រថយន្តលោក ខាត់ យ៉ៃ ប្អូនប្រុសសំណព្វចិត្តអ្នកនាង ខាត់ សុឃីម កំពុងបើកសុខៗ ក៏ឆ្លងចរន្តអគ្គិសនីឆាបឆេះ

រថយន្តលោក ខាត់ យ៉ៃ ប្អូនប្រុសសំណព្វចិត្តអ្នកនាង ខាត់ សុឃីម កំពុងបើកសុខៗ ក៏ឆ្លងចរន្តអគ្គិសនីឆាបឆេះ

ភ្នំពេញ ៖ រថយន្តឡិចសុីស RX 300 មួយគ្រឿង ពណ៌ស ពាក់ស្លាកលេខ ភ្នំពេញ 2P-9853 របស់លោក ខាត់ យ៉ៃ ប្អូនប្រុសសំណព្វចិត្តអ្នកនាង ខាត់ សុឃីម កំពុងបើកលើផ្លូវសុខៗ ក៏ឆ្លងចរន្តអគ្គិសនីឆាបឆេះចេញជាភ្លើងផ្អើលអស់អ្នកជួយពន្លត់ទាំងយប់ នៅផ្លូវម៉ៅសេទុង ទល់វិទ្យាស្ថាន វ៉ាន់ដា ក្នុងទំនប់ទឹក ខ័ណ្ឌចំការមន នាវេលាម៉ោង ២ និង ៤០ នាទីយប់ឈានចូលថ្ងៃទី ១៩ ខែ មិថុនា ឆ្នាំ ២០១៨ ។

លោកលោក ខាត់ យ៉ៃ បានរៀបរាប់ប្រាប់ព័ត៌មានឲ្យ TVFB ដឹងថាមុនពេលកើតហេតុលោកបានបើករថយន្តរបស់លោកចេញពីកន្លែងធ្វើការក៏ធ្វើដំណើរទៅផ្ទះវិញ តាមបណ្ដោយផ្លូវម៉ៅសេទុងស្រាប់តែមកដល់ចំណុចមុខនិងវិទ្យាស្ថានវ៉ាន់ដាក៏ស្រាប់តែមិនដឹងម៉េច ក៏រថយន្តរបស់គាត់មានក្លិនឈ្ងៀមហើយផ្សែងចេញមក ក៏ធ្វើឱ្យគាត់ក៏ឈប់រថយន្តខណៈពេលនោះរថយន្តឆាបឆេះចេញជាអណ្ដាតភ្លើងធ្វើឲ្យគាត់ភ័យខ្លាំងមែនទែន ក៏ស្រែកឲ្យប្រជាពលរដ្ឋនៅក្បែរនោះជួយពន្លត់គ្នា ។

ដោយបងប្អូនឃើញដូចនេះពួកគាត់ ក៏ស្ទុះស្ទារនាំគ្នាយកទឹកមកចាក់ពន្លត់ធ្វើអោយភ្លើងទៅវិញ ភ្លាមៗ មិនបណ្តាលខូចខាតធ្ងន់ធ្ងរឡើយ ។
ក្រោយកើតហេតុប្តីអ្នកនាងខាត់សុឃីមក៏បើករថយន្តមួយគ្រឿងមកជួយប្អូនថ្លៃរបស់ខ្លួន ដោយមកមើលការខុសត្រូវក៏ដូចជាហៅជាងមក អូសយករថយន្តដែលឆ្លងចរន្តអគ្គិសនីត្រូវភ្លើងឆាបឆេះនេះយកទៅធ្វើការជួសជុលផងដែរ ៕