ថ្ងៃនេះ កម្ពុជាពុំមានករណីឆ្លងកូវីដ១៩ថ្មី ហើយក៏ពុំមានជាសះស្បើយថ្មីដែរ, អ្នកកំពុងសម្រាកព្យាបាលបន្តនៅតែ ២នាក់ដដែល

ដោយ៖ សន ប្រាថ្នា​​ | ថ្ងៃចន្ទ ទី១១ ខែឧសភា ឆ្នាំ២០២០​ | កីឡា - សុខភាព |
ថ្ងៃនេះ កម្ពុជាពុំមានករណីឆ្លងកូវីដ១៩ថ្មី ហើយក៏ពុំមានជាសះស្បើយថ្មីដែរ, អ្នកកំពុងសម្រាកព្យាបាលបន្តនៅតែ ២នាក់ដដែល ថ្ងៃនេះ កម្ពុជាពុំមានករណីឆ្លងកូវីដ១៩ថ្មី ហើយក៏ពុំមានជាសះស្បើយថ្មីដែរ, អ្នកកំពុងសម្រាកព្យាបាលបន្តនៅតែ ២នាក់ដដែល

គិតត្រឹមម៉ោង ៧ ព្រឹក ថ្ងៃទី១១ ខែឧសភា ឆ្នាំ២០២០នេះ ក្រសួងសុខាភិបាល បានប្រកាសថា មិនមានករណីជាសះស្បើយបន្ថែមទៀតទេ ហើយក៏មិនមានករណីឆ្លងជំងឺកូវីដ១៩ ថ្មីទេ។ នេះបើតាមការបញ្ជាក់របស់លោក ម៉ម ប៊ុនហេង រដ្ឋមន្ត្រីក្រសួងសុខាភិបាល ក្នុងសន្និសីទសារព័ត៌មានស្តីពីការបច្ចុប្បន្នភាពជំងឺកូវីដ១៩ នៅកម្ពុជា។

គួរបញ្ជាក់ថា មកទល់នឹងថ្ងៃនេះ គឺមានរយៈពេល ២៩ថ្ងៃហើយ ដែលកម្ពុជាគ្មានអ្នកឆ្លងជម្ងឺកូវីដ១៩ថ្មី។

អ្នកដែលនៅតែកំពុងបន្តសម្រាកព្យាបាលគឺស្ត្រីជនជាតិខ្មែរចំនួន ១នាក់នៅឯខេត្តបន្ទាយមានជ័យ និងបុរសជនជាតិខ្មែរចំនួន ១នាក់នៅឯខេត្តកំពង់ឆ្នាំង ។ ពួកគាត់ទាំងពីរពេលនេះកំពុងសម្រាកព្យាបាលបន្តនៅមន្ទីរពេទ្យមិត្តភាពខ្មែរ-សូវៀត ។

គួរជម្រាបថា មកដល់ពេលនេះ ករណីឆ្លងកូវីដ១៩សរុបនៅទូទាំងប្រទេសកម្ពុជាមានចំនួន ១២២ករណីដដែល ខណៈជាសះស្បើយមានចំនួន ១២០ករណី និងអ្នកដែលកំពុងសម្រាកព្យាបាលបន្តមានចំនួនត្រឹមតែ ២ករណីទៀតប៉ុណ្ណោះ ៕

បញ្ចេញមតិ
ពាក្យគន្លឹះទាក់ទង
អត្ថបទទាក់ទង