រូបភាព ១០សន្លឹក បើបានឃើញប្រាកដជាប្លែកភ្នែក!

ដោយ៖សន ប្រាថ្នា | ថ្ងៃចន្ទ ទី៣ ខែកញ្ញា ឆ្នាំ២០១៨ កំសាន្ដ & ប្លែកៗ 446

រូបថត១០សន្លឹកចុងក្រោយត្រូវបានជ្រើសរើសសម្រាប់ការប្រកួតរូបថតប្រចាំខែ ដោយសារព័ត៌មាន The Guardian របស់អង់គ្លេស។

រូបទាំងនោះមិនត្រឹមតែស្អាត ប៉ុន្តែបង្កប់អត្ថន័យ ដែលធ្វើឲ្យរូបថតទាំងនោះកាន់តែលេចធ្លោ។ ចង់ដឹងថាតើរូបទាំងនោះពិសេសយ៉ាងណា សូមទស្សនារូបភាពខាងក្រោម៖

១) ថតដោយ Simon Morris បុរសម្នាក់នេះជាអ្នកខាត់ស្បែកជើងនៅទីក្រុងហាវ៉ាណា ប្រទេសគុយបា។ Simon និយាយថាបុរសម្នាក់នេះធ្វើការតាំងពីព្រលឹមដល់យប់។ Simonបាននិយាយថា”ខ្ញុំបាននិយាយជាមួយគាត់រៀងរាល់ថ្ងៃដោយប្រើភាសាអេស្ប៉ាញ ដ៏រដាក់រដុបរបស់ខ្ញុំ។ ថ្ងៃមួយខ្ញុំថតរូបគាត់ គាត់មានទឹកមុខដ៏គួរឲ្យគោរព”។

២) ថតដោយ Graham Gittins ស្រ្តីជនជាតិមង សន្ទនាគ្នានៅ បាក់ហា ភាគខាងជើងប្រទេសវៀតណាម។ ការលាយចូលគ្នានៃសំលៀកបំពាក់ចម្រុះពណ៌ ឆើតឆាយ និង ទឹកមុខសើចញញឹមជាចំណុចធ្វើឲ្យរូបថតនេះកាន់តែលេចធ្លោ។

៣) ថតដោយ Ian Webb ថតនាពេលព្រឹកព្រលឹមអុល នៅបឹង Bachalpsee ប្រទេសស្វីស។ “ខ្ញុំបានឃើញស្រមោលខ្មៅរបស់ស្រ្តីកំពុងឈរគយគន់ទេសភាព អមដោយទេសភាពខាងក្រោយជាភ្នំ”។

៤) ថតដោយ Krzysztof Madej ជារូបព្រះសង្ឃមួយអង្គនៅទីក្រុងបាហ្គាន ប្រទេសភូមា ជាប្រទេសដែលមានប្រាសាទពុទ្ធសាសនាជាង ២ ២០០។

៥) ថតដោយ Stephen McCann ការសម្តែងសិល្បៈតាមចិញ្ចើមថ្នល់នៅក្នុងទីក្រុង Valencia ប្រទេសអេស្ប៉ាញ។

៦) ថតដោយ Dominique Drinnan រូបថតនេះត្រូវបានថតនៅលើភ្នំ Adirondack នៅក្នុងរដ្ឋញីវយ៉ក។ ប្លង់ថតបង្កើតបានទស្សនីយភាពដ៏ឥតខ្ចោះ ភ្នំនៅខាងក្រោយ ទេសភាពមានពណ៌រស់រវើក និង ទាក់ទាញ។

៧) ថតដោយ Paula Parker “ស្រ្តី[តែងខ្លួនរបាំ]ទាំងនេះ ឈរចាំថតជាមួយភ្ញៀវទេសចរនៅប្រាសាទអង្គរវត្ត ប្រទេសកម្ពុជា នៅពេលខ្ញុំចាប់ប្លង់ថតនៅពេលពួកគេបំពេញការងារ” Paula Parker បានរៀបរាប់។

