មនុស្ស១៣នាក់ ដែលបាត់ខ្លួននៅរូងភ្នំជាច្រើនថៃ នៅទីបំផុតពេលនេះបានរកឃើញហើយ (Video Live)

ដោយ៖ ស៊ីវេត មធុរ៉ា | ថ្ងៃចន្ទ ទី២ ខែកក្កដា ឆ្នាំ២០១៨ ផ្ទះហ្វេសប៊ុក 53

(បាងកក)៖ សារព័ត៌មានផ្លូវការរបស់រដ្ឋថៃបានចេញផ្សាយហើយ ដោយក្នុងនោះក្មេងៗទាំង ១២នាក់ និងគ្រូបង្វឹកបាល់ទាត់ពួកគេម្នាក់ ត្រូវបានក្រុមសង្គ្រោះរកឃើញហើយ ដោយពួកគេនៅមានជីវិតទាំងអស់ ប៉ុន្តែស្ថិតនៅក្នុងស្ថានភាពហេវហត់បំផុត ស្ទើរតែបើកភ្នែកមិនរួចទៅឡើយ។ នេះបើតាម BBC ដកស្រង់ពីសារព័ត៌មានផ្លូវការថៃ នៅយប់ថ្ងៃចន្ទ ទី០២ ខែកក្កដា ឆ្នាំ២០១៨។

ពេលនេះក្រុមសង្គ្រោះកំពុងតែស្វែងរកកន្លែងមួយ ដែលមានសុវត្ថិភាពពីទឹកជំនន់ក្នុងរូងភ្នំ ដើម្បីរៀបចំជាកន្លែងស្នាក់បណ្តោះអាសន្នរបស់ ជនរងគ្រោះទាំង ១៣នាក់ខាងលើនេះ។ ក្រុមសង្គ្រោះថៃ ក្រុមគ្រួសារជនរងគ្រោះ និងមន្ត្រីរដ្ឋាភិបាលព្រមទាំងប្រជាជនថៃទាំងអស់ ដែលស្ថិតនៅតំបន់រូងភ្នំបានចែកចាយព័ត៌មានដ៏រីករាយនេះ និងបាន Live ជាវីដេអូទាំងយប់ជ្រៅ ទៅដល់មហាជនទូទៅផងដែរ។

ទោះបីជាបែបនេះក្តី តំណាក់កាលសំខាន់បន្ទាប់ គឺការយកពួកគេចាកចេញពីរូងភ្នំមកវិញ ព្រោះតែស្ថានភាពក្នុងនោះមានភាពលំបាកខ្លាំងណាស់ ដោយសារចម្ងាយដ៏ឆ្ងាយ ហើយចំណុចខ្លះ គឺក្រុមជំនាញសង្គ្រោះបានអះអាងថា ពួកគេត្រូវមុជកាត់ភក់ថែមទៀតផង ទើបអាចត្បុលទៅដល់កន្លែងដែលមនុស្សទាំង ១៣នាក់ ជាប់ខ្លួនអស់រយៈពេល ០៩ថ្ងៃមកហើយនេះ៕

ប្រភព៖ ThairathTV & Fresh News

ប្រទេសថៃ

អត្ថបទទាក់ទង

ការបែកបាក់កំពុងលេចឡើងនៅក្នុងក្រុមចម្រុះដែលគាំទ្រលទ្ធិប្រជាធិបតេយ្យនៅថៃ ព័ត៌មានអន្តរជាតិថ្ងៃចន្ទ ទី៣ ខែកក្កដា ឆ្នាំ២០២៣ 121
កុំចេះតែហ៊ាន! លទ្ធផលផាត់មុខពេលជិះតាក់ស៊ី នាំឲ្យស្ដ្រីម្នាក់ជ្រុលដៃរុកខ្មៅដៃគូសភ្នែកចូលភ្នែក កំសាន្ដ & ប្លែកៗថ្ងៃចន្ទ ទី១៨ ខែមិថុនា ឆ្នាំ២០១៨ 57
ស្ថានទូតខ្មែរនៅថៃ អះអាងថា ពលករខ្មែរកំពុងបម្រើការងារតាមធម្មតានៅប្រទេសថៃ ហើយរូបភាពការវិលត្រឡប់មកកម្ពុជារបស់ពលករ គឺជារូបភាពចាស់ដើម្បីកេងចំណេញនយោបាយ ព័ត៌មានទូទៅថ្ងៃព្រហស្បតិ៍ ទី៣១ ខែតុលា ឆ្នាំ២០១៩ 49
រំភើបស្ទើរស្រក់ទឹកភ្នែក! ក្មេងៗទាំង ១២នាក់ និងគ្រូបង្វឹកម្នាក់ដែលជាប់ខ្លួនក្នុងរូងភ្នំ ពេលនេះបានរកឃើញហើយ ផ្ទះហ្វេសប៊ុកថ្ងៃចន្ទ ទី២ ខែកក្កដា ឆ្នាំ២០១៨ 51