មន្រ្តីជាន់ខ្ពស់នៃក្រសួងទាំង៦ រួមគ្នាដោះស្រាយបញ្ហានានានៅខេត្តព្រះសីហនុ
មន្រ្តីជាន់ខ្ពស់នៃក្រសួងទាំង៦ រួមគ្នាដោះស្រាយបញ្ហានានានៅខេត្តព្រះសីហនុ
កិច្ចប្រជុំស្ដីពីការរៀបចំស្ថានីយបូមទឹកកខ្វក់ និងប្រព័ន្ធរំដោះទឹកកខ្វក់ក្នុងក្រុងព្រះសីហនុ ខេត្តព្រះសីហនុ ដោយមានការចូលរួមពីមន្ត្រីជាន់ខ្ពស់នៃក្រសួងពាក់ព័ន្ធសំខាន់ដូចជា លោក ជា សុផារ៉ា ទេសរដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ លោក ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួងសាធារណការ និងដឹកជញ្ជូន លោក ថោង ខុន ទេសរដ្ឋមន្រ្តី រដ្ឋមន្ត្រីក្រសួងទេសចរណ៍ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម លោក ស៊ុយ សែម រដ្ឋមន្ត្រីក្រសួងរ៉ែនិងថាមពល លោក សាយ សំអាល់ រដ្ឋមន្ត្រីក្រសួងបរិស្ថាន និង លោក យន្ត មីន អភិបាលខេត្តព្រះសីហនុ ដោះស្រាយបញ្ហាសំរាមឆ្នេរ និងតាមការដ្ឋានសំណង់ បណ្ដាញផ្លូវ ដោយយល់ព្រមកែលម្អដូចជា៖
១. រៀបចំកែលម្អប្រធានស្ថានីយប្រព្រឹត្តិកម្មទឹកកខ្វក់ និងទីលានសម្ងួតភក់ក្រុងព្រះសីហនុ នៅលើផ្ទៃដីទំហំ១៦ហិកតា ដើម្បីបង្កើនសមត្ថភាពប្រព្រឹត្តិកម្មទឹកកខ្វក់ ពី៥៧០០ ម៉ែត្រគូប/១ថ្ងៃ ឲ្យកើនដល់ ២៥ ០០០ម៉ែត្រគូប/១ថ្ងៃ ដោយបំពាក់ប្រព័ន្ធស្វ័យមេកានិចបន្ថែម ដោយក្រសួងសាធារណការទទួលធ្វើ និងអនុវត្តក្នុងរយៈពេល ៣ ទៅ៥ខែ។
២. រៀបចំស្ថានីយបូមបង្វែរទឹកកខ្វក់កុំឲ្យហូរចូលទឹកសមុទ្រចំនួន៤ ទីតាំងបន្ថែម ដោយថវិកាជាការរួមចំណែកពីម្ចាស់សណ្ឋាគារខ្នាតក្នុងខេត្ត។
៣. ហេដ្ឋារចនាសម្ព័ន្ធផ្លូវ លូ និងភ្លើងបំភ្លឺជាសាធារណៈ និងក្រុមហ៊ុនឯកជនម្ចាស់សណ្ឋាគារចូលរួមចំណែកដើម្បីសម្រួលថវិកាចំណាយរដ្ឋ។
៤. ជំនួយឧបត្ថម្ភម៉ាស៊ីនសំអាតឆ្នេរសមុទ្រ ដែលមានសមត្ថភាពផ្ទុកសំរាម ១ម៉ែត្រគីបកន្លះ ចំនួន៤គ្រឿង ដោយ ២គ្រឿងសម្រាប់ខេត្តព្រះសីហនុ និង១គ្រឿងសម្រាប់ខេត្តកែប និងកំពត។
៥. គ្រប់សណ្ឋាគារ ភោជនីយដ្ឋាន និងសំណងទាំងអស់ ត្រូវមានរៀបចំឲ្យមានអាងប្រព្រឹត្តិកម្មទឹកកខ្វក់ មុននឹងបង្ហូរចូលលូសាធារណៈ ។
សូមទស្សនាវីដេអូខាងក្រោមនេះ៖
ប្រភព៖ Sabay
