ម្ចាស់ក្លឹប Leicester ជនជាតិថៃទទួលមរណភាពធ្លាក់ឧទ្ធម្ភាគចក្រ
ម្ចាស់ក្លឹប Leicester ជនជាតិថៃទទួលមរណភាពធ្លាក់ឧទ្ធម្ភាគចក្រ
ម្ចាស់ក្លឹប Leicester City លោក Vichai Srivaddhanaprabha ដែលជាមហាសេដ្ឋីជនជាតិថៃពិតទទួលជាមរណភាពមែនក្នុងឧបទ្ទវហេតុធ្លាក់ឧទ្ធម្ភាគចក្រកាលពីយប់ថ្ងៃសៅរ៍ ក្រោយពេលក្លឹបរបស់លោកប្រកួតបានប្រហែលមួយម៉ោង។ នេះបើតាមការផ្សាយរបស់ channelnewsasia។
សេចក្តីថ្លែងការណ៍របស់ក្លឹបបានសរសេរថា ៖«វាពិតជាសោកសៅក្រៀមក្រំបំផុតដែលលោកប្រធានរបស់យើង Vichai Srivaddhanaprabha ស្ថិតក្នុងចំណោមអ្នកបាត់បង់ជីវិតកាលពីយប់ថ្ងៃសៅរ៍នៅពេលឧទ្ធម្ភាគចក្រដឹកនាំលោក និងមនុស្ស៤នាក់ផ្សេងទៀតបានធ្លាក់នៅក្បែរកីឡដ្ឋាន King Power»។
ក្រៅពីមហាសេដ្ឋីដែលជាម្ចាស់ក្លឹបទទួលមរណភាព ក៏មានមនុស្ស៤នាក់ផ្សេងទៀតក្នុងនោះបុគ្គលិករបស់លោក២នាក់ឈ្មោះ Suknamai និង Koveporn ព្រមទាំងអ្នករួមដំណើរឈ្មោះ Roza Lechowicz ហើយអ្នកបើកយន្តហោះ Eric Swaffer សុទ្ធតែស្លាប់ទាំងអស់។
ការប្រកួតដែល Leicester City ស្មើ West Ham United ១-១ បានបញ្ចប់ទៅ១ម៉ោងមុនពេលឧទ្ធម្ភាគចក្រធ្លាក់ សាក្សីម្នាក់បានឃើញអ្នកចាំទី Kasper Schmeichel រត់គេចចេញពីកន្លែងកើតហេតុ។ Leicester បានឈ្នះពាន Premier League ជាប្រវត្តិសាស្ត្រក្រោមការវិនិយោគរបស់លោក Srivaddhanaprabha៕
ប្រភព៖ សប្បាយ
