ការសិក្សារបស់សកលវិទ្យាល័យ Oxford បានបង្ហាញថា «ការចាក់វ៉ាក់សាំង AstraZeneca ដូសទីបី នឹងបង្កើនភាពរឹងមាំដល់ប្រព័ន្ធភាពស៊ាំ»
ការសិក្សារបស់សកលវិទ្យាល័យ Oxford បានបង្ហាញថា «ការចាក់វ៉ាក់សាំង AstraZeneca ដូសទីបី នឹងបង្កើនភាពរឹងមាំដល់ប្រព័ន្ធភាពស៊ាំ»
ក្រុមអ្នកស្រាវជ្រាវ នៅសកលវិទ្យាល័យ Oxford បានលើក ឡើងថា «ការចាក់វ៉ាក់សាំង AstraZeneca ដូស ទី៣ អាចនឹងធ្វើឱ្យប្រព័ន្ធភាពស៊ាំកាន់តែមានភាពរឹងមាំ»។ តែទោះបីជាយ៉ាងណាក៏ដោយ ក្រុម
អ្នកស្រាវជ្រាវក៏បានលើកឡើងទៀតថា «មិនទាន់មានភស្តុតាងណាមួយដែលបញ្ជាក់អំពីតម្រូវនៃការចាក់ដូសបន្ថែមនេះនៅឡើយនោះទេ ជាពិសេសដោយសារតែប្រទេសមួយចំនួនពេលនេះក៏កំពុងតែប្រឈមមុខនឹងបញ្ហានៃកង្វះខាតវ៉ាក់សាំងផងដែរ»។
ការសិក្សាមួយដែលត្រូវបានធ្វើឡើងនៅសាកលវិទ្យាល័យអង់គ្លេសមួយនេះបានបង្ហាញថា ការចាក់វ៉ាក់សាំងដូសទី៣ អាចបង្កើនចំនួនអង់ទីករ និងបង្កើនភាពរឹងមាំរបស់ប្រព័ន្ធភាពស៊ាំនៃកោសិកា T (T-cell)។ ការស្រាវជ្រាវនេះក៏បានបង្ហាញផងដែរថា ដូសទី២ នៃវ៉ាក់សាំង AstraZeneca អាចត្រូវពន្យារពេលចាក់បានរហូតដល់ទៅ ៤៥ សប្តាហ៍ ហើយការពន្យារពេលនេះក៏អាចនឹងជួយពង្រឹងដល់ប្រព័ន្ធភាពស៊ាំឱ្យកាន់តែមានភាពខ្លាំងក្លាផងដែរ។
រដ្ឋាភិបាលអង់គ្លេស ពិតជាបង្ហាញការចាប់អារម្មណ៍យ៉ាងខ្លាំងចំពោះការរកឃើញរបស់ការសិក្សាខាងលើ ខណៈពេលដែលខ្លួនកំពុងតែពិចារណាថា តើត្រូវរៀបចំផែនការសម្រាប់ការចាក់វ៉ាក់សាំងដូសបន្ថែមនៅរដូវស្លឹក ឈើជ្រុះខាងមុខដែរឬទេ។
យ៉ាងណាក៏ដោយ លោក Andrew Pollard សមាជិកនៃក្រុម Oxford Vaccine Group បានលើកឡើងថា «ពេលនេះ យើងមានភស្តុតាងដែលសំអាងថា វ៉ាក់សាំងអាចការពារប្រឆាំងនឹងមេរោគបំប្លែងខ្លួនសម្រាប់រយៈពេលយូរ។ ដូច្នេះយុទ្ធនាការ នៃការចាក់វ៉ាក់សាំងបន្ថែមដូចជាមិនចាំបាច់នោះទេ»៕ The Thaiger
