នាយករដ្ឋមន្រ្តីជប៉ុន លោក Fumio Kishida បានតែងតាំងកូនប្រុសរបស់លោកជាជំនួយការនយោបាយជាន់ខ្ពស់

ដោយ៖ លី វិទ្យា | ថ្ងៃអង្គារ ទី៤ ខែតុលា ឆ្នាំ២០២២ ព័ត៌មានអន្តរជាតិ 26

អ្នកនាំពាក្យរដ្ឋាភិបាលជប៉ុន លោក Hirokazu Matsuno បាន និយាយថា «លោក Shotaro ដែលជាកូនប្រុសច្បងក្នុងចំណោមកូនប្រុសទាំង ៣ របស់លោក Kishida ត្រូវបានតែងតាំងជាលេខាធិការប្រតិបត្តិរបស់នាយករដ្ឋមន្ត្រី។ ការតែងតាំងនេះគឺរឿងដ៏សមស្របមួយ ពីព្រោះការតែងតាំងគឺជាការដាក់មនុស្សឱ្យត្រូវនឹងតួនាទី ដោយផ្អែកលើចរិតលក្ខណៈ និងជំនាញ ហើយខ្ញុំជឿថា រឿងនេះក៏មិនខុសគ្នាដែរ»។

ទោះជាយ៉ាងណាក៏ដោយ ការសម្រេចចិត្តផ្នែកនយោបាយ ក្នុងការតែងតាំងលោក Shotaro ជាជំនួយការនយោបាយជាន់ខ្ពស់ បានបង្កើតឱ្យមានការសង្ស័យថា «លោក Kishida ដែលមានវ័យចំណាស់ ទំនងជាកំពុងរៀបចំកូនប្រុសរបស់លោកឱ្យត្រៀមស្នងតំណែងបន្ត តាមរយៈការអនុញ្ញាតឱ្យលោកចូលរួមនៅក្នុងការធ្វើគោលនយោបាយកម្រិតខ្ពស់»។

ការតែងតាំងនេះក៏បានបង្កឱ្យមានការចោទប្រកាន់អំពីបក្ខពួកនិយមផងដែរ។ លើសពីនេះ អ្នករិះគន់បានពណ៌នាការដឹកនាំរបស់ប្រទេសជប៉ុនថា កំពុងត្រូវបានគ្រប់គ្រងដោយរាជវង្សដ៏មានអំណាច។ លោក Yuichiro Tamaki ដែលជាប្រធានគណបក្សប្រឆាំង «Democracy for People» បាននិយាយថា «វាគឺពិតជាការអនុវត្តដែលលម្អៀងទៅរកគ្រួសារ»៕

Sputnik News

អត្ថបទទាក់ទង

ក្រសួងសេដ្ឋកិច្ច និង JICA ចេញសេចក្តីប្រកាសព័ត៌មានរួម ស្តីពីការផ្តល់ហិរញ្ញប្បទានជិត៦០០លានដុល្លារដល់រាជរដ្ឋាភិបាលកម្ពុជា ឯកសារថ្ងៃអង្គារ ទី២៤ ខែមីនា ឆ្នាំ២០២០ 32
សម្តេចតេជោ ហ៊ុន សែន ថ្លែងអំណរគុណ រដ្ឋាភិបាល និងគ្រូពេទ្យជប៉ុន ដែលជួយផលិតកែវភ្នែកសិប្បនិមិត្ត៥គ្រាប់ទៀតជូនសម្តេច ដើម្បីប្រើប្រាស់ ព័ត៌មានទូទៅថ្ងៃអង្គារ ទី៩ ខែមករា ឆ្នាំ២០២៤ 62
ប្រទេសនៅអាស៊ីចាប់ផ្តើមជ្រើសរើសយកភាគីណាមួយនៅក្នុងសង្គ្រាមត្រជាក់រវាងអាមេរិក-រុស្ស៊ី ព័ត៌មានអន្តរជាតិថ្ងៃព្រហស្បតិ៍ ទី៧ ខែមេសា ឆ្នាំ២០២២ 89
សម្ដេចធិបតី ហ៊ុន ម៉ាណែត ផ្ញើសាររំលែកទុក្ខជូននាយករដ្ឋមន្ត្រីជប៉ុនចំពោះការបាត់បង់ជីវិតប្រជាជនជប៉ុន ដែលបណ្តាលមកពីការរញ្ជួយដីកាលពីថ្ងៃឆ្លងឆ្នាំកន្លងទៅ ព័ត៌មានទូទៅថ្ងៃព្រហស្បតិ៍ ទី៤ ខែមករា ឆ្នាំ២០២៤ 87