ចាប់ពីពេលនេះតទៅ អ្នករស់នៅភ្នំពេញចាប់ពីវិមានឯករាជ្យ ដល់វត្តភ្នំ ត្រូវបានរំខានមួយរយៈ
តាមសេចក្ដីជូនដំណឹងរបស់រដ្ឋបាលរាជធានីបានជូនដំណឹងដល់ប្រជាពលរដ្ឋ ក្រុមហ៊ុន និងស្ថាប័នដែលរស់នៅ និងប្រកបរបរ និងធ្វើការនៅតាមបណ្ដោយមហាវិថីព្រះនរោត្ដម ចាប់ពីរង្វង់មូលវិមានឯករាជ្យ រហូតដល់វត្តភ្នំ ឲ្យបានជ្រាបថា សាលារាជធានីភ្នំពេញនឹងធ្វើការរៀបចំខឿនចិញ្ចើមផ្លូវ ខឿនស៊ុមដើមឈើ និងក្រាលការឺឡាថ្មី ការឺឡាសម្រាប់ជនពិការ ឲ្យស្របតាមបទដ្ឋានបច្ចេកទេស និងមានសោភ័ណភាពដល់ចិញ្ចើមផ្លូវទាំងសង្ខាងតាមបណ្ដោយមហាវិថីព្រះនរោត្ដម ដែលនឹងចាប់ផ្ដើមពីថ្ងៃជូនដំណឹងតទៅ ពោលគឺចាប់ផ្ដើមពីថ្ងៃទី ១៤ ខែមិថុនា ឆ្នាំ២០១៨។
អាស្រ័យហេតុនេះសូមសាធារណជនទាំងអស់ និងបងប្អូនប្រជាពលរដ្ឋដែលរស់នៅតាមមហាវិថី ព្រះនរោត្ដម ចាប់ពីរង្វង់មូលវិមានឯករាជ្យដល់វត្តភ្នំ មេត្តាជ្រាប និងយោគយល់អធ្យាស្រ័យចំពោះការរំខានដល់ការចេញចូលគេហដ្ឋាន ឬត្រូវធ្វើដំណើរឆ្លងកាត់ការដ្ឋាន និងផលប៉ះពាល់ផ្សេងៗដែលអាចកើតមានឡើង ដើម្បីឲ្យការអនុវត្តគម្រោងបានតាមផែនការកំណត់៕
សូមអានខ្លឺមសារខាងក្រោម៖
