សម្តេចតេជោ ហ៊ុន សែន ៖ រឿងអ្នកណាធ្វើនាយករដ្ឋមន្រ្តីនៅពេលណា គឺជាកិច្ចការផ្ទៃក្នុងរបស់គណបក្សប្រជាជនកម្ពុជា
សម្តេចតេជោ ហ៊ុន សែន ៖ រឿងអ្នកណាធ្វើនាយករដ្ឋមន្រ្តីនៅពេលណា គឺជាកិច្ចការផ្ទៃក្នុងរបស់គណបក្សប្រជាជនកម្ពុជា
សម្តេចតេជោ ហ៊ុន សែន បានថ្លែងឆ្លើយតបទៅអ្នកវិភាគប្រឆាំងមួយចំនួនថា រឿងអ្នកណាធ្វើនាយករដ្ឋមន្រ្តីនៅពេលណា គឺជាកិច្ចការផ្ទៃក្នុងរបស់គណបក្សប្រជាជនកម្ពុជា ហើយទោះបីសម្តេចឈប់ចង់ធ្វើជានាយករដ្ឋមន្រ្តី ក៏សម្តេចនៅតែបន្តធ្វើជាប្រធានគណបក្សកាន់អំណាចដដែល។ សម្តេចបានថ្លែងដូចនេះនៅព្រឹកថ្ងៃទី២៩ ខែធ្នូ ឆ្នាំ២០២១ ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវ អគាររដ្ឋបាល និងសាលប្រជុំទីស្តីការក្រសួងការពាជាតិថ្មី ដែលចំខួបលើកទី២៣ឆ្នាំ នៃជោគជ័យក្នុងការនាំមកនូវសន្តិភាពពេញលេញ តាមរយៈនយោបាយឈ្នះឈ្នះ របស់សម្តេចតេជោ ( ២៩-ធ្នូ-១៩៩៨ – ២៩-ធ្នូ-២០២១)។
សម្តេចតេជោ ហ៊ុន សែន បានគូសបញ្ជាក់ថា មុនពេលដែលសម្តេចឈប់ធ្វើជានាយករដ្ឋមន្រ្តី សម្តេចនឹងបំពេញបំណងសម្រាប់អ្នកដែលចង់ឱ្យមានច្បាប់កំណត់អាយុនាយករដ្ឋមន្រ្តីផងដែរអាចថាអាយុនាយករដ្ឋមន្រ្តីត្រូវបានកំណត់ត្រឹម៧១ឆ្នាំ ឬ៧២ឆ្នាំ ឬច្រើនជាងនេះ។
សម្តេចតេជោ ហ៊ុន សែន បានថ្លែងគូសបញ្ជាក់ថា នៅក្រោយឆ្នាំ២០២៣ សម្តេចតេជោ ហ៊ុន សែន នឹងក្លាយទៅជាឪរបស់នាយករដ្ឋមន្រ្តីនៃព្រះរាជាណាចក្រកម្ពុជា ហើយទៅថ្ងៃអនាគតយូរខាងមុខទៀត សម្តេចតេជោ ហ៊ុន សែន ក៏នឹងក្លាយទៅជាជីតារបស់នាយករដ្ឋមន្រ្តីតទៅទៀតផងដែរ៕
