សម្តេចតេជោ ហ៊ុន សែន និងនាយករដ្ឋមន្រ្តីបង់ក្លាដែស ជួបពិភាក្សាការងារនៅវិមានសន្តិភាព
សម្តេចតេជោ ហ៊ុន សែន និងនាយករដ្ឋមន្រ្តីបង់ក្លាដេស ជួបពិភាក្សាការងារនៅវិមានសន្តិភាព
នៅព្រឹកថ្ងៃទី០៤ ខែធ្នូ ឆ្នាំ២០១៧នេះ សម្តេចតេជោនាយករដ្ឋមន្រ្តី ហ៊ុន សែន និងលោកជំទាវនាយករដ្ឋមន្រ្តីបង់ក្លាដែស បានចាប់ផ្តើមធ្វើជំនួបពិភាក្សាទ្វេភាគីនៅវិមានសន្តិភាព។ ក្រោយពីជំនួបទ្វេភាគីរវាងមេដឹកនាំកំពូលរវាងកម្ពុជា-បង់ក្លាដែស នៅវិមានសន្តិភាព ក៏នឹងមានការចុះហត្ថលេខាលើឯកសារសំខាន់ៗមួយចំនួនផងដែរ។
នៅម៉ោង១១៖០០នាទីព្រឹកថ្ងៃទី០៤ ខែធ្នូ ឆ្នាំ២០១៧ដដែលនេះ លោកជំទាវនាយករដ្ឋមន្រ្តីបង់ក្លាដែស នឹងចូលបង្គំគាល់ព្រះមហាក្សត្រកម្ពុជា ព្រះករុណា ព្រះបាទសម្តេចព្រះ បរមនាថ នរោត្តម សីហមុនី នៅព្រះបរមរាជវាំង។
នៅវេលាម៉ោង ០៣៖០០នាទី រសៀល លោកជំទាវនាយករដ្ឋមន្រ្តី នឹងជួបសន្ទនាជាមួយក្រុមធុរជនមួយចំនួននៅកម្ពុជាក្នុងសណ្ឋាគារសូហ្វីតែល។ នៅម៉ោង ០៣៖៣០នាទី រសៀល លោកជំទាវចូលជួបសម្តែងការគួរសមជាមួយសម្តេច ហេង សំរិន ប្រធានរដ្ឋសភា។ នៅម៉ោង ០៤៖៣០នាទី រសៀល លោកេជំទាវចូលជួបសម្តែងការគួរសមជាមួយលោក សាយ ឈុំ ប្រធានព្រឹទ្ធសភា ហើយត្រឡប់ទៅសណ្ឋាគារវិញ។ លុះពេលល្ងាចវេលាម៉ោង ០៦៖៣០នាទី លោកជំទាវនាយករដ្ឋមន្រ្តី នឹងចូលរួមពិសារអាហារពេលល្ងាច ដែលរៀបចំដោយសម្តេចតេជោនាយករដ្ឋមន្រ្តី ហ៊ុន សែន នៅវិមានសន្តិភាព។
សូមបញ្ជាក់ថា បន្ទាប់ពីបំពេញទស្សនកិច្ចរយៈពេល២ថ្ងៃរួច លោកជំទាវនាយករដ្ឋមន្រ្តី បង់ក្លាដែស នឹងអញ្ជើញចាកចេញពីកម្ពុជា ត្រឡប់ទៅប្រទេសបង់ក្លាដែសវិញ នៅព្រឹកថ្ងៃទី០៥ ខែធ្នូ ឆ្នាំ២០១៧ តែម្តង៕
