ខ្មែរប៉ុស្ដិ៍ Close

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជាអធិបតីភាពក្នុងពិធីប្រគល់សញ្ញាបត្រ ជូននិស្សិតជ័យលាភីសាកលវិទ្យាល័យវេស្ទើន ជាង៣ពាន់នាក់

ដោយ៖ លី វិទ្យា ​​ | ថ្ងៃព្រហស្បតិ៍ ទី២៦ ខែមករា ឆ្នាំ២០២៣ ទស្សនៈ - នយោបាយ 1632
ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជាអធិបតីភាពក្នុងពិធីប្រគល់សញ្ញាបត្រ ជូននិស្សិតជ័យលាភីសាកលវិទ្យាល័យវេស្ទើន ជាង៣ពាន់នាក់ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញជាអធិបតីភាពក្នុងពិធីប្រគល់សញ្ញាបត្រ ជូននិស្សិតជ័យលាភីសាកលវិទ្យាល័យវេស្ទើន ជាង៣ពាន់នាក់

នៅព្រឹកថ្ងៃទី២៦ ខែមករា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីចែកសញ្ញាបត្រ ជូននិស្សិតជ័យលាភីថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៃសាកលវិទ្យាល័យវេស្ទើន ជាង៣ពាន់នាក់ ដែលពួកគេបានបញ្ចប់ការសិក្សាក្នុងឆ្នាំសិក្សា២០១៩-២០២០ ឆ្នាំសិក្សា២០២០-២០២១ និងឆ្នាំសិក្សា២០២១-២០២២ កន្លងទៅ។

ពិធីប្រគល់សញ្ញាបត្រនេះ បានធ្វើឡើងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារ រាជធានីភ្នំពេញ ដោយមាននិស្សិតនិស្សិតជ័យលាភី នៃសាកលវិទ្យាល័យវេស្ទើនសរុប៣២៣២នាក់ក្នុងនោះក៏មាននិស្សិតស្រីចំនួន១៨៩៧នាក់ផងដែរ។

ក្នុងឱកាសនោះសម្តេចតេជោ ហ៊ុន សែន មានប្រសាសន៍សំណេះសំណាលប្រមាណ១ម៉ោង៤០នាទី, ខាងក្រោមជាខ្លឹមសារសំខាន់ៗរបស់សម្តេច៖

