តោះទៅលេងកន្លែងកំសាន្តលម្ហែកាយដែលកំពុងពេញនិយមនៅខេត្តមួយ

ដោយ៖ សន ប្រាថ្នា | ថ្ងៃចន្ទ ទី៣ ខែកញ្ញា ឆ្នាំ២០១៨ កំសាន្ដ & ប្លែកៗ 120

ចង់គេចពីបរិយាកាសអ៊ូអរនៅទីក្រុង រំសាយភាពនឿយហត់ពីការងារ ប្រិយមិត្តអាចទៅសម្រាកលំហែកាយនៅកន្លែងដែលមានភាពបរិសុទ្ធ បរិយាកាសធម្មជាតិជាមួយនឹងក្រុមគ្រួសារ អាចមកទទួលយកភាពបែបនេះបាននៅរមណីយដ្ឋានធម្មជាតិ ដែលទើបបង្កើតថ្មី និងល្បីល្បាញ ២កន្លែងស្ថិតនៅខេត្តកំពត ដែលមានដូចជា៖

១. រមណីយដ្ឋាន ផ្ទះបៃតង (Green House)

រមណីយដ្ឋាន ផ្ទះបៃតង (Green House) ជាកន្លែងលំហែកាយថ្ងៃឈប់សម្រាកដែលទើបបង្កើតថ្មីមួយនៅខេត្តកំពត។ ផ្ទះបៃតង មានបឹងកាឡូសម្រាប់ស្នាក់នៅ មានផាសុកភាព និងទេសភាពបែបធម្មជាតិ។ នៅបន្ទប់នីមួយៗ មានគ្រែ០២ មុង និងបន្ទប់ទឹកមួយ អាចស្នាក់ជាគ្រួសារ និងមិត្តភក្តិ។

ភ្ញៀវទេសចរអាចទៅសម្រាកកាយបន្ធូរអារម្មណ៍ ដើរទស្សនាការដាំដុះចំការម្រេចតាមបែបប្រពៃណី។ ជាងនេះទៀត ភ្ញៀវអាចទទួលទានអាហារបន្លែស្រស់ៗធម្មជាតិបេះពីចំការផ្ទាល់ និងកម្សាន្តជាមួយសកម្មភាពជាច្រើនទៀត ដូចជា ជិះទូកកាយ៉ាក ជិះកង់ និងធ្វើដំណើរកម្សាន្តតាមទូកជាដើម។ រមណីយដ្ឋាននេះស្ថិតនៅផ្លូវទឹកឈូ ឃុំឧត្តុង្គខ្មែរ ស្រុកទឹកឈូ ខេត្តកំពត។

២. រមណីយដ្ឋាន Kampot River Residence

រមណីយដ្ឋានKampot River Residence ជាកន្លែងកម្សាន្តធម្មជាតិដ៏ស្រស់ស្អាតមួយ ដែលមានទីតាំងស្ថិតនៅភូមិកំពង់ក្រែង ឃុំកំពង់ក្រែង ស្រុកទឹកឈូ ខេត្តកំពត។ ទីកន្លែងនេះ ព័ទ្ធជុំវិញទៅដោយជួរភ្នំ វាលស្រែពណ៌បៃតងខ្ចី ដងព្រែកដែលមានទឹកថ្លាយង់គួរឲ្យចង់គយគន់មិនជិនណាយ។

ក្រៅពីមានទេសភាពស្អាតហើយរមណីយដ្ឋានមួយនេះក៏មានកន្លែងស្នាក់នៅដ៏មានផាសុកភាពផងដែរ គឺមានផ្ទះសង់ពីឈើ នៅដាច់ៗពីគ្នា។ ការតុបតែងនៅខាងក្នុងមានរបៀបរៀបរយ តាមលក្ខណៈបុរាណ និងសម័យ ដែលអាចស្នាក់នៅជាលក្ខណៈ ក្រុមគ្រួសារ មិត្តភក្តិ ឬគូស្នេហ៍ ។

ទេសចរណ៍

អត្ថបទទាក់ទង

អ្នកជំនាញសង្ឃឹមថា ខេត្តសៀមរាបនឹងស្រូបទាញទេសចរក្នុងស្រុកឡើងវិញបន្ទាប់ពីដំណើការចាក់វ៉ាក់សាំង ព័ត៌មានទូទៅថ្ងៃអង្គារ ទី១៣ ខែកក្កដា ឆ្នាំ២០២១ 40
រយៈពេល៣ថ្ងៃ នៃពិធីបុណ្យចូលឆ្នាំចិន កម្ពុជាទទួលបានភ្ញៀវទេសចរជិត ៩០មុឺននាក់ កំសាន្ដ & ប្លែកៗថ្ងៃចន្ទ ទី១៥ ខែកុម្ភៈ ឆ្នាំ២០២១ 85
រដ្ឋមន្ត្រីទេសចរណ៍សាទរចំពោះកំណើនភ្ញៀវចុងសប្តាហ៍ទី២ខែធ្នូ និងជំរុញវិស័យឯកជនត្រៀមទទួលភ្ញៀវនៅពេលឆ្លងឆ្នាំ ព័ត៌មានទូទៅថ្ងៃចន្ទ ទី១៣ ខែធ្នូ ឆ្នាំ២០២១ 53
ប្រាសាទបក្សីចាំក្រុង (Baksei Chamkrong temple) វប្បធម៌ & ប្រវត្តិសាស្រ្ដថ្ងៃពុធ ទី១១ ខែកក្កដា ឆ្នាំ២០១៨ 49