ជប៉ុន ផ្តល់ជំនួយឥតសំណង ជិត ៧០ម៉ឺនដុល្លារ សម្រាប់អភិវឌ្ឍវិស័យ៣ នៅកម្ពុជា
ជប៉ុន ផ្តល់ជំនួយឥតសំណង ជិត ៧០ម៉ឺនដុល្លារ សម្រាប់អភិវឌ្ឍវិស័យ៣ នៅកម្ពុជា
រដ្ឋាភិបាលជប៉ុន កាលពីថ្ងៃទី៦ ខែវិច្ឆិកា ឆ្នាំ២០១៨ បានឯកភាពផ្តល់ថវិកាចំនួនជាង ៦៨,៣២ម៉ឺនដុល្លារ សម្រាប់ការអភិវឌ្ឍលើវិស័យសុខាភិបាល អប់រំ និង ហេដ្ឋារចនាសម្ព័ន្ធ នៅកម្ពុជា។ នេះបើតាមការប្រកាសរបស់ស្ថានទូតជប៉ុន ប្រចាំកម្ពុជា នៅថ្ងៃទី៧ ខែវិច្ឆិកា ឆ្នាំ២០១៨។
មន្ទីរខេត្តចំនួន៥ និងអង្គការក្រៅរដ្ឋាភិបាលចំនួន២ នឹងទទួលបានជំនួយនេះ ក្រោមគ្រោងការណ៍ជំនួយឧបត្ថម្ភឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិរួមមាន៖
-ផ្តល់ជាង ១៧,៥២ម៉ឺនដុល្លារ ឱ្យមន្ទីរសុខាភិបាលខេត្តព្រះវិហារ។
-ផ្តល់ជាង ៧,៩ម៉ឺនដុល្លារ ឱ្យអង្គការសុខភាពត្រចៀកកម្ពុជា។
-ផ្តល់ជាង ៨,៨ម៉ឺនដុល្លារ ឱ្យមន្ទីរអប់រំយុវជន និងកីឡាខេត្តរតនគីរី។
-ផ្តល់ជាង ៨,៥ម៉ឺនដុល្លារ ឱ្យមន្ទីរអប់រំយុវជន និងកីឡាខេត្តក្រចេះ។
-ផ្តល់ជាង ៧,៧ម៉ឺនដុល្លារ ឱ្យអង្គការមូនិធិខ្មែរជំនួយការសិក្សា។
-ផ្តល់ជាង ៨,៩ម៉ឺនដុល្លារ ឱ្យមន្ទីរសាធារណការ និងដឹកជញ្ជូនខេត្តប៉ៃលិន។
-ផ្តល់ជាង ៨,៨ម៉ឺនដុល្លារ ឱ្យមន្ទីរសាធារណការ និងដឹកជញ្ជូនខេត្តបន្ទាយមានជ័យ៕
