សម្តេចតេជោ ហ៊ុន សែន គាំទ្រឱ្យចាត់វិធានការតាមច្បាប់ ចំពោះអ្នកបំពានច្បាប់ប្រយុទ្ធប្រឆាំងជំងឺកូវីដ (Video Inside)

ដោយ៖ ប្រាជ្ញ សុវណ្ណរ៉ា​​ | ថ្ងៃសុក្រ ទី១៦ ខែមេសា ឆ្នាំ២០២១​ | ផ្ទះហ្វេសប៊ុក |
សម្តេចតេជោ ហ៊ុន សែន គាំទ្រឱ្យចាត់វិធានការតាមច្បាប់ ចំពោះអ្នកបំពានច្បាប់ប្រយុទ្ធប្រឆាំងជំងឺកូវីដ (Video Inside) សម្តេចតេជោ ហ៊ុន សែន គាំទ្រឱ្យចាត់វិធានការតាមច្បាប់ ចំពោះអ្នកបំពានច្បាប់ប្រយុទ្ធប្រឆាំងជំងឺកូវីដ (Video Inside)

(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសគាំទ្រពេញទំហឹងចំពោះការអនុវត្តន៍ច្បាប់ ដោយចាប់បញ្ជូនទៅកាន់តុលាការ ចំពោះជនបំពានច្បាប់ប្រយុទ្ធប្រឆាំងជំងឺកូវីដ១៩ ឬវិធានការនានាដែលអាជ្ញាធរបានដាក់ចេញ។

ក្នុងសារសំលេងដាក់ចេញបទបញ្ជាពង្រឹងការអនុវត្តវិធានការបិទខ្ទប់រាជធានីភ្នំពេញ និងក្រុងតាខ្មៅនៅថ្ងៃទី១៦ ខែមេសា ឆ្នាំ២០២១នេះ សម្តេចតេជោ បានគូសបញ្ជាក់ថា នៅតែមានជនបំពានច្បាប់ និងវិធានការដែលអាជ្ញាធរបានដាក់ចេញក្នុងការប្រយុទ្ធប្រឆាំងជំងឺកូវីដ១៩ ដូចជាការជួបជុំគ្នាផឹកស៊ី ឬការលួចធ្វើដំណើរឆ្លងខេត្តជាដើម។

សម្រាប់សម្តេចតេជោ ចំពោះជនទាំងនេះ មិនអាចលើកលែងបាននោះឡើយ។ សម្តេចតេជោនាយករដ្ឋមន្ត្រី បានបញ្ជាក់ដូច្នេះ «ខ្ញុំរីករាយជាមួយព័ត៌មានថា មានអ្នកបំពានច្បាប់ ហើយត្រូវបានចាប់បញ្ជូនទៅតុលាការ។ ខ្ញុំលើកទឹកចិត្តឱ្យមានការអនុវត្តន៍ច្បាប់ចាប់បញ្ជូនទៅតុលាការដោយគ្មានការលើកលែង សម្រាប់មនុស្សណាក៏ដោយ ដែលបំពានលើបំរាមនៃការបិទខ្ទប់ ហើយក៏ដូចជាការបំពានទៅលើអនុក្រឹត្យ និងបទបញ្ញត្តិទាំងឡាយ»។

សូមបញ្ជាក់ថា មកដល់ពេលនេះ មានមនុស្សជាច្រើននាក់ហើយ ត្រូវបានផាកពិន័យ និងចាប់បញ្ជូនទៅកាន់តុលាការ ដោយសារពួកគេបំពានវិធានការរបស់អាជ្ញាធរ ដូចជាការជួបជុំផឹកស៊ី និងលួចធ្វើដំណើរឆ្លងខេត្តជាដើម៕

បញ្ចេញមតិ
ពាក្យគន្លឹះទាក់ទង
អត្ថបទទាក់ទង