កញ្ញា ធី សុវណ្ណថា ព្រមានប្តឹងបុរសម្នាក់ដែលប្រមាថឈុត “ទេពីស្រីសួគ៌ឦសានបុរៈ”
កញ្ញា ធី សុវណ្ណថា ព្រមានប្តឹងបុរសម្នាក់ដែលប្រមាថឈុត “ទេពីស្រីសួគ៌ឦសានបុរៈ”
នៅព្រឹកថ្ងៃទី១៧ ខែតុលា ឆ្នាំ២០១៨ កញ្ញា ធី សុវណ្ណថា បានបង្ហោះសារលើបណ្តាញសង្គមហ្វេសប៊ុកដោយប្រមានថានឹងប្តឹងបុរសម្នាក់ដែលមានឈ្មោះថា Heng Yin ហៅ ចំប៉ីខ្មៅ ចំពោះការប្រមាថលើពាក្យ “ឦសានបុរៈ” និង ឈុតរបស់បវរកញ្ញាកម្ពុជាដែលប្រឡងក្នុងកម្មវិធី Miss Grand International 2018។ នៅលើបណ្តាញសង្គមហ្វេសប៊ុករបស់កញ្ញា ធី សុវណ្ណថា បានបង្ហោះដូចខាងក្រោម៖
“សូមព្រមានលោក Heng Yin (ចំប៉ីខ្មៅ) ដែលបានប្រមាថលើពាក្យ “ឦសានបុរៈ”
ឦសានបុរៈ ជាពាក្យតំណាង ឈុតវប្បធម៌ជាតិខ្មែរ ជាឈ្មោះទីក្រុងបុរាណខ្មែរ និងជាឈ្មោះនៃអតីត:ព្រះមហាក្សត្រខ្មែរ “ព្រះបាទឦសានវរមន្មទី១“នៅសតវត្ស ទី៦-៧ នៃប្រវត្តសាស្ត្រខ្មែរ…
យោងតាម Video Live និង Post របស់លោក ពីម្សិលមិញបានថា “ឦសានបុរៈ ឈុតគ្មានអត្តសញ្ញាណជាតិ” និងបានភ្ជាប់ដោយរូប សើបចំអក់? ជាច្រើន..
ទង្វើលោកនេះជាការប្រមាថ បរិហាកេរ្ត៍ លើសម្បត្តិ៍វប្បធម៌ជាតិខ្មែរ និងជាកាបការប្រមាថលើឈ្មោះអតីតព្រះមហាក្សត្រខ្មែរ
នាងខ្ញុំ ផ្តល់ឱកាសឲ្យលោក ២៤ម៉ោង ដើម្បីទទួលកំហុស “លុបការផុសប្រមាថ” និងសុំទោសជានជាតិខ្មែរ ជាបន្ទាន់ បើលោកនៅតែបំពាន ខ្ញុំនឹងសិក្សានិតិវិធីច្បាប់ប្តឹងលោក ពីបទបរិហាកេរ្តិ៍ និងបទប្រមាថអតីត:ព្រះមហាក្សត្រ ទៅក្រសួងព្រះបរមរាជវាំង ក្រសួងវប្បធម៌ វិចិត្យសិល្ប: សាលាដំបូងភ្នំពេញ និងអភិបាលខេត្តកំពង់ធំ…
នាងខ្ញុំ ក៏បានឃើញមានការប្រមាថ លើសម្បត្តិវប្បធម៌ខ្មែរ ពីជនជាតិបរទេសខ្លះ នាងខ្ញុំ កំពុងសិក្សានិតិវិធី ច្បាប់អន្តរជាតិ
បណ្តាសារ “ជនណាបំផ្លាញ គ្លោញ តម្រងតេញព្រះអាទិត្យ (សម្បត្តិវប្បធម៌ជាតិខ្មែរ) ជននោះនឹងវិនាសអន្តរាយ” នេះជាបណ្តាសារ ចាទុកជាប់សិលាចារិកប្រសាទត្រពាំងត្រពាក់ នៃក្រុមប្រាសាទសំបូរព្រៃគុក ក្នុងខេត្តកំពង់ធំ ត្រូវបានបោះពុម្ភ និងផ្សាយ ដោយរដ្ឋបាលខេត្តកំពង់ធំ។”
