សម្តេចតេជោ ហ៊ុន សែន៖ គន្លឹះជោគជ័យរបស់បដិវត្តន៍ពណ៌ គឺគេធ្វើអាព្យាក្រឹត្យភាពកម្លាំងប្រដាប់អាវុធ និងរដ្ឋបាលស៊ីវិល

ដោយ៖ លី វិទ្យា | ថ្ងៃពុធ ទី២៩ ខែធ្នូ ឆ្នាំ២០២១ ព័ត៌មានទូទៅ 34

សម្តេចតេជោ ហ៊ុន សែន បានថ្លែងថា គន្លឹះដើម្បទទួលបានជោគជ័យក្នុងការធ្វើបដិវត្តន៍ពណ៌ផ្តួលរំលំរដ្ឋាភិបាលនៅលើប្រទេសនានា គឺគេធ្វើអាព្យាក្រឹត្យភាពកម្លាំងប្រដាប់អាវុធ និងរដ្ឋបាលស៊ីវិលឱ្យប្រឆាំងរដ្ឋាភិបាល ឬនៅស្ងៀមមិនការពាររដ្ឋាភិបាល។ សម្តេចបានថ្លែងដូចនេះនៅព្រឹកថ្ងៃទី២៩ ខែធ្នូ ឆ្នាំ២០២១ ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ អគាររដ្ឋបាល និងសាលប្រជុំទីស្តីការក្រសួងការពាជាតិថ្មី ដែលចំខួបលើកទី២៣ឆ្នាំ នៃជោគជ័យក្នុងការនាំមកនូវសន្តិភាពពេញលេញ តាមរយៈនយោបាយឈ្នះឈ្នះ របស់សម្តេចតេជោ ( ២៩-ធ្នូ-១៩៩៨ – ២៩-ធ្នូ-២០២១)។

សម្តេចតេជោ ហ៊ុន សែន បានគូសបញ្ជាក់ថា កម្ពុជាមិនអនុញ្ញាតឱ្យអ្នកណាធ្វើបដិវត្តន៍ពណ៌ផ្តួលរំលំរាជរដ្ឋាភិបាល បំផ្លាញប្រទេសជាតិ បំផ្លាញសេចក្តីសុខរបស់ប្រជាជនបានឡើយ ពីព្រោះកម្ពុជាយើងឆ្លងកាត់សង្រ្គាមរួចមកហើយ។ សម្តេចតេជោ ហ៊ុន សែន ក៏បានគូសបញ្ជាក់ថា កម្ពុជាយើងធ្លាប់មានរដ្ឋប្រហារកន្លងមកហើយ ដែលធ្វើឱ្យបំផ្លិចបំផ្លាញដល់ប្រទេសយើង ដូច្នេះយើងមិនអាចអនុញ្ញាតឱ្យកើតឡើងជាថ្មីម្តងទៀតបានឡើយ។

សម្តេចតេជោ ហ៊ុន សែន ក៏បានគូសបញ្ជាក់បន្ថែមថា មេទ័ព មេកងពល មេភូមិភាគ ចៅហ្វាយខេត្ត នឹងត្រូវដកចេញ ប្រសិននៅស្ងៀមមិនធ្វើសកម្មភាពទប់ស្កាត់បដិវត្តន៍ពណ៌ ផ្តួលរំលំរាជរដ្ឋាភិបាល ដែលឈានទៅដល់សង្រ្គាមបំផ្លាញសេចក្តីសុខរបស់ប្រជាជនកម្ពុជា៕

អត្ថបទទាក់ទង

លោកនាយករដ្ឋមន្ត្រី ហ៊ុន សែន នឹងទៅបំពេញទស្សនកិច្ចផ្លូវការនៅប្រទេសចិនរយៈពេល៣ថ្ងៃ ព័ត៌មានទូទៅថ្ងៃសៅរ៍ ទី១៩ ខែមករា ឆ្នាំ២០១៩ 52
លោកនាយករដ្ឋមន្រ្តី ហ៊ុន សែន អញ្ជើញអបអរសាទរខួប១០០ឆ្នាំ ថ្ងៃកំណើតអង្គការ ILO និងខួប ៥០ឆ្នាំដែលកម្ពុជាក្លាយជាសមាជិក ILO ព័ត៌មានទូទៅថ្ងៃព្រហស្បតិ៍ ទី២៨ ខែមីនា ឆ្នាំ២០១៩ 35
សុន្ទរកថាទាំងស្រុងរបស់ សម្តេចតេជោ ហ៊ុន សែន ក្នុងពិធីបិទបញ្ចប់កិច្ចប្រជុំកំពូលអាស៊ាន លើកទី៤០ និង៤១ និងកិច្ចប្រជុំពាក់ព័ន្ធ ឯកសារថ្ងៃអាទិត្យ ទី១៣ ខែវិច្ឆិកា ឆ្នាំ២០២២ 34
លោកនាយករដ្ឋមន្រ្តី ហ៊ុន សែន៖ ប្រាក់ខែមន្រ្តីរាជការនឹងបន្តកើនឡើងជារៀងរាល់ឆ្នាំ ព័ត៌មានទូទៅថ្ងៃអង្គារ ទី២២ ខែតុលា ឆ្នាំ២០១៩ 26