  1. សម្តេចតេជោ ហ៊ុន សែន បានថ្លែងថា នៅសល់តែ៩៩ថ្ងៃទៀតប៉ុណ្ណោះ នឹងឈានដល់ការប្រកួតកីឡាស៊ីហ្គេមហើយ។
  2. សម្តេចតេជោ ហ៊ុន សែន​ បានថ្លែងបង្ហាញក្តីសោមនស្សរីករាយ ដែលបានអញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតសាកលវិទ្យាល័យវេស្ទើន។
  3. សម្តេចតេជោ ហ៊ុន សែន បានថ្លែងថា ធនធានមនុស្ស គឺជារឿងចាំបាច់សម្រាប់សង្គមជាតិ។
  4. សម្តេចតេជោ ហ៊ុន សែន បានថ្លែងថា សម្តេចពិតជារីករាយនៅពេលបានឃើញពីវឌ្ឍនភាពលើការបណ្តុះបណ្តាលធនធានមនុស្ស។
  5. សម្តេចតេជោ ហ៊ុន សែន បានថ្លែងថា ចំណេះមិនអាចផ្ទេរពីគ្រូទៅសិស្ស ដូចការផ្ទេរឈាមនោះឡើយ។
  6. សម្តេចតេជោ ហ៊ុន សែន បានថ្លែងថា កំហុសផ្នែកនយោបាយ និងសង្គ្រាម ជាហេតុនាំឱ្យកម្ពុជាក្រ។
  7. សម្តេចតេជោ ហ៊ុន សែន បានថ្លែងថា រដ្ឋប្រហារថ្ងៃទី១៨ ខែមីនា ឆ្នាំ១៩៧០ បានបំផ្លាញកម្ពុជាដល់ឫស្សគល់។
  8. សម្តេចតេជោ ហ៊ុន សែន បានថ្លែងថា មិនត្រូវឱ្យមានកំហុសផ្នែកនយោបាយទៀតនោះឡើយ។
  9. សម្តេចតេជោ ហ៊ុន សែន បានថ្លែងថា កម្ពុជា មានកម្លាំងពលកម្មច្រើន តែចំណេះជំនាញបំពេញសេចក្តីត្រូវការរបស់ក្រុមហ៊ុន នៅមានកម្រិត។
  10. សម្តេចតេជោ ហ៊ុន សែន បានថ្លែងថា ប្រទេសសិង្ហបុរីរីកចម្រើន ដោយសារមានធនធានមនុស្សពូកែ។
  11. សម្តេចតេជោ ហ៊ុន សែន បានថ្លែងថា ប្រទេសសិង្ហបុរី ប្រកាន់គោលការណ៍ចម្បង គឺសន្តិភាព ស្ថេរភាពនយោបាយ និងសណ្តាប់ធ្នាប់។
  12. សម្តេចតេជោ ហ៊ុន សែន បានថ្លែងថា ធនធានមនុស្សនៅកម្ពុជា មានហើយបរិមាណ តែគុណភាពនៅមានកម្រិត។
  13. សម្តេចតេជោ ហ៊ុន សែន ថ្លែងជំរុញឱ្យគ្រឹះស្ថានអប់រំយកចិត្តទុកដាក់ពង្រឹងគុណភាពបណ្តុះបណ្តាល។
  14. សម្តេចតេជោ ហ៊ុន សែន បានថ្លែងថា ការបណ្តុះបណ្តាលមិនមែនដើម្បីយកសញ្ញាបត្រនោះទេ គឺត្រូវធ្វើឱ្យមានចំណេះដឹងពិតប្រាកដ។
  15. សម្តេចតេជោ ហ៊ុន សែន បានថ្លែងថា សម្តេចកំពុងពិចារណារៀបចំកន្លែងស្នាក់នៅរបស់និស្សិត សម្រាប់សិស្សស្រី សិស្សក្រីក្រ និងសិស្សបរទេស។
  16. សម្តេចតេជោ ហ៊ុន សែន បានថ្លែងថា កន្លែងសម្រាប់សិស្សស្នាក់នៅនេះ មិនមែនរៀបចំតែនៅក្នុងរាជធានីភ្នំពេញនោះទេ ត្រូវរៀបចំនៅតាមខេត្តផងដែរ។
  17. សម្តេចតេជោ ហ៊ុន សែន បានថ្លែងថា មិនមានអ្វីមានតម្លៃជាងការផ្តល់ចំណេះដឹងនោះឡើយ។
  18. សម្តេចតេជោ ហ៊ុន សែន បានថ្លែងថា មិនយល់ចំពោះគោលនយោបាយបក្សនយោបាយមួយចំនួន ហាក់មានបំណងរុះរើឡើងវិញទាំងអស់លើការដឹកនាំប្រទេស ពេលគេឈ្នះឆ្នោត។
  19. សម្តេចតេជោ ហ៊ុន សែន បានថ្លែងថា នៅចុងសប្តាហ៍នេះ គណបក្សប្រជាជនកម្ពុជា នឹងធ្វើមហាសន្និបាតបក្សរយៈពេលពីរថ្ងៃ។
  20. សម្តេចតេជោ ហ៊ុន សែន បានថ្លែងអំពាវនាវដល់និស្សិតឱ្យបន្តការសិក្សា ឬធ្វើការសិក្សាស្រាវជ្រាវបន្ថែម ដើម្បីពង្រឹងសមត្ថភាព។
  21. សម្តេចតេជោ ហ៊ុន សែន ថ្លែងអំពាវនាវឱ្យប្រជាពលរដ្ឋរួមគ្នាធ្វើឱ្យការប្រកួតកីឡាស៊ីហ្គេម ទៅជាចលនាជាតិ។
  22. សម្តេចតេជោ ហ៊ុន សែន បានថ្លែងថា កុំមើលស្រាលការងារកំប៉ិកកំប៉ុក។ បើមិនធ្វើការងារកំប៉ុកកំប៉ុកទេ មិនអាចទៅធ្វើការងារធំបានឡើយ។
  23. សម្តេចតេជោ ហ៊ុន សែន បានថ្លែងថា កម្ពុជា មិនបានផ្តល់ជំនួយយោធាដល់អ៊ុយក្រែននោះឡើយ។
  24. សម្តេចតេជោ ហ៊ុន សែន បានថ្លែងថា ការជួយបណ្តុះបណ្តាលលើការបោសសំអាតមីន គឺជាការងារមនុស្សធម៌សុទ្ធសាធ។
  25. សម្តេចតេជោ ហ៊ុន សែន បានថ្លែងថា កម្ពុជាស្វាគមន៍គ្រប់ប្រទេស ដែលចង់រៀនពីការដោះមីននៅកម្ពុជា។
  26. សម្តេចតេជោ ហ៊ុន សែន បានថ្លែងថា ការបោសសំអាមីន ជាកិច្ចការដែលប្រទេសនៅលើពិភពលោកទាំងអស់ ត្រូវចូលរួម។
  27. សម្តេចតេជោ ហ៊ុន សែន ថ្លែងថា ប្រតិកម្មរឿងជម្លោះអ្នកសារព័ត៌មាន និងអ្នកជួយលើកម៉ូតូនៅស្ពានជ្រោយចង្វារ។ សម្តេចតេជោ ហ៊ុន សែន បានថ្លែងថា អ្នកសារព័ត៌មានហ្នឹងមានសិទ្ធិអី បានឱ្យគេសុំទោស?
  28. សម្តេចតេជោ ហ៊ុន សែន ស្នើឲ្យបញ្ចប់ការឆ្លងឆ្លើយលើករណីជម្លោះរវាងអ្នកកាសែត និងអ្នកជួយលើកម៉ូតូ​នៅស្ពានជ្រោយចង្វា និងករណីលោកគ្រូកាត់សក់កូនស្រី នៅស្រុកសំពៅលូន ខេត្តបាត់ដំបង។
  29. សម្តេចតេជោ ហ៊ុន សែន ណែនាំឱ្យហៅអ្នកសារព័ត៌មានអនឡាញ មកអប់រំ ណែនាំរឿងក្រមសីលធម៌វិជ្ជាជីវៈ។
  30. សម្តេចតេជោ ហ៊ុន សែន អំពាវនាវដល់អ្នកសារព័ត៌មាន កុំឱ្យដើរតួនាទីជំនួសមន្ត្រីនគរបាលយុត្តិធម៌ ជំនួសគ្រូពេទ្យ។
  31. សម្តេចតេជោ ហ៊ុន សែន បានថ្លែងថា សម្តេចត្រូវបានគេរើសអើង រឿងជួយមនុស្សនៅលើនាវា Westerdam៕

Fresh News

អត្ថបទទាក់ទង