សម្តេច​តេជោ ហ៊ុន សែន​ បាន​ផ្ញើ​សារនៅ​ថ្ងៃ​នេះ​ថា « ចងចាំ និងដឹងគុណកងទ័ពជាតិ»

ដោយ៖ សន បទុម​​ | ថ្ងៃអង្គារ ទី១២ ខែធ្នូ ឆ្នាំ២០១៧​ | ផ្ទះហ្វេសប៊ុក | 0 |
សម្តេច​តេជោ ហ៊ុន សែន​ បាន​ផ្ញើ​សារនៅ​ថ្ងៃ​នេះ​ថា  « ចងចាំ និងដឹងគុណកងទ័ពជាតិ» សម្តេច​តេជោ ហ៊ុន សែន​ បាន​ផ្ញើ​សារនៅ​ថ្ងៃ​នេះ​ថា « ចងចាំ និងដឹងគុណកងទ័ពជាតិ»

នៅ​លើ​ទំព័រហ្វេសប៊ុក​ផ្លូវ​ការ​របស់​សម្តេច​តេជោ ហ៊ុន សែន​ នាយករដ្ឋ​មន្ត្រី​ ​នៃ​រាជរដ្ឋាភិបាល​កម្ពុជា​ នៅ​ព្រឹក​ថ្ងៃ​ទី​១២ ខែធ្នូ ឆ្នាំ​២០១៧នេះ ក្នុង​ពេល​សម្តេច​អញ្ជើញ​ជា​អធិបតី​ក្នុង​ពិធី​សម្ពោធ​ដាក់​ឲ្យ​ប្រើ​ប្រាស់​នូវ​ហេដ្ឋារចនា​សម្ព័ន្ធ​ អគារ​ហ្វឹក​ហ្វឺន​ជំ​នាញ​ចារកម្ម​ និង​បុក​គ្រឹះ​ សាង​សង់​សាលប្រជុំ​អគ្គ​នាយកដ្ឋាន​ស្រាវជ្រាវចារកិច្ច​ក្រសួង​ការពារជាតិ​  ដែល​ស្ថិត​នៅ​ខណ្ឌព្រែក​ព្នៅ​ រាជធានី​ភ្នំ​ពេញ​។

សម្តេច​តេជោ បាន​សរសេរខ្លឹម​សារ​ថា​៖  យើងចងចាំបានថា កាលពី ៣៩ឆ្នាំមុន គឺកងទ័ពយើងកំពុងបោះជំហានយ៉ាងអង់អាចក្លាហានឈានឆ្ពោះមករំដោះទីក្រុងភ្នំពេញ និងប្រទេសជាតិទាំងមូល។ ខ្ញុំសូមអរគុណបងប្អូនកងទ័ពយើងជាច្រើនដែលបានចូលបម្រើប្រទេសជាតិជាង៤០ឆ្នាំមកហើយ ហើយកំពុងរស់រានមានជីវិតមកទល់ពេលនេះ។

សម្តេច​បាន​បន្ត​ថា សព្វថ្ងៃនេះ កងទ័ពជាតិយើងកំពុងរីកលូតលាស់ធំធាត់ទាំងកាយសម្បទារ និងសមត្ថភាព។ ជាប្រវត្តិសាស្រ្ត គឺកងទ័ពជាតិយើងបានចាប់កំណើតមកពី “កងកម្លាំងប្រដាប់អាវុធសាមគ្គីសង្រ្គោះជាតិកម្ពុជា” ដែលបានបង្កើតឡើងនៅថ្ងៃ ២ធ្នូ ឆ្នាំ ១៩៧៨ ។ កងទ័ពជាតិបានចូលរួមវិភាគទានយ៉ាងធំធេងក្នុងការអភិវឌ្ឍន៍សង្គម និងសេដ្ឋកិច្ចជាតិដែលបានធ្វើអោយប្រទេសជាតិរីកចម្រើនមកទល់សព្វថ្ងៃ។

ខ្ញុំសូមអរគុណ និងជូនពរ បងប្អូនកូនក្មួយកងទ័ពជាតិទូទាំងប្រទេស ដែលកំពុបម្រើការនៅក្នុងប្រទេស និងការពារទឹកដីនៅតាមព្រំដែន និងចូលរួមបេសកកម្មថែរក្សាសន្តិភាពនៅតាមបណ្តាប្រទេសនានាជាមួយអង្គការសហប្រជាជាតិ សូមជួបតែសេចក្តីសុខ និងសំណាងល្អគ្រប់ៗគ្នា៕

 

 

 

 

បញ្ចេញមតិ
ពាក្យគន្លឹះទាក់ទង