ក្រៅពីស្រូវ និងអង្ករការនាំចេញ ដំឡូងមីក៏មានបរិមាណច្រើនគួរសមដែរ
ក្រៅពីស្រូវ និងអង្ករការនាំចេញ ដំឡូងមីក៏មានបរិមាណច្រើនគួរសមដែរ
ក្រៅពីស្រូវនិងអង្ករដែលបាននាំចេញច្រើនក្រសួងកសិកម្ម រុក្ខា ប្រមាញ់ និង នេសាទ បានអះអាងថា បរិមាណនៃការនាំចេញដំឡូងមីក្រៀមក៏មានបរិមាណនៃការនាំចេញច្រើនទីពីរនៅក្នុងបញ្ជីនាំចេញ ផលិតផលកសិកម្មរបស់កម្ពុជាផងដែរ ។
នៅក្នុងរបាយការណ៍ដែលផ្សព្វផ្សាយដោយឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទកាលពីព្រលប់ម្សិលមិញ បានឲ្យដឹងថា បរិមាណដំឡូងមីដែលកម្ពុជានាំចេញទៅក្រៅប្រទេសនៅក្នុងរយៈពេល ១១ ខែ ឆ្នាំ២០២០ គឺមានចំនួន រហូតដល់ទៅ ១.៣១២.៩១៣ តោន ។
ប្រភពដដែលបានអះអាងថា តួរលេខនៃការនាំចេញនេះ គឺមានកំណើន៨,២៦ភាគរយ ធៀបនឹងរយៈពេលដដែលកាលពីឆ្នាំ២០១៩ កន្លងទៅ ។
ក្រៅពីដំឡូងមី និង ស្រូវអង្ករ នៅក្នុងរយៈ១១ ខែ នៃឆ្នាំ២០២០ នេះកម្ពុជាបាននាំចេញផលិតផលកសិកម្មផ្សេងៗសរុបប្រមាណជា ៥,០៥ លានតោនចំនួន ៦៧ មុខ ទៅកាន់គោលដៅចំនួន ៤៦ ប្រទេស នៅលើពិភពលោក ។
ក្រៅពីស្រូវ អង្ក ដំឡូងមី ផលិតផលដែលកម្ពុជានាំចេញទៅនោះ មានតាំងពីបន្លែ ជ័រកៅស៊ូ ម្ទេស ពោត ស្វាយ គ្រាប់ឈូក ស្វាយចន្ទី …។ល។
