រាជរដ្ឋាភិបាលកម្ពុជាផ្តល់ថវិកា១០ម៉ឺនដុល្លារជួយដល់ប្រជាជនឡាវរងគ្រោះដោយទឹកជំនន់

ដោយ៖ សន ប្រាថ្នា | ថ្ងៃអង្គារ ទី៣១ ខែកក្កដា ឆ្នាំ២០១៨ ព័ត៌មានទូទៅ 34

រាជរដ្ឋាភិបាលកម្ពុជា បានផ្តល់ជំនួយជាថវិកាចំនួន១០ម៉ឺនដុល្លារអាមេរិក ដើម្បីជួយដល់ប្រជាជនឡាវ ដែលរងគ្រោះដោយទឹកជំនន់បាក់ទំនប់វារីអគ្គិសនីកាលពីថ្មីៗនេះ។

ជំនួយសប្បុរសធម៌នេះ បានផ្តល់ឡើងកាលពីថ្ងៃទី៣០ ខែកក្កដា ដោយឯកឧត្តម អ៊ុច បូររិទ្ធ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ទៅឱ្យឯកឧត្តម ប្រាសិទ្ធ សាយ៉ាសិទ្ធ ឯកអគ្គរដ្ឋទូតឡាវប្រចាំកម្ពុជា។

ឯកឧត្តម អ៊ុច បូររិទ្ធ មានប្រសាសន៍ថា រាជរដ្ឋាភិបាលកម្ពុជាមានការរំជួលចិត្ត និងសោកសៅចំពោះសោកនាដកម្មនៃការបាក់ទំនប់វារីអគ្គិសនីនៅប្រទេសឡាវ។ ជាមួយគ្នានេះ ក៏បានចូលរួមរំលែកទុក្ខយ៉ាងក្រៀមក្រំចំពោះការបាត់បង់នៅក្នុងឧបត្តិហេតុដ៏សោកនាដកម្ម និងអកុសលនេះ។

ទំនប់វារីអគ្គីសនី សេពៀន សេណាំណូយ (Xepien Xenamnouy) ក្នុងខេត្តអាតាពើ ប្រទេសឡាវ ដែលតម្កល់ទឹក៥.០០០លានម៉ែត្រគូប និងអាចផលិតថាមពលអគ្គិសនីបាន៤១០ម៉េហ្កាវ៉ាត់ នៅភាគខាងលើប្រទេសកម្ពុជាប្រហែល៧០គីឡូម៉ែត្រ ត្រូវបានបាក់កាលពីថ្ងៃទី២៤ ខែកក្កដា ដោយបានសម្លាប់ និងធ្វើឱ្យបាត់ខ្លួនប្រជាជនឡាវរាប់រយនាក់៕

គ្រោះទឹកជំនន់

អត្ថបទទាក់ទង

ពលរដ្ឋរងគ្រោះដោយសារជំនន់ទឹកភ្លៀងជិត ១០០គ្រួសារ ទទួលបានអំណោយស្បៀងសង្គ្រោះបន្ទាន់ របស់រាជរដ្ឋាភិបាល ព័ត៌មានទូទៅថ្ងៃសុក្រ ទី២៧ ខែមករា ឆ្នាំ២០២៣ 82
ជំនន់ទឹកស្ទឹងព្រែកត្នោត កំពុងបន្ដគំរាមកំហែងខណ្ឌដង្កោ រាជធានីភ្នំពេញ ទឹកនឹងចាប់ផ្តើមស្រកវិញនៅស្អែកថ្ងៃត្រង់ ព័ត៌មានទូទៅថ្ងៃអង្គារ ទី២១ ខែសីហា ឆ្នាំ២០១៨ 53
លោក អម សុភា ចូលរួមកម្មវិធីអនុវត្តលំហាត់សមយុទ្ធសង្គ្រោះគ្រោះមហន្តរាយទឹកជំនន់ឆ្នាំ២០២១ ព័ត៌មានទូទៅថ្ងៃអង្គារ ទី១៩ ខែតុលា ឆ្នាំ២០២១ 79
ព្រឹកនេះសម្ដេចតេជោ ហ៊ុន សែន ចែកអំណោយជូនប្រជាពលរដ្ឋ១ម៉ឺនគ្រួសារ ដែលរងគ្រោះដោយទឹកជំនន់ នៅស្រុកមង្គលបូរី ខេត្តបន្ទាយមានជ័យ ខណៈថ្ងៃស្អែកបន្តចែក១ម៉ឺនគ្រួសារទៀត ផ្ទះហ្វេសប៊ុកថ្ងៃពុធ ទី២១ ខែតុលា ឆ្នាំ២០២០ 35