ប្លែកភ្នែកនឹងឈុតបុរាណច្នៃប្រឌិតទាំង ៧៧ ម៉ូដ របស់បេក្ខនារី Miss Grand Thailand ឆ្នាំ ២០១៨ !

ដោយ៖ លី វិទ្យា | ថ្ងៃព្រហស្បតិ៍ ទី១២ ខែកក្កដា ឆ្នាំ២០១៨ កំសាន្ដ & ប្លែកៗ 27

នៅឆ្នាំ ២០១៨ នេះ គេឃើញមានប្រទេសជាច្រើនបាន និង កំពុងជ្រើសរើសបវរកញ្ញាតំណាងប្រទេសរបស់ខ្លួនជាច្រើនតំណែង ក្នុងនោះក៏មានតំណែង Miss Grand 2018 ដែរ ។ សម្រាប់ប្រទេសថៃដែលជាស្ថាបនិកនៃកម្មវិធី ក៏កំពុងដំណើរការប្រកួតនេះជិតដល់វគ្គផ្តាច់ព្រ័ត្រផងដែរ ។

ជាក់ស្តែងកាលពីរាត្រីថ្ងៃ ១១ ខែកក្កដា ឆ្នាំ ២០១៨ ខណៈប្រទេសថៃដែលកំពុងដំណើរប្រកួតជ្រើសរើសបវរកញ្ញាតំណាងជាតិរបស់ខ្លួន Miss Grand Thailand 2018 ជិតដល់វគ្គផ្តាច់ព្រ័ត្រនោះ បានតម្រូវឱ្យបេក្ខនារីតំណាងខេត្តទាំង ៧៧ ទូទាំងប្រទេស មកបង្ហាញខ្លួនលើឆាកដ៏ធំមុខមហាជនជាច្រើន ។ អ្វីដែលគួរឱ្យចាប់អារម្មណ៍ គឺការរំលេចខ្លួនក្នុងឈុតបុរាណច្នៃប្រឌិតរបស់ស្រីស្អាតទាំង ៧៧ រូបនោះ ពិតជាស្រស់ស្អាតប្លែក និង មានសណ្ឋានប្លែកៗពីគ្នាគួរឱ្យគយគន់ ។

គួរបញ្ជាក់ដែរថា កម្មវិធីនេះនៅសល់មិនប៉ុន្មានថ្ងៃទៀតទេ នឹងដល់ថ្ងៃប្រកួតផ្ដាច់ព្រ័ត្រហើយ ហើយស្របពេលនេះដែរមានប្រិយមិត្តអ្នកគាំទ្រជាច្រើនបាន និង កំពុងទន្ទឹងរង់ចាំថា តើស្រីស្អាតមកពីខេត្តណានៃប្រទេសថៃ ជាអ្នកមានវាសនាគ្រងមកុដ Miss Grand Thailand ប្រចាំឆ្នាំ ២០១៨ នេះ ? ដូច្នេះកុំឱ្យរង់ចាំយូរ សូមប្រិយមិត្តទស្សនាកម្រងរូបភាពរបស់បេក្ខនារីមកពី ៧៧ ខេត្តរបស់ប្រទេសថៃ ក្នុងកម្មវិធី Miss Grand Thailand 2018 ដូចខាងក្រោម ៕