ជូនដំណឹង! អ្នកកើតកូវីដ-១៩ ធ្លាប់ទៅហាង Park Café (ក្បែរសាលាសន្ធរម៉ុក) នៅថ្ងៃទី១៧ ខែមីនា, អ្នកសង្ស័យសូមទៅពិនិត្យសំណាក
ជូនដំណឹង! អ្នកកើតកូវីដ-១៩ ធ្លាប់ទៅហាង Park Café (ក្បែរសាលាសន្ធរម៉ុក) នៅថ្ងៃទី១៧ ខែមីនា, អ្នកសង្ស័យសូមទៅពិនិត្យសំណាក
អនុគណៈកម្មការស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ នៅព្រឹកថ្ងៃទី២៩ ខែមីនា ឆ្នាំ២០២១នេះ បានជូនដំណឹងនៅលើ Facebook ថា អ្នកកើតជំងឺកូវីដ-១៩ ធ្លាប់បានចូលទៅហាង Park Café (ក្បែរសាលាសន្ធរម៉ុក) មានទីតាំងស្ថិតនៅតាមបណ្ដោយផ្លូវលេខ១២៨ (ផ្លូវកម្ពុជាក្រោម) សង្កាត់ទឹកល្អក់១ ខណ្ឌទួលគោក រាជធានីភ្នំពេញ។
អនុគណៈកម្មការស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ បានអំពាវនាវដល់ប្រជាពលរដ្ឋ ដែលធ្លាប់ចូលទៅហាង Park Café នៅថ្ងៃទី១៧ ខែមីនា ឆ្នាំ២០២១ ម៉ោង០៥៖១៤នាទីល្ងាច ប្រសិនបើមានអាការៈមិនស្រួលខ្លួន ឬលេចចេញរោគសញ្ញា គ្រុនក្តៅ ក្អក កណ្តាស់ ឈឺក ហៀរសំបោរ ហត់ ឬពិបាកដកដង្ហើម សូមមេត្តាប្រញាប់ ទៅធ្វើតេស្តរកមេរោគកូវីដ-១៩។
ទីតាំងសម្រាប់ធ្វើតេស្ដមាននៅវិទ្យាល័យបាក់ទូក, វិទ្យាល័យបឹងត្របែក, មណ្ឌលសុខភាពចាក់អង្រែក្រោម, មន្ទីរពេទ្យខ្មែរ-សូវៀត, សាលាបឋមសិក្សា សុភមង្គល (ក្រោយផ្សារស៊ិន ជូរី បណ្តោះអាសន្ន) និងមន្ទីរពេទ្យបង្អែកនៅតាមបណ្តាខេត្តនានា៕ Fresh News
