ដំណឹងរីករាយ! អ្នកជំងឺកូវីដ១៩ម្នាក់បានជាសះស្បើយ និងពុំមានករណីឆ្លងថ្មីនោះទេនៅព្រឹកថ្ងៃអាទិត្យនេះ

ដោយ៖ លី វិទ្យា​​ | ថ្ងៃអាទិត្យ ទី១១ ខែតុលា ឆ្នាំ២០២០​ | កីឡា - សុខភាព |
ដំណឹងរីករាយ! អ្នកជំងឺកូវីដ១៩ម្នាក់បានជាសះស្បើយ និងពុំមានករណីឆ្លងថ្មីនោះទេនៅព្រឹកថ្ងៃអាទិត្យនេះ ដំណឹងរីករាយ! អ្នកជំងឺកូវីដ១៩ម្នាក់បានជាសះស្បើយ និងពុំមានករណីឆ្លងថ្មីនោះទេនៅព្រឹកថ្ងៃអាទិត្យនេះ

ក្រសួងសុខាភិបាល នៅព្រឹកថ្ងៃអាទិត្យទី១១ ខែតុលា ឆ្នាំ២០២០ នេះ បានចេញសេចក្តីប្រកាសព័ត៌មាន ដោយបញ្ជាក់ថា អ្នកជំងឺកូវីដ១៩ ចំនួន ១នាក់បានជាសះស្បើយ និងមិនមានរកឃើញករណីឆ្លងជំងឺកូវីដ១៩ថ្មីនោះទេ។

អ្នកជាសះស្បើយ គឺជាបុរសជនជាតិហុងគ្រីអាយុ ៧០ឆ្នាំ មានអាសយដ្ឋានស្នាក់នៅភូមិគ្រួស សង្កាត់ស្វាយដង្គុំ ក្រុងសៀមរាប ខេត្តសៀមរាប។ គាត់ជាអ្នកដែលបានធ្វើដំណើរមកពីប្រទេសបារាំង ដោយបានប្ដូរជើងហោះហើរនៅប្រទេសកូរ៉េខាងត្បូង និងបានមកដល់កម្ពុជា កាលពីថ្ងៃទី ១៣ ខែកញ្ញា ឆ្នាំ២០២០។

សូមជម្រាបថាគិតត្រឹមម៉ោង ០៧៖០០ព្រឹក ថ្ងៃអាទិត្យទី១១ ខែតុលា ឆ្នាំ២០២០ កម្ពុជាបានរកឃើញអ្នកឆ្លងជំងឺកូវីដ១៩ សរុបចំនួន ២៨៣នាក់ (ស្រី្ត ៥៧នាក់ និងបុរស ២២៦នាក់) ក្នុងនោះចំនួនអ្នកដែលត្រូវបានព្យាបាលជាសះស្បើយសរុបនៅទូទាំងប្រទេស មានចំនួន ២៧៨នាក់ (ស្រី៥៥នាក់ និងបុរស២២៣នាក់) និងអ្នកសម្រាកព្យាបាលនៅមណ្ឌលសុខភាពចាក់អង្រែ រាជធានីភ្នំពេញ នៅសល់ចំនួន ៥នាក់ទៀត៕

សូមអាននូវសេចក្ដីប្រកាសព័ត៌មានរបស់ក្រសួងសុខាភិបាលដូចខាងក្រោម៖

បញ្ចេញមតិ
ពាក្យគន្លឹះទាក់ទង
អត្ថបទទាក់ទង