ខ្មែរប៉ុស្ដិ៍ Close

    ក្រសួងសុខាភិបាល៖ ករណីពលករមកពីប្រទេសថៃម្នាក់ស្លាប់នៅមណ្ឌលធ្វើចត្តាឡីស័កនៃខេត្តត្បូងឃ្មុំ គឺដោយសារជំងឺគាំងបេះដូង

    ដោយ៖ លី វិទ្យា ​​ | ថ្ងៃចន្ទ ទី៤ ខែមករា ឆ្នាំ២០២១ ព័ត៌មានទូទៅ 1617
    ក្រសួងសុខាភិបាល៖ ករណីពលករមកពីប្រទេសថៃម្នាក់ស្លាប់នៅមណ្ឌលធ្វើចត្តាឡីស័កនៃខេត្តត្បូងឃ្មុំ គឺដោយសារជំងឺគាំងបេះដូងក្រសួងសុខាភិបាល៖ ករណីពលករមកពីប្រទេសថៃម្នាក់ស្លាប់នៅមណ្ឌលធ្វើចត្តាឡីស័កនៃខេត្តត្បូងឃ្មុំ គឺដោយសារជំងឺគាំងបេះដូង

    នៅយប់ថ្ងៃទី ២ ខែមករា ឆ្នាំ២០២១ ក្រសួងសុខាភិបាល បានចេញសេចក្តីជូនដំណឹងបន្ទាន់អំពីករណីពលករមកពីប្រទេសថៃម្នាក់ ស្លាប់ដោយសារជំងឺគាំងបេះដូង ហើយរអិលដួលបោកក្បាលក្នុងបន្ទប់ទឹក ក្នុងពេលដែលរូបគាត់ជាប់ធ្វើចត្តាឡីស័កនៅក្នុងវិទ្យាល័យត្បូងឃ្មុំ ក្នុងខេត្តត្បូងឃ្មុំ។

    ក្រសួងសុខាភិបាលបានបញ្ជាក់ថា បុរសដែលស្លាប់ដោយសារគាំងបេះដូង មានអាយុ៥២ឆ្នាំ រស់នៅភូមិមេលោង ឃុំមៀន ស្រុកអូរាំងឪ ខេត្តត្បូងឃ្មុំ ស្លាប់នៅវេលាម៉ោង៩៖១០ នាទី ព្រឹកថ្ងៃទី០២ ខែមករា ឆ្នាំ២០២១ នេះ។ បុរសដែលបានស្លាប់រូបនេះបានត្រឡប់ពីធ្វើការនៅប្រទេសថៃវិញ នាថ្ងៃទី២៨ ខែធ្នូ ឆ្នាំ២០២០ ហើយក៏ត្រូវបន្តដាក់ឱ្យធ្វើចត្តាឡីស័កនៅខេត្តត្បូងឃ្មុំ ចាប់ពីថ្ងៃទី ២៩ ខែធ្នូ ឆ្នាំ២០២០ មក។ ជាមួយគ្នានោះ ក្រុមការងារក៏បានយកសំណាករបស់គាត់ទៅពិនិត្យលើកទី១រួចរាល់ ហើយឃើញថា «អវិជ្ជមាន»

    ក្រោយពេលធ្វើកោសល្យវិច័យរួចរាល់ សពបុរសខាងលើត្រូវបានសមត្ថកិច្ចប្រគល់ជូនក្រុមគ្រួសារសព ដើម្បីធ្វើបុណ្យតាមប្រពៃណី៕

    អត្ថបទទាក់ទង