ខ្មែរប៉ុស្ដិ៍ Close

កម្ពុជា​ឡើង FIFA Ranking ឈរ​លើ​ក្រុម​សិង្ហបុរី និង ​ម៉ាឡេស៊ី

ដោយ៖ សន ប្រាថ្នា ​​ | ថ្ងៃសុក្រ ទី៨ ខែមិថុនា ឆ្នាំ២០១៨ កីឡា - សុខភាព 1164
កម្ពុជា​ឡើង FIFA Ranking ឈរ​លើ​ក្រុម​សិង្ហបុរី និង ​ម៉ាឡេស៊ីកម្ពុជា​ឡើង FIFA Ranking ឈរ​លើ​ក្រុម​សិង្ហបុរី និង ​ម៉ាឡេស៊ី

ចំណាត់​ថ្នាក់ FIFA Ranking ​របស់​កម្ពុជា ហក់​ឡើង​ទៀត​ហើយ​ក្នុង​ខែ​មិថុនា​ឆ្នាំ​២០១៨​នេះ ​ដោយ​បច្ចុប្បន្ន​ឈរ​លេខ ​១៦៦ ​លើ​ក្រុម​សិង្ហបុរី ​និង​ម៉ាឡេស៊ី​ទៅ​ទៀត។


(ក្រុមជម្រើសជាតិកម្ពុជា)

ក្នុង​ខែ​នេះ​ដែរ ​កម្ពុជា​ឡើង​បាន​៤​លេខ​ឯ​ណោះ ​ពោល​គឺ​ឈរ​នៅ​ចំណាត់​ថ្នាក់​លេខ​១៦៦​ហើយ ស្រប​ពេល​ដែល​ក្រុម​ខ្លាំង​នៅ​អាស៊ាន សិង្ហបុរី​វិញ ​ស្ថិត​នៅ​ក្រោម​កម្ពុជា ​ឈរ​លេខ​១៦៩ ​និង​ម៉ាឡេស៊ី ​ឈរ​លេខ​១៧១ ។ សម្រាប់​ក្រុម​ឡាវ ​វិញ ​នៅ​ឆ្ងាយ​ពី​កម្ពុជា​មែនទែន ​ដោយ​ឈរ​នៅ​ចំណាត់​ថ្នាក់​លេខ​១៧៨​។

អ្វី​ដែល​កាន់​តែ​ពិសេស​ទៀត​នោះ ​ក្រុម​ជម្រើស​ជាតិ​វៀតណាម ​ដែល​បាន​ដាក់​គោល​ដៅ​យក​ចំណាត់​ថ្នាក់ FIFA Ranking ​ឱ្យ​ទាប​ជាង​១០០​នោះ ​ពេល​នេះ​ពួកគេ​ឈរ​នៅ​លេខ​១០២ ​ពោល​គឺ​ខ្វះ​តែ​២​លេខ​ទៀត​ប៉ុណ្ណោះ ដល់​គោល​ដៅ​ហើយ។ ចំពោះ​ការ​ជម្រើស​ជាតិ​ថៃ​វិញ ​នៅ​ចំណាត់​ថ្នាក់​លេខ​១២២។

ផ្អែក​តាម​ស្ថិតិ​បង្ហាញ​ថា ចាប់​តាំង​ពី​ឆ្នាំ​១៩៩៥ ចំណាត់​ថ្នាក់​កម្ពុជា​​ខែ​មិថុនា ឆ្នាំ​២០១៨​នេះ​​​បាន​ឡើង​ដល់​លេខ​រៀង​ទី​១៦៦​ដែល​​​​​​ស្មើ​នឹង​ចំណាត់​ថ្នាក់​ល្អ​​កាល​ពីខែ​វិច្ឆិកា ​ឆ្នាំ​២០១០ ប៉ុន្តែ​កំណត់​ត្រា​ល្អ​បំផុត​របស់​ក្រុម​ជម្រើស​ជាតិ​កម្ពុជា​​គឺ​កាល​ពី​ខែ​កុម្ភៈ ​ឆ្នាំ​១៩៩៨ ​ឡើង​ដល់​​​លេខ​១៦២៕


(ស្ថិតិ​ឡើង​ចុះ​ចំណាត់​ថ្នាក់ FIFA Ranking របស់​កម្ពុជា)

អត្ថបទទាក់ទង