សម្តេចធិបតី ហ៊ុន ម៉ាណែត ចេញបញ្ជាឱ្យបិទអាជីវកម្មបាញ់កាំភ្លើងនៅក្នុងខេត្តព្រះសីហនុ

សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា ភ្លៀវទេសចរណ៍ដែលបានមកកំសាន្តនៅខេត្តព្រះសីហនុ គឺមិនចាំបាច់រៀនបាញ់កាំភ្លើងនោះទេ ត្រូវយកពេលវេលាកំសាន្តនោះ ដើរមើលកោះនានាជាការកំសាន្តវិញល្អជាង។

សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងដូចនេះ នៅថ្ងៃទី៣១ ខែមករា ឆ្នាំ២០២ ក្នុងឱកាសដែលសម្ដេចអញ្ជើញជាអធិបតីក្នុងពិធីប្រកាសដាក់ឲ្យអនុវត្តជាផ្លូវការកម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤ ដែលពិធីនេះប្រារព្ធធ្វើនៅក្នុងខេត្តព្រះសីហនុ។

សម្តេចធិបតី ហ៊ុន ម៉ាណែត បានថ្លែងបន្តថា ក្លឹបបាញ់កាំភ្លើងដែលមានចំនួន ២ទីតាំង គឺសម្រេចប្រកាសបិទ និងមិនអនុញ្ញាតិឱ្យបើកថ្មីជានោះទេ ពីព្រោះក្លឹបបាញ់ភ្លើងជាលក្ខណៈឯកជនមិនចាំបាច់ឱ្យមាននោះទេ វាពាក់ព័ន្ធទៅនឹងការបញ្ជាទិញកាំភ្លើងនិងគ្រាប់ តើបានមកពីណា យកទៅណា?

ដូចនេះ អ្នកខេត្តព្រះសីហនុ មិនចាច់រៀនបាញ់កាំភ្លើងទេ ហើយចំពោះទីតាំងកងទ័ពនៅសមុទ្ររាម ដែលមានទីលានបង្រៀនបាញ់កាំភ្លើង គឺមិនអនុញាតិឱ្យស៊ីវិលទៅរៀនបាញ់ទេ ត្រូវយកទីតាំងនោះទុកឱ្យទាហាន កងទ័ព និងកងកម្លាំងអាវុធហត្ថ សម្រាប់ហ្វឹកហ្វឺននិងហាត់រៀនទៅតាមភារកិច្ចរបស់ខ្លួន៕