ប្រវត្តិឈ្មោះស្រុក និងប្រាសាទ «បន្ទាយស្រី»
RFIបន្ទាប់ពីបានលើកឡើងពីភូមិនិងឃុំ «ព្រះដាក់ ឬ ប្រដាក» ក្នុងខេត្តសៀមរាបរួចមក ហេង ឧត្តម បន្តដំណើរទៅមុខទៀត រហូតដល់ប្រាសាទ និងស្រុកបន្ទាយស្រី។ ហេតុអ្វី បានជាគេហៅឈ្មោះប្រាសាទ និងស្រុក នេះ ឈ្មោះថា «បន្ទាយស្រី» ?
នៅក្នុងកម្មវិធីចាក់ផ្សាយនេះ មានសម្ភាសយុវជន និងអ្នកធ្វើការ ហើយរស់នៅស្រុក បន្ទាយស្រី ផ្ទាល់ពីការយល់ឃើញរបស់ពួកគេចំពោះឈ្មោះស្រុក និងប្រាសាទ ទីនេះ។ អភិបាលស្រុក ក៏ចូលរួមយោបល់ដែរ។
យើងមានអ្នកជំនាញ ដើម្បីបំភ្លឺ គឺ លោក ញឹម សុធាវិន្ទ អ្នកស្រាវជ្រាវប្រវត្តិសាស្ត្រ និងបុរាណវិទ្យា និងលោក វ៉ាន់ វី គ្រូបង្រៀនភាសាវិទ្យា នៅសកលវិទ្យាល័យភូមិន្ទភ្នំពេញ។
លោកគ្រូ វ៉ាន់ វី បានបញ្ជាក់ពីឈ្មោះដើមរបស់ «បន្ទាយស្រី» ដែលមានក្នុងសិលាចារឹក K. 842 ថា៖
វ្រះកម្រតេង៑អញ៑ឝ្រីត្រិភូវនមហេឝ្វរ = ព្រះគម្ដែងអញស្រីត្រីភូវនមហេសូរ។
ចំណែកពាក្យ «ស្រីត្រីភូវនមហេសូរ» ជាឈ្មោះដើម មានន័យថា «ព្រះដ៏ជាធំនៃត្រៃភព» ឬថា «ម្ចាស់នៃលោកទាំងបី»។
សូមអញ្ជើញចុចស្តាប់សំឡេងទាំងស្រុង៕ ហេង ឧត្តម RFI
