សម្តេចតេជោ ហ៊ុន សែន បញ្ជាឱ្យអភិបាលរាជធានី និងខណ្ឌនានា ត្រូវពិនិត្យមើលបញ្ហាផ្លូវ និងលូ ដែលខូចខាតត្រូវជួសជុលឡើងវិញ កុំទុកឱ្យប្រជាពលរដ្ឋពិបាកធ្វើដំណើរ
សម្តេចតេជោ ហ៊ុន សែន បញ្ជាឱ្យអភិបាលរាជធានី និងខណ្ឌនានា ត្រូវពិនិត្យមើលបញ្ហាផ្លូវ និងលូ ដែលខូចខាតត្រូវជួសជុលឡើងវិញ កុំទុកឱ្យប្រជាពលរដ្ឋពិបាកធ្វើដំណើរ
នៅព្រឹកថ្ងៃទី៣១ ខែសីហា ឆ្នាំ២០២២ ក្នុងឱកាសអញ្ជើញជាអធិបតីដ៏ខ្ពង់ខ្ពស់បើកការដ្ឋានសាងសង់ស្ពានអាកាសក្នុងរាជធានីភ្នំពេញចំនួន២បន្ថែមទៀត ដែលមានតម្លៃសរុបជាង ៤៦លានដុល្លារអាមេរិក សម្តេចតេជោ ហ៊ុន សែន បានលើកឡើងថា ការតំឡើងតំណែង និងតួនាទីនៅមូលដ្ឋាន មិនមែនយកមកអង្គុយលេងនោះទេ ពោលគឺមានការងាររាប់រយជំពូកដែលត្រូវបំពេញជូនប្រជាពលរដ្ឋ។
សម្តេចបានបន្តថា ពាក់ព័ន្ធ នឹងបញ្ហាផ្លូវថ្នល់ សម្តេចធ្លាប់បានក្រើនរំលឹកថា មិនត្រូវប្រចាំគ្នា ឬក៏ចាំក្រសួងសាធារណការ និងដឹកជញ្ជូននោះទេ ខាងក្រុង ខាងខណ្ឌក៏ដូចគ្នា ត្រូវនាំគ្នាមើលផ្លូវ កុំមើលតែលើត្រូវមើលក្រោមផង ត្រូវតែជួសជុលផ្លូវដើម្បីកុំឱ្យខូចខាតច្រើនឡើងៗ ពីតូចទៅធំឡើងៗនិងត្រូវហាមឃាត់ ដាក់ពិន័យអ្នកដឹកលើសទម្ងន់ និងបើកបរលើសល្បឿនផងដែរ។
សម្តេចបានមានប្រសាសន៍ថា ការតែងតាំងបន្ថែមអភិបាលរង ក្រុង ស្រុក ខណ្ឌ ឃុំសង្កាត់នោះ គឺដោយសារមានការងារច្រើនណាស់ នៅមូលដ្ឋានដែលត្រូវធ្វើ ដូច្នេះបើមិនធ្វើទេសម្តេចនឹងដកចេញវិញភ្លាម មិនទុកទេ៕
