អភិបាលខេត្តព្រះសីហនុ បញ្ជាឱ្យកងកម្លាំងប្រដាប់អាវុធនៅមូលដ្ឋាន បើកច្រកតាមព្រំប្រទល់សម្រាប់ការឆ្លងកាត់របស់ប្រជាពលរដ្ឋមកពីបណ្តាខេត្តផ្សេង
នៅថ្ងៃទី២៥ ខែមេសា ឆ្នាំ២០២១ លោក គួច ចំរើន អភិបាលខេត្តព្រះសីហនុ បានដាក់បទបញ្ជាឱ្យកងកម្លាំងប្រដាប់អាវុធនៅមូលដ្ឋាន បើកច្រកតាមព្រំប្រទល់សម្រាប់ការឆ្លងកាត់របស់ប្រជាពលរដ្ឋមកពីបណ្តាខេត្តផ្សេង ប៉ុន្តែលោកបានហាមមិនឱ្យមានការចេញចូលក្រុងព្រះសីហនុទាំងមូល ដែលជាតំបន់បិទខ្ទប់ឡើយ។
លោក គួច ចំរើន បានបញ្ជាក់ថា សម្រាប់ក្របខណ្ឌខេត្តព្រះសីហនុ គឺអនុញ្ញាតឱ្យមានការបើកធ្វើដំណើរឆ្លងកាត់រវាងព្រំប្រទល់ខេត្តកំពង់ស្ពឺ នៅស្រុកកំពង់សីលា នៅស្រុកព្រៃនប់ នៃខេត្តកំពត និងព្រំប្រទល់រងមួយទៀតនៅស្រុកស្ទឹងហាវ ប៉ុន្តែបន្តរក្សាម៉ឺងម៉ាត់សម្រាប់តំបន់បិទខ្ទប់ នៅក្នុងក្រុងព្រះសីហនុ ទាំងមូលបន្តទៀត៕
