ពិធីសម្ពោធសមិទ្ធផលនានាដែលបានកសាងនៅក្នុងទីអារាមវត្តភ្នំស
ពិធីសម្ពោធសមិទ្ធផលនានាដែលបានកសាងនៅក្នុងទីអារាមវត្តភ្នំស
នៅថ្ងៃទី៣០ ខែធ្នូ ឆ្នាំ២០១៨ នេះ រដ្ឋបាលខេត្តកំពត បានចូលរួមសហការជាមួយព្រះសង្ឃ គណៈកម្មការអាចារ្យវត្ត បានរៀបចំពិធីសម្ពោធសមិទ្ធផលនានា ដែលបានកសាងនៅក្នុងទីអារាមវត្តភ្នំស ដែលមានទីតាំងស្ថិតនៅក្នុងឃុំព្រៃឃ្មុំ ស្រុកទឹកឈូ ក្រោមអធិបតីភាព លោក ហ៊ុន ម៉ាណែត តំណាងលោកនាយករដ្ឋមន្ត្រី ហ៊ុន សែននិងភរិយា។
នៅក្នុងពិធីនេះផងដែរ គណៈអធិបតីទាំងអស់បានទទួលការស្វាគមន៍ដោយលោក ជាវ តាយ អភិបាលខេត្តកំពត ព្រមទាំងមានការនិមន្ត និងចូលរួមពីសំណាក់ព្រះសង្ឃ លោក លោកស្រីជាអភិបាលរងនៃគណៈអភិបាលខេត្តកំពត អភិបាលស្រុកទឹកឈូ ប្រធានមន្ទីរ អង្គភាព និងមន្ត្រីរាជការ កងកម្លាំងប្រដាប់អាវុធ សិស្ស និស្សិត ប្រជាពលរដ្ឋ លោកតា លោកយាយ ប្រមាណជាង៣.០០០នាក់ផងដែរ៕
