ខ្មែរប៉ុស្ដិ៍ Close

លោកស្រី ប៊ុន​ រ៉ានី​ ហ៊ុនសែន​ តែងតែផ្តល់ការលើកទឹកចិត្ត​ និងផ្តល់ក្តីសង្ឃឹម​ដល់គ្រួសារជនរងគ្រោះគ្រប់ប្រភេទដោយគ្មានការរើសអើង

ដោយ៖ សន ប្រាថ្នា ​​ | ថ្ងៃព្រហស្បតិ៍ ទី២៧ ខែធ្នូ ឆ្នាំ២០១៨ ព័ត៌មានទូទៅ 1132
លោកស្រី ប៊ុន​ រ៉ានី​ ហ៊ុនសែន​ តែងតែផ្តល់ការលើកទឹកចិត្ត​ និងផ្តល់ក្តីសង្ឃឹម​ដល់គ្រួសារជនរងគ្រោះគ្រប់ប្រភេទដោយគ្មានការរើសអើងលោកស្រី ប៊ុន​ រ៉ានី​ ហ៊ុនសែន​ តែងតែផ្តល់ការលើកទឹកចិត្ត​ និងផ្តល់ក្តីសង្ឃឹម​ដល់គ្រួសារជនរងគ្រោះគ្រប់ប្រភេទដោយគ្មានការរើសអើង

ដោយទឹកចិត្តអាណិតអាសូរ​ជាពន់ពេក នៅថ្ងៃទី ២៧ ខែធ្នូ ឆ្នាំ២០១៨ នេះ លោកស្រី ប៊ុន រ៉ានី ហ៊ុន​សែន​ ប្រធានកាកបាទក្រហមកម្ពុជា បានចាត់ឱ្យមន្ត្រីចុះសួរសុខទុក្ខ​ ពិនិត្យស្ថានភាពរបួស​ និងនាំយកថវិកាមួយចំនួន​ ផ្តល់ជូន​កីឡាករប្រដាល់សេរី ដូង​ ផា​ (ហៅក្រៅថា​ អេ​ រដ្ឋា)​ អាយុ​ ២១ឆ្នាំ​ ជាកូនកំព្រាឪពុកម្តាយ​ បាន​រងគ្រោះថ្នាក់​ចរាច​រណ៍ធ្ងន់ធ្ងរ​ ដោយត្រូវ​រថយន្តបុក​ និង​កិន​បន្ថែម កាលពីយប់ថ្ងៃទី​ ២៥​ ខែធ្នូ​ ឆ្នាំ២០១៨។ ដោយស្ថានភាពធ្ងន់ធ្ងរ​រហូត​បែក​ប្លោកនោម ដាច់ពោះវៀន ដាច់​សរ​សៃ​ឈាម​ក្រលៀន ផងនោះ​ បច្ចុប្បន្នជនរងគ្រោះកំពុងសង្គ្រោះបន្ទាន់យ៉ាង​យកចិត្តទុកដាក់ពីក្រុុមគ្រូពេទ្យ​នៃមន្ទីរពេទ្យកាល់ម៉ែត​។

ក្នុងឱកាសនោះ លោកស្រី ម៉ែន នារីសោភ័គ អគ្គលេខាធិការរងទី១ កាកបាទ ក្រហមកម្ពុជា បានពាំនាំប្រសាសន៍របស់លោកស្រី ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ ក្តីអាណិតអាសូរ​ និងការសោក​​​​​​ស្តាយ​ចំពោះលោក​ ដូង​ ផា​ ដែលរងគ្រោះថ្នាក់ដោយជនបង្កយ៉ាងព្រៃផ្សៃ​ និងផ្តាំផ្ញេីឱ្យអនុវត្តតាមការណែនាំរបស់គ្រូពេទ្យ និងសូមឆាប់បានជាសះស្បើយឡេីងវិញ។ ជាមួយគ្នានេះ​ លោកស្រី​ ប៊ុន​ រ៉ានី​ ហ៊ុនសែន​ សូមអំពាវនាវដល់​សមត្ថ កិច្ចពាក់ព័ន្ធ​ឱ្យស្វែងរកជនបង្កបទល្មេីសមកផ្តន្ទាទោសតាមច្បាប់។

អ្នកស្រី​ ដូង​ សុខេន​ ត្រូវជាបងស្រីបង្កេីត​និងជាអាណាព្យាបាលរបស់​ ដូង​ ផា​ ដែលនៅមេីលថែទាំនោះ​ បានថ្លែងអំណរ​គុណ​យ៉ាងជ្រាលជ្រៅ និងដឹងគុណជាទីបំផុតចំពោះលោកស្រី ប៊ុន​ រ៉ានី​ ហ៊ុនសែន​ ដែល​បានលេីកទឹកចិត្ត​និងផ្តល់ក្តីសង្ឃឹម​ដល់គ្រួសារជនរងគ្រោះគ្រប់ប្រភេទដោយគ្មានការរើសអើងអ្វីឡើយ។

សូមបញ្ជាក់ជូនដែរថា​ អ្នកជំងឺម្នាក់ដែលមានជំងឺសួតធ្ងន់ធ្ងរ​ កំពុកសម្រាកព្យាបាល​​នៅក្នុងបន្ទប់ជាមួយគ្នានោះ​ ក៏ទទួល​បានអំណោយទឹកដោះគោ​ និងថវិកា​​មួយចំនួន​ពីកាកបាទក្រហមកម្ពុជា​ផងដែរ៕

 

អត្ថបទទាក់ទង