លោកនាយករដ្ឋមន្ត្រី ហ៊ុន សែន បង្ហើបឱ្យដឹងថា ការចង់ស្នើឱ្យមានការធ្វើវិសោធនៈកម្មរដ្ឋធម្មនុញ្ញកម្ពុជា គឺជារឿងឆ្កួតៗ
លោកនាយករដ្ឋមន្ត្រី ហ៊ុន សែន បង្ហើបឱ្យដឹងថា ការចង់ស្នើឱ្យមានការធ្វើវិសោធនៈកម្មរដ្ឋធម្មនុញ្ញកម្ពុជា គឺជារឿងឆ្កួតៗ
លោកនាយករដ្ឋមន្ត្រី ហ៊ុន សែន បានបង្ហើបឱ្យដឹងថា មានការចង់ស្នើឱ្យមានការធ្វើវិសោធនកម្មច្បាប់រដ្ឋធម្មនុញ្ញពីរូបមន្ត ៥០+១ ទៅជារូបមន្ត២/៣ វិញគឺជារឿងឆ្កួតៗ ដោយហេតុថា ចាប់ពីឆ្នាំ២០០៣ ឆ្នាំ២០១៣ និងឆ្នាំ២០១៨ មក រដ្ឋសភាកម្ពុជា លែងជួបនូវវិបត្តិខ្វះកូរ៉ូមប្រជុំដូចពេលមុនទៀតឡើយ។ ដូច្នេះ គ្មានហេតុផលអ្វីដែលត្រូវធ្វើវិសោធនៈកម្មច្បាប់ឡើងវិញនោះទេ។
លោកនាយករដ្ឋមន្រ្តី ហ៊ុន សែន បានថ្លែងបែបនេះ នៅព្រឹកថ្ងៃទី២ ខែមីនា ឆ្នាំ២០២០នេះ ក្នុងឱកាសអញ្ជើញជាអធិបតីក្នុងពិធីប្រគល់សញ្ញាបត្រជូននិស្សិតសាកលវិទ្យាល័យអាស៊ីអឺរ៉ុបចំនួន ១,៥៨៩នាក់ ក្នុងនោះនារី ៦១៦នាក់ ដែលពិធីនេះប្រារព្ធធ្វើឡើងនៅវិទ្យាស្ថានជាតិអប់រំ រាជធានីភ្នំពេញ។
លោកនាយករដ្ឋមន្ត្រី ហ៊ុន សែន បានថ្លែងបញ្ជាក់បន្ថែមទៀតថា ការស្នើឱ្យធ្វើវិសោធនកម្មរដ្ឋធម្មនុញ្ញកម្ពុជា ដោយឱ្យនាយករដ្ឋមន្ត្រី មានទាយាទសម្រាប់កាន់តំណែងបន្តដឹកនាំប្រទេសគឺមិនអាចទៅរួចនោះទេ ហើយក៏ជារឿងខុសច្បាប់ផងដែរ ពីព្រោះនៅកម្ពុជាគឺប្រកាន់យកនូវរបបប្រជាធិបតេយ្យសេរីពហុបក្ស៕
