គណបក្សខ្មែរតែមួយរបស់ប្អូនប្រុសលោក កែម ឡី ត្រូវបានទទួលស្គាល់ជាផ្លូវការដោយក្រសួងមហាផ្ទៃ
គណបក្សខ្មែរតែមួយរបស់ប្អូនប្រុសលោក កែម ឡី ត្រូវបានទទួលស្គាល់ជាផ្លូវការដោយក្រសួងមហាផ្ទៃ
នៅព្រលប់ថ្ងៃទី២៧ ខែមីនា ឆ្នាំ២០១៨នេះ ខ្មែរប៉ុស្តិ៍ បានទទួលឯកសារគតិយុត្តមួយបញ្ជាក់ថា គណបក្សខ្មែរតែមួយដែលបង្កើតឡើងដោយប្អូនប្រុសបង្កើតរបស់លោកបណ្ឌិត កែម ឡី គឺលោក កែម រិទ្ធិសិត ត្រូវបានក្រសួងមហាផ្ទៃសម្រេចចុះបញ្ជីទទួលស្គាល់ជាផ្លូវការហើយ នេះបើយោងតាមសេចក្តីសម្រេចចុះថ្ងៃទី២៧ ខែមីនា ឆ្នាំ២០១៨នេះ ដែលចុះហត្ថលេខាដោយសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
សេចក្តីសម្រេចចុះបញ្ជីគណបក្សខ្មែរតែមួយ ក៏បានតម្រូវឲ្យគណបក្សនេះ ត្រូវធ្វើសកម្មភាពស្របតាមច្បាប់ស្តីពីគណបក្សនយោបាយ លិខិតបទដ្ឋានគតិយុត្តនានាជាធរមាន និងលក្ខន្តិកៈរបស់គណបក្សដែលបានតម្កល់ទុកនៅក្រសួងមហាផ្ទៃផងដែរ។
