ជីវិតរស់នៅ ឈិត សុជាតា ពោរពេញទៅដោយសុភមង្គល
ជីវិតរស់នៅ ឈិត សុជាតា ពោរពេញទៅដោយសុភមង្គល
ក្រោយពីកូនភ្លោះកាន់តែធំពេលនេះអតីតតារាសម្តែង និង ពិធីការិនី ឈិត សុជាតា កាន់តែបង្ហាញភាពផ្អែមល្ហែមជាមួយស្វាមី ។ យ៉ាងណាមិញថ្មីៗនេះ ឈិត សុជាតា បានបង្ហាញរូបថតស្វីត ស្វីត ជាមួយស្វាមីដែលធ្វើឱ្យមហាជនជាច្រើនសរសើរពីជីវិតរស់នៅដ៏ហ៊ឺហារបស់អតីតតារាសម្តែងរូបនេះ ។
ពេលនេះដែរ ឈិត សុជាតា ក៏លែងលាក់បាំងពីមុខមាត់ស្វាមីទៀតដែរ ។ អ្វីដែលចាប់អារម្មណ៍ជារឿយៗ ឈិត សុជាតា តែងបង្ហាញពីភាពផ្អែមល្ហែមជាមួយស្វាមីនៅតាមតំបន់កម្សាន្តនានាទាំងក្នុងប្រទេសនិងក្រៅប្រទេស ។ តាមរយៈរូបថតទាំងនេះគេដឹងថាជីវិតរស់នៅរបស់អតីតតារាសម្តែងរូបនេះពិតជាមានសុភមង្គល និងក្តីសុខខ្លាំងណាស់ ។ អ្វីដែលពិសេសនោះគឺនាងមានកូនភ្លោះប្រុសស្រីដ៏ស្រស់ស្អាត និងគួរឱ្យស្រឡាញ់ចំនួនពីរនាក់ថែមទៀត ។
ទោះបីជាក្លាយជាអ្នកម្តាយរបស់កូនភ្លោះប្រុសស្រីពីរនាក់ក៏ពិតមែន តែគេសម្គាល់ឃើញ ឈិត សុជាតា នៅតែមានរូបសម្រស់ស្រស់ស្អាត និងមានការតុបតែងខ្លួនឡូយឆាយមិនធម្មតា ។ បើតាមប្រភពដែលស្និទ្ធជាមួយនឹង ឈិត សុជាតា បានឱ្យដឹងថា សព្វថ្ងៃ ឈិត សុជាតា រស់នៅយ៉ាងមានក្តីសុខ ព្រោះនាងទទួលបានការស្រឡាញ់ថ្នាក់ថ្នមពីសំណាក់ស្វាមីក៏ដូចជាក្រុមគ្រួសារខាងស្វាមីដែរ ប៉ុន្តែយ៉ាងណានាងមិនមានគម្រោងរៀបការតាមប្រពៃណីខ្មែរនោះទេ ។
ក្រៅពីបំពេញតួនាទីជាភរិយាល្អនិងជាម្តាយដ៏ល្អ ឈិត សុជាត ក៏ជានាយិកាក្រុមហ៊ុនទេសចរណ៍ STA ហើយក្រៅពីនោះនាងក៏លក់ផលិតផលនានាតាមអនឡាញផងដែរ ៕
