ក្រុមការងារនាយកដ្ឋានអភិរក្សសមុទ្រ និងតំបន់ឆ្នេរ ព្រមទាំងមន្រ្តីជំនាញ ចូលរួមក្នុងវគ្គបណ្តុះបណ្តាលឆ្លាមសមុទ្រ
ក្រុមការងារនាយកដ្ឋានអភិរក្សសមុទ្រ និងតំបន់ឆ្នេរ ព្រមទាំងមន្រ្តីជំនាញ ចូលរួមក្នុងវគ្គបណ្តុះបណ្តាលឆ្លាមសមុទ្រ
ក្រុមការងារនាយកដ្ឋានអភិរក្សសមុទ្រ និងតំបន់ឆ្នេរ រួមទាំងមន្រ្តីជំនាញមុជទឹកទាំង៨រូប បានចូលរួមក្នុងវគ្គបណ្តុះបណ្តាលឆ្លាមសមុទ្រ បន្ទាប់ពីមានកិច្ចសហការជាមួយអ្នកជំនាញការ នៃវិទ្យាស្ថាន សមុទ្រទី១ របស់ប្រទេសចិន បានចុះសិក្សាស្រាវជ្រាវនៅតំបន់ឧទ្យានជាតិសមុទ្រ កោះរុង និងកោះកុងក្រៅ ខេត្តកោះកុង ក្នុងគោលបំណង៖
១. បន្តតាមដានស្ថានភាពសុខភាពផ្កាថ្មតាមរយៈការដាក់ Data Logger
២. ពិនិត្យ ទីតាំងផ្កាថ្មថ្មីនៅតំបន់ជុំវិញកោះម្នាស់ កោះតាទៀម និងជុំវិញកោះកុងក្រៅ ដើម្បីស្វែងរកទីតាំងដែលមានសក្តានុពលផ្កាថ្ម ព្រមទាំងប្រភេទកម្រសម្រាប់ រៀបចំបែងចែកតំបន់អភិរក្ស ៣. បន្តសិក្សាប្រភេទត្រីផ្សោត និង ប្លង់តុងក្នុងតំបន់ ឧទ្យានជាតិសមុទ្រកោះរុង និងដែនជម្រកសត្វព្រៃពាមក្រសោប តាមរយ:អនុស្សរណៈនៃការយោគយល់រវាង ក្រសួងបរិស្ថាន និងរដ្ឋបាលសាគរចិន ដែលវគ្គបណ្តុះបណ្តាលនេះចាប់ពីថ្ងៃទី១៨ ដល់ ថ្ងៃទី២៧ ខែកញ្ញា ឆ្នាំ២០១៨។
ជាលទ្ធផលទទួលបានរួមមាន៖
១)បានរកឃើញ Data Logger ដែលបានដាក់កន្លងមក និងបានដាក់ Data Logger ថ្មីចំនួន៨ ក្នុងទីតាំងខុសៗគ្នា
២)បានកត់ត្រា និងមានវីដេអូអំពីវត្តមាននិងបំលាស់ទីរបស់ ប្រភេទផ្សោតមួយក្រុមមានចំនួនប្រហែល ១៥ក្បាលនៅតំបន់ដែនជម្រកសត្វព្រៃពាមក្រសោប តាមការបង្ហោះ Drone
៣)បានយកសំណាកទឹកបាតសមុទ្រក្នុងតំបន់ ផ្កាថ្មនៅត្រង់ទីតាំង ដាក់ Data loggers ទាំង៨កន្លែង
៤)បានពិនិត្យទីតាំងសក្តានុពលសម្រាប់ សាងសង់ស្ថានីយ៍អង្កេតកិច្ចការបរិស្ថាន ដើម្បីងាយស្រួលក្នុងការតាមដានពីវត្តមាន ក៏ដូចជាការធ្វើការការពារ និងអភិរក្សប្រកបដោយប្រសិទ្ធភាព និងមាននិរន្តភាព៕
