គណៈប្រតិភូជាន់ខ្ពស់សភាតំណាងប្រជាជនចិនទូទាំងប្រទេស នឹងអញ្ជើញមកបំពេញទស្សនកិច្ចផ្លូវការនៅកម្ពុជារយៈពេល៤ថ្ងៃ

នៅថ្ងៃទី៣០ ខែតុលា ឆ្នាំ២០១៨ អគ្គលេខាធិការដ្ឋានរដ្ឋសភា បានចេញសេចក្តីជូនដំណឹងស្តីពីដំណើរទស្សនកិច្ចផ្លូវការរបស់គណៈប្រតិភូជាន់ខ្ពស់សភាតំណាងប្រជាជនចិនទូទាំងប្រទេសនៅព្រះរាជាណាចក្រកម្ពុជា តបតាមការអញ្ជើញរបស់លោក ហេង សំរិន ប្រធាន រដ្ឋសភា។

សេចក្តីជូនដំណឹងដដែលនេះ បានឱ្យដឹងថា នៅក្នុងដំណើរទស្សនកិច្ចនេះ គណៈប្រតិភូជាន់ខ្ពស់សភាតំណាងប្រជាជនចិនទូទាំងប្រទេស នឹងចូលជួបសម្តែងការគួរសមជាមួយលោក ហេង សំរិន ប្រធានរដ្ឋសភា លោក សាយ ឈុ ប្រធានព្រឹទ្ធសភា និងលោកនាយករដ្ឋមន្រ្តី ហ៊ុន សែន ព្រមទាំងទស្សនាព្រះបរមរាជវាំង សារមន្ទីរជាតិ និងប្រាសាទមួយចំនូននៅក្នុងទឹកដីខេត្តសៀមរាបផងដែរ៕