មកទស្សនាវីដេអូ អរគុណ និងកោតសរសើរ Ronaldo ពីក្លឹប Real Madrid
មកទស្សនាវីដេអូ អរគុណ និងកោតសរសើរ Ronaldo ពីក្លឹប Real Madrid
ក្នុងថ្ងៃនេះ ក្លឹប Real Madrid បានបង្ហោះវីដេអូមួយ ដើម្បីធ្វើការអរគុណខ្សែប្រយុទ្ធ Cristiano Ronaldo។
វីដេអូត្រូវបានបង្ហោះក្នុងបណ្ដាញទំនាក់ទំនងសង្គមរបស់ក្លឹប។ វីដេអូដែលមានប្រវែងជិត ៧ នាទី បានបង្ហាញពីអ្វីដែលខ្សែប្រយុទ្ធព័រទុយហ្គាល់បានសម្រេចបានជាច្រើនជាមួយក្លឹបកាលពីឆ្នាំ ២០០៩ មក។
វីដេអូចាប់ផ្ដើមដំបូងដោយបង្ហាញអំពីកីឡាករធ្វើការថ្លែងការសំណេះសំណាលដំបូងជាមួយអ្នកគាំទ្រ Real Madrid នៅកីឡដ្ឋាន Santiago Bernabeu នៅពេលខ្សែប្រយុទ្ធទើបធ្វើការផ្ទេរពីក្លឹប Manchester United។ បន្តបន្ទាប់មកទៀត វីដេអូបានបង្ហាញពីការស៊ុតបញ្ចូលទីរបស់ Ronaldo ព្រមទាំងគ្រាប់បាល់អស្ចារ្យមួយចំនួនរបស់កីឡាករ ក្នុងអំឡុងពេលលេងឲ្យក្លឹបរយៈពេល ៩ ឆ្នាំនេះ។ នៅជិតចុងបញ្ចប់នៃវីដេអូ ទិដ្ឋភាពនៃការឈ្នះពានជាច្រើនរបស់កីឡាករត្រូវបានបង្ហាញ។ វីដេអូបញ្ចប់ដោយពាក្យ “Gracias Cristiano” ដែលប្រែជាភាសាខ្មែរថា “អរគុណ Cristiano”។
សូមបញ្ជាក់ផងដែរ កាលពីយប់ម្សិលមិញ (ម៉ោងនៅកម្ពុជា) ក្លឹប Real Madrid បានប្រកាសជាផ្លូវការថា Ronaldo បាន “យល់ព្រម” ចូលរួមជាមួយក្លឹបអ៊ីតាលី Juventus។
Ronaldo ចូលរួមជាមួយក្លឹប Real Madrid កាលពីឆ្នាំ ២០០៩។ ក្នុងអំឡុងពេល ៩ ឆ្នាំនៅក្លឹប កីឡាករស៊ុតចូល ៤៥០ គ្រាប់ ក្នុងការបង្ហាញខ្លួន ៤៣៨លើក ព្រមទាំងបានជួយក្លឹបឲ្យឈ្នះពានធំៗជាច្រើន។
សូមទស្សនាវីដេអូខាងក្រោម៖
