នៅរដ្ឋកាលីហ្វ័រញ៉ា(California) អណ្តាតភ្លើងបានលេបត្របាក់ព្រៃឈើ រាប់មុឺន ហិចតា និងផ្ទះប្រជាជន រាប់ពាន់ខ្នង
នៅរដ្ឋកាលីហ្វ័រញ៉ា(California) អណ្តាតភ្លើងបានលេបត្របាក់ព្រៃឈើ រាប់មុឺន ហិចតា និងផ្ទះប្រជាជន រាប់ពាន់ខ្នង
នៅរដ្ឋកាលីហ្វ័រញ៉ា(California) អណ្តាតភ្លើងបានលេបត្របាក់ព្រៃឈើ រាប់មុឺន ហិចតា និងផ្ទះប្រជាជន រាប់ពាន់ខ្នង
អភិបាលរដ្ឋកាលីហ្វ័រញ៉ា(California) លោក ជេរៀន ប្រោន បានប្រកាសកាលពីថ្ងៃព្រហស្បតិ៍ថាមានគ្រោះអាសន្ននៅក្នុងខេត្ដពីរនៅរដ្ឋកាលីហ្វ័រនីញ៉ាភាគខាងត្បូងដោយសារតែមានការឆេះព្រៃ យ៉ាងសន្ធោសន្ធៅយ៉ាងឆាប់រហ័សនៅក្នុងរដ្ឋភាគខាងលិចសហរដ្ឋអាមេរិក
សេចក្តីថ្លែងការណ៍សង្គ្រោះបន្ទាន់ចេញផ្សាយដោយ Brown សម្រាប់តំបន់ Riverside និង Shasta ដោយសារតែផលប៉ះពាល់នៃអគ្គីភ័យដែលគេហៅថាអគ្គីភ័យ Cranston និង Carr ដែលបានបំផ្លិចបំផ្លាញលំនៅដ្ឋាននិងរចនាសម្ព័ន្ធបានគំរាមកំហែងហេដ្ឋារចនាសម្ព័ន្ធសំខាន់ៗនិងបណ្តាលឱ្យមានការជម្លៀសប្រជាជន។
សីតុណ្ហភាពឈានដល់កម្រិតខ្ពស់ ហើយសំណើមមានកម្រិតទាបនិងខ្យល់បក់ខ្លាំងបានបង្កើនការរីករាលដាលនៃអគ្គីភ័យនេះបើយោងតាមសេចក្តីថ្លែងការណ៍របស់ Brown។
ស្ថានភាពនៃអគ្គីភ័យនេះ “ដោយសារមូលហេតុនៃកម្លាំងឆាបឆេះរាលដាលខ្លាំង គឺធ្វើអោយក្រុមការងារបន្លត់អគ្គីភ័យនៅក្នុងតំបន់នោះពិបាកធ្វើការពន្លត់ នៅក្នុងស្ថានភាពនេះគឺត្រូវការកម្លាំងតែមួយ ហើយទាមទារឱ្យមានកងកម្លាំងពន្លត់អគ្គីភ័យមកពីកន្លែងនានាដើម្បីមកធ្វើការរួមគ្នាដើម្បីទប់ស្កាត់ “។
អគ្គីភ័យនៅ តំបន់ Cranston បានផ្ទុះឡើងនៅវេលាថ្ងៃត្រង់កាលពីថ្ងៃពុធនៅក្នុងភ្នំ San Jacinto ក្នុងខណ្ឌ Riverside ចម្ងាយ 144.84 km ភាគខាងកើតទីក្រុងឡូសអង់ចាឡែស(Los Angeles)។ យោងតាមការធ្វើបច្ចុប្បន្នភាពចុងក្រោយបំផុតពីសេវាកម្មព្រៃឈើសហរដ្ឋអាមេរិកបានឱ្យដឹងថាវាបានផ្ទុះឡើងដល់ប្រហែល 4 700 ហិចតាដោយមានត្រឹមតែ 5 ភាគរយប៉ុណ្ណោះនៅថ្ងៃព្រហស្បតិ៍។
មានមនុស្សរហូតទៅដល់ 3000 នាក់ត្រូវបានស្នើឱ្យជម្លៀសចេញពីផ្ទះជាង 2.000 ខ្នងនៅក្នុងតំបន់នេះ។
មន្រ្តីប៉ូលីសអនុវត្តច្បាប់បាននិយាយថាពួកគេបានចាប់ខ្លួនលោក Brandon N. McGlover អាយុ 32 ឆ្នាំពីបទបណ្តាលអោយភ្លើងឆាបឆេះយ៉ាងខ្លាំងនៅក្នុងតំបន់ Cranston នៅក្នុងសង្កាត់ Riverside ភាគពាយព្យកាលពីថ្ងៃពុធ។
ភ្លើងឆេះព្រៃមួយទៀតគឺតំបន់ Carr បានឆាបឆេះ ព្រៃរហូតទៅដល់ 20.000 ហិចតាដោយមន្ត្រីក្រុមបន្លត់អគ្គីភ័យធ្វើការទប់ស្កាត់បានតែ 10 ភាគរយប៉ុណ្ណោះនៅក្នុងសង្កាត់ Shasta គិតត្រឹមថ្ងៃព្រហស្បតិ៍។ ភ្លើងឆេះព្រៃកាន់តែមានសកម្មខ្លាំងក្លាពេញមួយយប់ជាមួយនឹងការកើនឡើងយ៉ាងខ្លាំង។ អ្នកពន្លត់អគ្គីភ័យនឹងធ្វើការពេញមួយថ្ងៃដើម្បីពង្រឹងខ្សែទប់និងបង្កើតខ្សែបន្ទាត់ថ្មីនៅជុំវិញភ្លើង។
អ្នកព្យាករណ៍អាកាសធាតុព្យាករណ៍ថាសីតុណ្ហភាពកាន់តែកើនឡើងខ្ពស់និងសំណើមមានការថយចុះកាន់តែទាបនៅសប្តាហ៍នេះធ្វើអោយអគ្គីភ័យមានឱកាសកាន់តែឆាបឆេះកាន់តែខ្លាំង បន្ថែមលើភាពលំបាកនៃអ្នកពន្លត់អគ្គីភ័យនៅរដ្ឋកាលីហ្វ័រញ៉ា(Californi)ខាងត្បូង។
ប្រភព៖ Chinanews
សម្រួលដោយ ៖ ឆៃយ៉ា
