លោក កុក ស ដែល សម រង្ស៊ី ស៊ីញ៉េកាត់ដីខ្មែរឱ្យចំនួន៤ខេត្តនៅភាគឥសាន្តប្រទេស គឺជាជនជាតិវៀតណាមយ៉ាងពិតប្រាកដ
នៅទីបំផុតប្រវត្តិរបស់លោក កុក ស ដែលទណ្ឌិត សម រង្ស៊ី អតីតប្រធានគណបក្សសង្គ្រោះជាតិបានចុះកិច្ចព្រមព្រៀងកាលពីខែមេសា ឆ្នាំ២០១៣ ដោយសន្យាកាត់ដីខ្មែរចំនួន៤ខេត្ត គឺខេត្តស្ទឹងត្រែង ក្រចេះ រតនគីរី និងមណ្ឌលគិរីឱ្យនោះ គឺជាជនជាតិវៀតណាម រស់នៅក្នុងភូមិយ៉ាឡាយ នៃភូមិភាគកណ្តាលប្រទេសវៀតណាម។
បើយោងតាមវីដេអូដែលបានផលិត និងផ្សព្វផ្សាយដោយអង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី ហើយដែលខ្មែរប៉ុស្តិ៍ ទទួលបាននៅព្រលប់ថ្ងៃទី១៤ ខែមីនា ឆ្នាំ២០១៨នេះ បានលាតត្រដាងនូវជីវប្រវត្តិពិតប្រាកដរបស់លោក កុក ស ដែលមិនចេះនិយាយភាសាខ្មែរនោះ គឺពិតជាជនជាតិវៀតណាម ខុសពីអ្វីដែលទណ្ឌិត សម រង្ស៊ី ធ្លាប់បាននិយាយបំភ័ន្តសាធារណៈមតិជាតិ និងអន្តរជាតិថា លោក កុក ស គឺជាជនជាតិភាគតិចកម្ពុជា។
នេះហើយជាអំពើក្បត់ជាតិថ្មីមួយទៀតរបស់ទណ្ឌិត សម រង្ស៊ី ដែលធ្លាប់បានប្រកាសខ្លួនថា ស្អប់ជនជាតិវៀតណាម និងតែងតែរិះគន់រដ្ឋាភិបាលរបស់សម្តេច ហ៊ុន សែន ថា ជាអាយ៉ងយួន ខណៈដែល សម្តេច ហ៊ុន សែន ប្តេជ្ញាការពារអធិបតេយ្យជាតិ បូរណភាពទឹកដី និងចរចាជាមួយប្រទេសវៀតណាមយ៉ាងតឹងរឹងបំផុតក្នុងការបោះបង្គោលខណ្ឌសីមាព្រំដែនគោក ក៏ដូចជាព្រំដែនសមុទ្រ។
សូមទស្សនាវីដេអូ ដែលបរិយាអំពីជីវប្រវត្តិពិតរបស់លោក កុក ស ៖
https://youtu.be/50ixDa7OvX8