៨) ថតដោយ Craig Fox ៖ បានចំណាត់ថ្នាក់លេខ២ រូបថតដែលបង្ហាញពី រឿងរ៉ាវស្នេហាកំសត់មួយដែលគេគូសលើអាគារឧស្សាហកម្មនៅ ប្រទេសអ៊ីស្លង់។ Mick Ryan ជាអ្នកវាយតម្លៃរូបថតនេះចំណាត់ថ្នាក់លេខ២ បាននិយាយថា អ៊ីស្លង់ជាកន្លែងដ៏មានប្រជាប្រិយភាពសម្រាប់សិល្បៈថតរូបតាមផ្លូវដូចរូប១សន្លឹកខាងលើជាឧទាហរណ៍ស្រាប់។

៩) ថតដោយ Christa Lamb ៖ បានចំណាត់ថ្នាក់លេខ២ រូបថតនៅតំបន់ភ្នំ Wasatch ប្រទេសអង់គ្លេស នារដូវស្លឹកឈើជ្រុះ។ Christa Lamb និយាយថា “ខ្ញុំស្រលាញ់ ធម្មជាតិនៃក្រាហ្វិកដើមឈើទាំងនេះ។ Mick Ryan ជាអ្នកវាយតម្លៃរូបថតនេះ បាននិយាយថា “យ៉ាងហោចណាស់ នៅពេលដែលយើងលែងមានព្រៃ Aspens ទាំងនេះ ការថតបែបហួសសម័យនេះ នៅតែជាផ្នែកមួយដ៏រស់រវើកបង្ហាញពីរដូវ។ ប្លង់ថត និង ពណ៌ ធ្វើឲ្យមានភាពឥតខ្ចោះនៅក្នុងរូបមួយនេះ”។

១០) ថតដោយ Alan King ជយលាភីលេខ១ រូបថតចូលឆ្នាំរបស់ប្រជាជនអាស៊ីអាគ្នេយ៍ ហើយរូបមួយនេះថតនៅហ្លួងព្រះបាង ប្រទេសឡាវ។ Mick Ryan បាននិយាយថា មូលហេតុដែលលោកឲ្យចំណាត់ថ្នាក់រូបនេះលេខ១ ព្រោះជារូបរស់រវើកជាងគេ ថែមទាំងមានម្សៅ ឬ ទឹកផងសាចទៅលើកញ្ចក់កែវកាមេរ៉ា មនុស្សនៅលើផ្លូវ ទឹកមុខញញឹម ធ្វើឲ្យរូបនេះមើលទៅកាន់តែរីករាយ៕

អត្ថបទទាក់ទង

ការរើសអើង ៤ ចំណុចចំពោះអ្នកស្រលាញ់ភេទដូចគ្នានៅកម្ពុជា កំសាន្ដ & ប្លែកៗថ្ងៃអង្គារ ទី២៦ ខែមិថុនា ឆ្នាំ២០១៨ 351
រូបភាពបានមកពីហ្វេសប៊ុក និងសូមកុំភ្លេចមើលរូបខាងក្រោមផង ផ្ទះហ្វេសប៊ុកថ្ងៃចន្ទ ទី១៩ ខែមីនា ឆ្នាំ២០១៨ 319
ព្រះរាជដំណាក់ ឬរាជវាំងរបស់សម្ដេចនរោត្តមសីហនុ ព្រះបរមរតនកោដ្ឋ នៅទីក្រុងព្យុងយ៉ាង ប្រទេសកូរ៉េខាងជើង! ឯកសារថ្ងៃសុក្រ ទី៣០ ខែមីនា ឆ្នាំ២០១៨ 604
មើលរូបទាំង ៣០ សន្លឹកខាងក្រោមហើយ នោះអ្នកនឹងលែងចង់ទៅលេងសមុទ្រ កំសាន្ដ & ប្លែកៗថ្ងៃអាទិត្យ ទី១៧ ខែមិថុនា ឆ្នាំ២០១៨ 360

រូបភាព ១០សន្លឹក បើបានឃើញប្រាកដជាប្លែកភ្នែក​!

អត្ថបទទាក់ទង

រូបភាព ១០សន្លឹក បើបានឃើញប្រាកដជាប្លែកភ្នែក!